Números 16:5

Ñanderuete Ñe’ẽ Porã 2015

ha oñe’ẽ Corépe ha hendive oúvape, he’ívo: Ko’ẽ ramo Ñanderuete ohechaukáta mávapa imba’e, mávapa heko potĩ ha mávapa Ha’e oipota oñemboja henondépe; Ha’e ohechaukáta upe Ha’e oiporavomava’ekuépe.

Referencias Cruzadas

Salmokuéra 105:26

Upéi omondo hembiguái Moiséspe, ha hembiporavopyre Aarónpe,

Salmokuéra 115:10

Aaron róga, pejeroviáke Ñanderuete rehe, Ha’ehína pene pytyvõhára ha pene mo’ãha.

Salmokuéra 65:4

Ovy’aiteva’erã upe nde reiporavóva ha oñemoag̃uikuaáva ne rendápe, oiko hag̃ua nde korapýpe, nde rogaguasúpe, Nde oremoangapyhýta ndepy’a porãgui.

Éxodo 28:1

Remog̃uahẽta ne rendápe nde ryke’y Aaron ha ita’yrakuérape: Nadab, Abiu, Eleazar ha Itamar. Ha’ekuéra oiko hag̃ua che pa’ikuéra ramo Israel ñemoñarenguéra apytépe.

Éxodo 28:41

Péicha remondéta umi ao nde ryke’y Aaron ha ita’yrakuérape; remonáta hesekuéra acéite ha emboheko potĩ oiko hag̃ua che pa’ikuéra ramo.

Éxodo 28:43

Upéicha Aaron ha ita’yrakuéra oñemondeva’erã oike jave pende Ruete róga jojohuhápe, térã oñembojávo kuave’ẽmby rendápe omba’apo hag̃ua, ani hag̃ua ojapo mba’eve hekope’ỹ ha upévare omano hikuái. Ko’ãva opyta tembiapoukapy ramo peẽme ha pene ñemoñarenguérape g̃uarã opaite árape.

Jeremías 30:21

Ichuguikuéra osẽta herekua, ha ijapytégui osẽta hetã ruvicha; Che amog̃uahẽta ichupe che ypýpe, ha ha’e oñembojáta cherehe; máva piko ipy’aguasu ijehegui rei oñembohova’atã oñemboja hag̃ua cherehe, he’i pende Ruete.

Jeremías 49:19

Pema’ẽ porãke, ku leõicha osẽva Jordan ka’aguýgui ñu porãme, upéicha sapy’aitépe amosẽta avei Edómpe hetãgui, ha Che aiporavóma pe oikótava upépe, péva opytáta ijyvy jára ramo. Máva piko ikatúta oñembojoja cherehe. Ha mávapa ikatu oñemoĩ cherehe. Mamo piko oĩ tetã ruvicha ikatúva oñembo’y che renondépe.

Jeremías 50:44

Cháke, ku leõ osẽ háicha ysyry Jordan ka’aguýgui ñu porãme, peichaite peteĩ sapy’aitépe, Che amosẽta ichupekuéra upégui, pe Che aiporavomava’ekue opytáta oisãmbyhy hag̃ua; ha máva piko ikatu chembojoja, ha máva piko ikatu oiko che mbojovakehára ramo térã mba’eichagua mburuvicha piko ikatu oñembo’y che renondépe.

Ezequiel 40:46

Ha pe koty oma’ẽva nórte gotýo opyta umi pa’ípe g̃uarã oñangarekóva kuave’ẽmby renda rehe; ko’ãva Sadoc ra’yre, umía oñehenói Levi ra’yrekuéra apytégui, omba’apo hag̃ua Ñanderuetépe g̃uarã.

Ezequiel 43:19

Ha nde rehenoiva’erã umi pa’i, Levi ha Sadoc ñemoñarenguérape, toñemboja che ypýpe, he’i pende Ruete, ha’ekuérante oikuave’ẽva’erã ha nde reme’ẽta ichupekuéra peteĩ tóro ra’yrusu oikuave’ẽ hag̃ua kuave’ẽmby angaipa reheguáva ramo,

Ezequiel 45:4

Ko yvy oñemboykéva opytáta pa’ikuéra mba’erã ramo, omba’apóva che rogaguasúpe, oñembojávo pende Ruete ypýpe omba’apo hag̃ua, ha ko yvy kóvape opyta hogakuéra rendag̃ua, ko yvy pehẽngue oñemboykégui pende Ruetépe g̃uarã.

Levítico 10:3

Upéramo Moises he’i Aarónpe: Kóva ningo Ñanderuete he’iva’ekue: Umi oñembojávape cherehe, Che ahechaukáta che reko iporãha, ha mayma tetãygua renondépe ahechaukáta che reko jajaipa, Aaron katu okirirĩ.

Levítico 8:2

Eraha Aaron ha ita’yrakuérape g̃uarã: Ijaokuéra, pe acéite omona hag̃ua, pe tóro ra’yrusu angaipáre g̃uarã, mokõi ovecha mácho ha pe ajaka’i oĩháme pe pan ojejapova’ekue levadura’ỹre.

