Números 18:3

Ñanderuete Ñe’ẽ Porã 2015

Ha’ekuéra ojapopava’erã nde eréva guive ichupekuéra ha oñangarekóta avei hikuái pe óga jojohuha rehe; noñembojaiva’erã katu pe kuave’ẽmby renda pegua tembiporu rehe, oñemboykéva pende Ruetépe, ani hag̃ua ha’ekuéra ha peẽ pemano avei.

Referencias Cruzadas

Ezequiel 44:13

Leviguakuéra noñembojamo’ãi che ypýpe omba’apo hag̃ua chéve che pa’i ramo, ha noñembojamo’ãi hikuái mba’eveichagua kuave’ẽmby rembiporu rehe, ha’ekuéra katuete ogueraháta ijapére opaite hembiapo vai ha otĩeteva’erã hikuái.

Números 1:51

Ha pe óga jojohuha ojererovataha ára umi Levigua oipe’apava’erã, ha pe óga jojohuha opytataha ára, umi Levigua omopu’ãmba jevyva’erã; ha hesegua’ỹva oñemboja ramo pe tembiapo pévare omanova’erã.

Números 1:53

Leviguakuéra oikova’erã pe óga jojohuha jerekuévo, ani hag̃ua pende Ruete pochy ho’a Israel ñemoñare nguéra aty ári; ha Leviguakuéra opytáta oñangareko hag̃ua pe óga jojohuha rehe.

Números 16:40

Israel ñemoñarenguéra imandu’a hag̃ua Aaron ñemoñarenguérante oikuave’ẽva’erãha mba’e ryakuã porã Ñanderuete renondépe, ha ani hag̃ua ojehu ichupekuéra Core ha iñirũnguérape ojehu haguéicha ha Ñanderuete he’i haguéicha ichupe Moises juru rupi.

Números 18:4

Ha’ekuéra oñembyatýta penendive pe óga jojohuhápe omba’apo ha oñangareko hag̃ua pe óga jojohuha rehe ani hag̃ua peteĩ ndaha’éiva Levigua térã pa’i oñemboja pe óga jojohuha rehe.

Números 18:7

Nde, Aaron, ha nde ra’ykuéra peñangarekóta pendejehe pa’i rekoitépe opaite mba’e ojejapóva guive pe kuave’ẽmby rendápe ha óga jojohuha kotykuérape péva ningo pene rembiapo, Che ame’ẽma peẽme peiko hag̃ua pa’i ramo; oimeraẽ ndaha’éiva pa’i ha ojapo ramo pa’i rembiapo omanova’erã.

Números 3:25

Ha Gerson ra’y oñangareko pe óga jojohuha rehe, oĩháme umi mokõi kotyguasu, pe kotyguasu oñemboykéva pa’ikuérape ha pe kotyguasu oñemboykéva Ñanderuete ha pa’iguasúpe, ha avei imo’ãhakuéra ha umi aosãingo hokẽ rehegua rehe.

Números 3:31

Ipoguýpe opytáta pe karameg̃ua, pe mesa, pe tataindyenda, kuave’ẽmby rendakuéra, umi óga jojohuha rembiporukuéra, ha opaichagua aosãingo ojeporúva guive hembiapópe.

Números 3:36

Merari ra’ykuéra oñangarekóta umi óga jojohuha tablon rehe, umi alfajía rehe, umi horcon rehe, ipyendakuéra rehe ha opaite hembiporukuéra rehe,

Números 31:30

Ha umi Israel ñemoñare mba’égui, pemboykéta opaite 50 mba’égui peteĩ mba’e, taha’e kuimba’e térã guéi, térã búrro, térã ovecha, térã opaichagua ambue tymba, ha peme’ẽta Leviguakuérape, ha’ekuéra oñangarekógui pende Ruete róga jojohuha rehe.

Números 4:15

Ha Aaron ha ita’yrakuéra oñu’ãmba rire pe óga jojohuha ha hembiporukuéra ojeguerova hag̃ua, ouva’erã Coat ra’ykuéra ogueraha hag̃ua, ndopokoiva’erã mba’evete rehe, oñemboykémava guive pende Ruetépe g̃uarã, ani hag̃ua omano hikuái. Ko’ãva hína Coat ñemoñarenguéra rembiaporãnguéra, pe óga jojohuhápe.