Números 17:5

Ñanderuete Ñe’ẽ Porã 2015

Ha pe yvyra po’i ipotýtava jára, Che aiporavómava Israelguakuéra apytégui, péicha Che amokirirĩta Israel ñemoñarenguéra ñe’ẽguyguy vaígui.

Referencias Cruzadas

2 Crónicas 26:16

Ha oñemombaretete rire ou oñembotuicha ipy’apýpe iñehundirã gotýo; opu’ãgui Ñanderuete, Ijára rehe, oikévo Ñanderuete rógape omotimbo hag̃ua mba’e ryakuã porã pe mohyakuãha kuave’ẽmby renda ári.

Ésdras 2:62

Ko’ãva ohekákuri kuatia ojehai hague ijypykuéra réra, ha ndojejohúi; upévagui ojepe’ákuri ichupekuéra pa’i apytégui.

Salmokuéra 105:26

Upéi omondo hembiguái Moiséspe, ha hembiporavopyre Aarónpe,

Éxodo 16:7

ha pyhareve pehecháta Ñanderuete reko jajaipa, Ha’e ohendúgui pekaguaiha hese, ha orerehe mba’e piko ore, pekaguái avei orerehe.

Isaías 11:1

Osẽva’erã peteĩ yvyra rakã Isai yvyrágui, ha peteĩ hoky pyahu hi’ava’erã hapokuéragui.

Isaías 13:11

Che voi ahaviráta tetãnguérape yvy tuichakuépe iñaña haguére, ha avei umi oñemoĩva cherehe hembiapo vai rupi; ha amboguéta umi ha’entesévape ha aitýta umi oñembotuichávape.

Isaías 27:6

Og̃uahẽta pe ára Jacóbo oñembohapo jevýta, Israel hoky pyahu ha ipotýta, ha hi’akuégui omyenyhẽta ko yvy ape ári.

Isaías 5:24

Pemboyke haguére Ñanderuete rembiapoukapy ha iñe’ẽ porã peñehundíta, ku tata ohapy háicha umi temitỹngue ha kapi’i pirukue; peẽ pendetujúta ku yvyra rapo tuja ituju háicha ha upéi peñemosarambipáta, oñemosarambi háicha opárupi umi yvyra potykue.

Ezequiel 16:41

Ha’ekuéra ohapýta nde rogakuéra ha nembojovakéta heta kuña renondépe; péicha ajapóta anive hag̃ua reiko kuña heko vaíva ramo, ha anive hag̃ua reme’ẽ jopói nde rayhuhárape;

Ezequiel 23:27

Ha Che aipe’áta ndehegui ne kuña reko vai ha nde reko ky’a rejapóva Egípto retãme; anive hag̃ua rejesarekove hesekuéra ha nanemandu’avéi hag̃ua Egípto rehe.

Oséas 14:5

Che ha’éta Israélpe g̃uarã ysapýicha, ha’e ipotýta pe yvoty lírioicha ha oipysóta hapokuéra cédro ka’aguýicha.

Números 1:51

Ha pe óga jojohuha ojererovataha ára umi Levigua oipe’apava’erã, ha pe óga jojohuha opytataha ára, umi Levigua omopu’ãmba jevyva’erã; ha hesegua’ỹva oñemboja ramo pe tembiapo pévare omanova’erã.

Números 11:1

Israelguakuéra oñe’ẽngururu vai Ñanderuete rehe, ha Ñanderuete ohendúvo péva ipochy, ha hendy ijapytepekuéra hata, ha oñepyrũ ombokusugue peteĩ hekoha apýra guive.

Números 16:11

Upéicharupi peẽ ha penendive oĩva peñembyatýva guive peñemoĩ Ñanderuete rehe; ha ndaha’éi Aaron rehe, ha mba’éiko ha’e, peñe’ẽ vai hag̃ua hese.

Números 16:5

ha oñe’ẽ Corépe ha hendive oúvape, he’ívo: Ko’ẽ ramo Ñanderuete ohechaukáta mávapa imba’e, mávapa heko potĩ ha mávapa Ha’e oipota oñemboja henondépe; Ha’e ohechaukáta upe Ha’e oiporavomava’ekuépe.

Números 17:10

Ha Ñanderuete he’i Moiséspe: Emoĩ jevy Aaron yvyra po’i pe óga jojohuhápe ha eñongatu ijyvyra po’i pe karameg̃ua renondépe techaukaha ramo; péicha remokirirĩta umi iñe’ẽvaiva’ekuépe che renondépe, ani hag̃ua omanótei avei hikuái.

Números 17:6

Ha Moises oñe’ẽ Israel ñemoñarenguérape, ha opaite tríbu ruvicha ome’ẽ ichupe ijyvyra po’i; oñondivepa oĩ 12 yvyra po’i; ha Aaron yvyra po’i oĩkuri ijapytepekuéra.

Números 17:8

Ha ojehu ambue árape, Moises oike rire pe óga jojohuhápe, péina Aaron, Levi rogaygua rehegua yvyra po’i hoky pyahu jevy, ipoty ha hi’a.

1 Corintoyguakuérape 10:10

Ani pechi’õ (peñe’ẽguyguy) ha’ekuéra ochi’õ haguéicha ha oñehundi hikuái pe mbyaihára po rupi.

Josué 4:7

pejeva’erã ichupekuéra: Pe Jordan y oñemboja’ova’ekue Ñanderuete karameg̃ua renondépe; ore rohasa ramoguare Jordan rupi, hi’y oñemboja’ova’ekue; ha pe ita atýra oikóta mandu’aha ramo Israel ñemoñarenguérape g̃uarã opaite árape.