Números 15:3

Ñanderuete Ñe’ẽ Porã 2015

ha upépe peikuaave’ẽva’erã kuave’ẽmby ojehapypáva pende Ruetépe g̃uarã, peikuave’ẽségui térã peprometégui, térã pende areteguasu jave mba’e ryakuã porã pende Ruetépe, upérõ peikuave’ẽ pende tóro, pende ovecha térã kavara reheve;

Referencias Cruzadas

Genesis 8:21

Ha Ñanderuete ohetũvo pe mba’e ryakuã asy, he’i ipy’apýpe: Namaldecimo’ãvéi pe yvy, kuimba’e ha kuñakuéra rehe; kuimba’e ha kuña py’apy opensa mba’evai rehe imitãrusu ára guive; ha nahundimo’ãvéima ichupekuéra ajapo haguéicha ko’ág̃a.

Ésdras 7:17

Ejogua kyre’ỹpópe pe pirapire pévare tóro ra’yrusu, ovecha machokuéra ha ovecha ra’yrusukuéra, tembi’u ha víno reheve, reikuave’ẽmba hag̃ua pene kuave’ẽmby renda ári opytáva Jerusalénpe.

Salmokuéra 54:6

Kyre’ỹpópe ame’ẽta ndéve g̃uarã kuave’ẽmby ojehapypáva; amomba’eguasúta nde réra, Nde, che Ruete, ndepy’a porãgui.

Éxodo 29:18

rehapypa hag̃ua pe ovecha ra’yrusu pe kuave’ẽmby renda ári; péva kuave’ẽmby ojehapypáva hyakuã porã hag̃ua pende Ruetépe g̃uarã; ha ko kuave’ẽmby ojehapypáva omboguéta pende Ruete pochy.

Éxodo 29:25

Upéi erecivi ipoguikuéra ha ehapy pe kuave’ẽmby rendápe, pe kuave’ẽmby ojehapypáva ári, mba’e ryakuã porãva pende Ruetépe g̃uarã. Péva ningo kuave’ẽmby ojehapypáva Israel Járape g̃uarã.

Éxodo 29:41

Ha pe ambue ovecha ra’yrusu reikuave’ẽtava ka’arupytũme, pe kuave’ẽmby pyhareveguaréicha, tahyakuã porã pe kuave’ẽmby hendýva pende Ruetépe g̃uarã.

Levítico 10:13

Pe’uva’erã tenda oñemboykemava’ekue Ñanderuetépe, ko’ãva nde ha nde ra’ykuéra mba’erã, Ñanderuete kuave’ẽmby ojehapývagui, péicha oje’égui chéve ojejapo hag̃ua.

Levítico 27:2

Eñe’ẽ Israel ñemoñarenguérape ha ere ichupekuéra: Oime ramo peteĩ kuimba’e ome’ẽséva iñe’ẽ (ipromésa, ivóto) rupi pende Ruetépe g̃uarã peteĩ hapicha rehe, ko hapicha repy ovaléta peteĩ tembiguái rei (esclávo) repy.

Levítico 7:16

Ha pe kuave’ẽmby oñekuave’ẽva oñeme’ẽgui peteĩ promésa pende Ruetépe, oje’uva’erã pe ára oñekuave’ẽháme ha umi hembýva oje’ukuaa gueteri ambue árape;

Números 28:27

Peikuave’ẽta kuave’ẽmby ojehapypáva ramo, mokõi tóro ra’yrusu, peteĩ ovecha mácho, 7 ovecha ra’yrusu iporãitéva, hi’áño peteĩva.

Números 29:8

ha peikuave’ẽva’erã kuave’ẽmby ojehapypáva pende Ruetépe mba’e ryakuã asýva: Peteĩ tóro ra’yrusu, peteĩ ovecha mácho ha 7 ovecha ra’y iporãitéva, hi’áño peteĩva.

Números 6:15

Togueru avei peteĩ ajaka’ípe pan he’ẽva ojejapova’ekue trígo ku’i porãgui, levadura’ỹre ha oñembojehe’áva acéite reheve, ha togueru avei mbeju oñemonambyréva acéite reheve ha ikuave’ẽmby tembi’u reheguáva ha víno reheve.

Matéo 3:17

Ha Ñanderuete ñe’ẽ ou yvágagui he’ívo: Kóva ningo che Ra’y ahayhúva, chembohoryetéva.

2 Corintoyguakuérape 2:15

Ñande ningo Hesu Crísto mba’e ryakuã porã ñande Ruetépe g̃uarã, umi ojesalváva ha avei umi oñehundívape g̃uarã.

2 Corintoyguakuérape 2:16

Ko’ãvape g̃uarã ore romyasãi te’õ ryakuã omano hag̃ua, ambuépe katu romyasãi tekove ryakuã oikove hag̃ua. Ha mávapa ivale omombe’u hag̃ua Ñanderuete ñe’ẽ porãite.

Efesoyguakuérape 5:2

Ha peiko mborayhúpe, Hesu Crísto ñanderayhu haguéicha ha upévare Ha’e oñeme’ẽma ñane rendaguépe peteĩ me’ẽmby ha kuave’ẽmby ramo hyakuã porãva Ñanderuetépe g̃uarã.

Deuteronómio 12:11

Ha pe yvy pehẽngue Ñanderuete oiporãvóma omopu’ã hag̃ua hóga jojohuha, upépe peguerahava’erã opaite mba’e che ha’éva guive peẽme: Pene kuave’ẽmby ojehapypáva, pene diézmo, pene kuave’ẽmby ñemyengovia reheguáva ha opaite pene me’ẽmby peme’ẽséva guive pendejehegui Ñanderuetépe g̃uarã.

Deuteronómio 12:17

Pe táva peikohápe ndape’uiva’erã pe diézmo pene mba’e ra’ỹinguégui, térã pene vínogui, térã pende acéitegui térã pende tóro, térã ovecha, térã pende kavara tenonde peguágui, térã umi me’ẽmby peñe’ẽme’ẽ haguégui, térã kuave’ẽmby pendejehegui peikuave’ẽsévagui, térã umi kuave’ẽmby ñemyengovia reheguávagui.

Deuteronómio 12:6

Ha upépente peguerahava’erã pene kuave’ẽmby ojehapypáva, pene diézmo, pene kuave’ẽmby ñemyengovia reheguáva, pene kuave’ẽmby ojehapypáva, ha pene me’ẽmby pendejeheguiete peikuave’ẽséva, ha pende tóro, pende ovecha ha kavara tenondeguáva;

Filipoyguakuérape 4:18

Oñeme’ẽmbáma chéve peẽ peguerukava’ekue Epafrodíto rupi, arekóma hetave aikotevẽgui, hemby porã chéve opaite mba’e. Pene rembiapo porã peteĩ kuave’ẽmby hyakuã porãva Ñanderuetépe g̃uarã ha ombovy’áva ichupe.