Números 16:9

Ñanderuete Ñe’ẽ Porã 2015

Naimba’eguasúipa peẽme g̃uarã Israel Jára penemboykévo Israel atýgui ha pendeporavo peservi hag̃ua Ñanderuete róga rembiapópe ha peime hag̃ua pene retãyguakuéra renondépe peservi hag̃ua ichupekuéra.

Referencias Cruzadas

Genesis 30:15

Ha Léa he’i: Ndahetáima piko reipe’a chehegui che ména, ha reguerahase avei che memby mandragora’yva. Ha Raquel he’i: Topytána ha’e nendive ko pyharépe ne memby mandragora’yva rehe.

2 Samuel 7:19

Ha jepevérõ, ha’eténte ndéve imichĩetereiha ko’ã mba’e Nde reñe’ẽ avei ne rembiguái rogaygua renonderã rehe. Péicha voi ningo pe mborayhu rerekóva yvy ariguakuéra ndive.

2 Crónicas 35:3

Ha he’i umi Leviguápe ombo’e hag̃ua opaite Israelgua oñemboheko potĩva’ekuépe Ñanderuetépe g̃uarã: Pemoĩ Ñanderuete karameg̃ua pe ógape, David, Israel retã ruvicha ra’y Salomon omopu’ãva’ekue, natekotevẽvéima peguerahapeína pende ati’y ári. Ko’ág̃a peñemoĩ pemba’apo hag̃ua Ñanderuetépe ha hetã Israélpe.

Nehemías 12:44

Pe ára pévape ojeporavo umi kuimba’ekuérape oñangareko hag̃ua umi depósito rehe, mba’erepyeta oñeñongatuhápe, kuave’ẽmbynguéra, diézmo, koga’a ypykue, ha avei opaite me’ẽmby Israelguakuéra ome’ẽva pa’ikuéra ha Leviguakuérape g̃uarã, Ñanderuete rembiapoukapy he’i háicha; umi Judaygua ovy’aite umi pa’i ha Levigua rembiapo reheve.

Isaías 7:13

Upéramo Isaías he’i: Ejapysaka porãke, David róga. Sa’i rei piko peẽme pemokane’õ yvyariguakuérape, ko’ág̃a pemokane’õse avei che Ruetépe.

Ezequiel 34:18

Naiporãi peẽ pe’u pe kapi’i iporãitéva ha uperire pepyrũmba gueteri pe hembýva rehe; ha pey’u rire y sakã porã, pembotyai pendepýpe pe hembýva.

Ezequiel 44:16

Ha’ekuérante oikéta che rogaguasúpe, ha oñembojáta che mesa rehe omba’apo hag̃ua chéve g̃uarã; ha ojapova’erã che rembiapoukapykuéra.

Números 1:53

Leviguakuéra oikova’erã pe óga jojohuha jerekuévo, ani hag̃ua pende Ruete pochy ho’a Israel ñemoñare nguéra aty ári; ha Leviguakuéra opytáta oñangareko hag̃ua pe óga jojohuha rehe.

Números 16:13

Naimba’eguasúipa ndéve oregueru hag̃ua peteĩ yvy osyryhápe kamby ha eíra, ha ág̃a orejukase avei ko desiértope, reñembojára hag̃ua orerehe mbaretepópe.

Números 16:8

Moises he’ive Corépe: Ejapysaka ko’ág̃a nde, Levi ra’yre:

Números 3:6

Embyaty Levi tríbu ha emoĩ pa’i Aaron poguýpe,

Números 3:9

Leviguakuéra opytáta Aaron ha ita’yrakuéra poguýpe; Israel ñemoñarenguéra apytégui Levigua kuéra oipytyvõva’erã Aaron ha ita’yrakuérape opaite hembiapópe.

Apostolkuéra 13:2

Ha’ekuéra oñembyaty oajuna (ojeko’akúpe) ha omomba’eguasu hag̃ua Ñanderuetépe, pe Pytu Porãmbáva katu he’i ichupekuéra: Pemboyke chéve g̃uarã Bernabe ha Sáulope pe tembiaporãme che ame’ẽmava’ekuépe ichupekuéra.

1 Corintoyguakuérape 4:3

Chéve g̃uarã ningo mba’e výro rei, peẽ chembojovake ramo térã ambue che rapicha chembojovake ramo, che jepeve nañembojovakéi.

Deuteronómio 10:8

Umi árape Ñanderuete omboyke Levi tríbupe ogueraha hag̃ua Ñanderuete karameg̃ua hembiapoukapykuéra reheve, ha oiko hag̃ua hikuái Ñanderuete renondépe hembiguái ramo ha oporohovasa hag̃ua hérape ko ára kóva peve.

1 Samuel 18:23

Saul rembiguaikuéra péicha oñe’ẽ David apysápe, ha David he’i: Hi’ãpa peẽme výro rei aiko hag̃ua tetã ruvicha rajy ména ramo, chemboriahu ha che ndaha’éi mba’evete.