Malaquías 3:18

Ha upépe ae pehecha porã jevýta oĩha juavy heko potĩva ha heko ky’áva apytégui, umi omomba’eguasúva Ñanderuetépe ha umi omomba’eguasu’ỹva ichupe.

Números 16:3

ha umía ou Moises ha Aaron rendápe oñemoĩ hag̃ua hesekuéra ha he’i hikuái ichupekuéra: Mba’érehe piko peẽ peñembotuicha ha peñemoĩ opaite Israel atyguasu rehe, opaite Israelgua heko potĩva Ñanderuete oikógui ñande apytépe.

Números 16:6

Péicha pejapo: Nde, Core, ha ne irũnguéra pejapyhy pene myatatĩha,

Números 17:5

Ha pe yvyra po’i ipotýtava jára, Che aiporavómava Israelguakuéra apytégui, péicha Che amokirirĩta Israel ñemoñarenguéra ñe’ẽguyguy vaígui.

Números 17:8

Ha ojehu ambue árape, Moises oike rire pe óga jojohuhápe, péina Aaron, Levi rogaygua rehegua yvyra po’i hoky pyahu jevy, ipoty ha hi’a.

Juan 15:16

Peẽ ndacheporavói chéve, Che voi ningo poiporavova’ekue peẽme, ha Che pomondo peẽ pende’a hag̃ua, ha pende a opyta hag̃ua oñehundi’ỹre. Ha opaite mba’e peẽ pejeruréva Ñanderuetépe che rérape, Ha’e katuete ome’ẽta peẽme.

Apostolkuéra 1:2

ojehupi peve Ha’e yvágape. Hesu ojehupi mboyve omombe’uka pe evangélio ijapostolkuéra rupive, Ha’e oiporavova’ekue Pytu Porãmbáva rupi.

Apostolkuéra 1:24

Oñembo’évo he’i hikuái: Nde, ore Jára, reikuaa porãmba opavave py’apýpe oĩva guive, ehechaukamína oréve mávapepa ko’ã mokõigui Nde reiporavo,

Apostolkuéra 13:2

Ha’ekuéra oñembyaty oajuna (ojeko’akúpe) ha omomba’eguasu hag̃ua Ñanderuetépe, pe Pytu Porãmbáva katu he’i ichupekuéra: Pemboyke chéve g̃uarã Bernabe ha Sáulope pe tembiaporãme che ame’ẽmava’ekuépe ichupekuéra.

Apostolkuéra 15:7

Ha heta oñoñe’ẽjoapi rire hikuái, Pédro opu’ã ha he’i ichupekuéra, che hermanokuéra, peẽ ningo peikuaa voi Ñanderuete cheporavo hague che amombe’u hag̃ua Hesu Crísto evangélio tetã ambueyguakuérape, ha’ekuéra ojerovia hag̃ua avei.

Apostolkuéra 22:14

Ha he’ive chéve: Ñanderuete ndeporavo reikuaa hag̃ua hembipota, ha rehecha hag̃ua pe Heko porãvape, ha rehendu hag̃ua iñe’ẽ ijuruteégui.

Efesoyguakuérape 2:13

Ko’ág̃a katu peẽ peiko Hesu Cristopype, yma peikova’ekue mombyry ichugui, ko’ág̃a katu Hesu Crísto ruguy rupi peñemoag̃uíma avei Ñanderuete rehe.

2 Timotéope 2:19

Oĩ katu Ñanderuete kuatiañe’ẽ apytépe peteĩ ñe’ẽporã opytáva ku itaguasúicha, hi’ári oñemopu’ãva peteĩ óga, ko itaguasu kóva nomýiri ni noñemoambuéi, péicha he’i ko ñe’ẽ kóva: Ñanderuete oikuaa porã imba’eteévape, (Nahum 1,7; Juan 10,27). Ha tojei teko vaígui opavave ojeroviáva añetehápe Hesu Crísto rehe, Ijára ramo.

hebreoyguakuerape 12:14

Peñeha’ãke peiko hag̃ua py’aguapýpe opavave ndive ha peñemboheko porã, ko’ãva’ỹre avave ndohechamo’ãi Hesu Crístope,

Apocalípsis 1:6

Ha’e ojapo ñandehegui mburuvichakuéra ha pa’ikuéra ñamba’apo hag̃ua Ñandejára Ñanderuetépe g̃uarã. Ñemomba’eguasu ha pu’aka topyta ichupe g̃uarãnte ára atyguasukuéra guive umi ára atyguasurã meve, taupéicha (amen).

1 Samuel 2:28

Che poiporavova’ekue che pa’irã opaite Israel ñemoñare apytégui, peikuave’ẽ hag̃ua che kuave’ẽmby renda ári, pehapy hag̃ua mba’e ryakuã asy, pemonde hag̃ua poncho mbyky, pa’ikuéra omondéva che renondépe, ha ame’ẽ nde ru rogayguakuérape Israel ra’ykuéra kuave’ẽmbýgui.