Números 18:2

Ñanderuete Ñe’ẽ Porã 2015

Ha ne pehẽnguekuéra, nde ru Levi tríbu reheguáva toñembyaty avei nendive, ha nde poguýpe tanepytyvõ ndéve ha nde ra’ykuérape pe óga jojohuha rembiapópe.

Referencias Cruzadas

Genesis 29:34

Ha hyeguasu jevy ha imemby peteĩ mitãkuimba’e, ha he’i: Ko’ág̃a ae katu che ména opytáta chendive, ame’ẽmagui ichupe mbohapy kuimba’e; ha ombohéra ichupe Levi.

2 Crónicas 30:16

Ha oñemoĩ hikuái henda ha hi’árape ojepokuaa háicha, Moises, Ñanderuete rembiguái he’i haguéicha; ha umi pa’i ohypýi pe tuguy, ojapyhýva Leviguakuéra pógui.

Ezequiel 44:11

Ha’ekuéra oñangarekóta che rogaguasu rokẽ rehe, ha’ekuéra oikóta che rogaguasu rembiguái ramo, ha’ekuéra ojukava’erã umi tymba hetãyguakuéra oikuave’ẽséva guive ha oipytyvõva’erã avei hetãnguérape.

Ezequiel 44:15

Ha umi Levigua pa’i, Sadoc ñemoñaréva, hekoitépe ojapova’ekue che rogaguasu rembiapo ambue Israelguakuéra oñemboyke ramoguare chehegui, ha’ekuérante oñembojáta omba’apo hag̃ua che renondépe, ha che renondépe oĩta hikuái oikuave’ẽ hag̃ua chéve umi tymba kyrakue ha huguykue, he’i pende Ruete.

Malaquías 2:4

Péicha peikuaáta Che ame’ẽ hague che ñe’ẽ Levípe, he’i ángel atykuéra Jára.

Números 1:53

Leviguakuéra oikova’erã pe óga jojohuha jerekuévo, ani hag̃ua pende Ruete pochy ho’a Israel ñemoñare nguéra aty ári; ha Leviguakuéra opytáta oñangareko hag̃ua pe óga jojohuha rehe.

Números 16:40

Israel ñemoñarenguéra imandu’a hag̃ua Aaron ñemoñarenguérante oikuave’ẽva’erãha mba’e ryakuã porã Ñanderuete renondépe, ha ani hag̃ua ojehu ichupekuéra Core ha iñirũnguérape ojehu haguéicha ha Ñanderuete he’i haguéicha ichupe Moises juru rupi.

Números 17:7

Ha Moises omoĩ umi yvyra po’i Ñanderuete renondépe pe óga jojohuhápe, pe karameg̃ua renondépe, oĩháme umi 10 tembiapoukapy.

Números 18:4

Ha’ekuéra oñembyatýta penendive pe óga jojohuhápe omba’apo ha oñangareko hag̃ua pe óga jojohuha rehe ani hag̃ua peteĩ ndaha’éiva Levigua térã pa’i oñemboja pe óga jojohuha rehe.

Números 3:5

Ha Ñanderuete oñe’ẽ Moiséspe ha he’i:

Números 4:15

Ha Aaron ha ita’yrakuéra oñu’ãmba rire pe óga jojohuha ha hembiporukuéra ojeguerova hag̃ua, ouva’erã Coat ra’ykuéra ogueraha hag̃ua, ndopokoiva’erã mba’evete rehe, oñemboykémava guive pende Ruetépe g̃uarã, ani hag̃ua omano hikuái. Ko’ãva hína Coat ñemoñarenguéra rembiaporãnguéra, pe óga jojohuhápe.

Números 8:19

Ha Che amoĩma umi Leviguápe Aaron ha ita’yrakuéra poguýpe omba’apo hag̃ua Israel ñemoñarenguéra rendaguépe pe óga jojohuhápe, ha’ekuéra omoingo porã jevy hag̃ua Israel ñemoñarenguéra pende Ruete ndive, ani hag̃ua ou mba’asy vai Israel ñemoñarenguérape, ha’ekuéra oñemboja ramo pe óga jojohuha rehe.

Números 8:22

Upéi Leviguakuéra ou ojapo hag̃ua hembiapo pe óga jojohuhápe, Aaron ha ita’yrakuéra poguýpe; Ñanderuete he’i haguéicha Moiséspe, peichaite ojejapopa avei hesekuéra.

hebreoyguakuerape 9:6

Upéicha oñembosako’i ko’ã mba’e, oĩmba hag̃ua; pe kotyguasu oñemboyke pa’ikuérape g̃uarã térã kotyguasu peteĩháme oike pa’ikuéra meme árape ojapo hag̃ua pe cúlto rehegua rembiapokuéra.