Números 14:9

Ñanderuete Ñe’ẽ Porã 2015

upévagui ani peñemoĩ Ñanderuete rehe, ha ani pekyhyjétei hetãyguakuéragui, ñande ñamokõta ichupekuéra pan peh…nguéicha; ipytyvõhára ojeíma ichuguikuéra, ha ñanendive oĩ Ñanderuete, upévare ani pekyhyje ichupekuéra.

Referencias Cruzadas

Genesis 48:21

Ha Israel he’i Josépe: Péina che amanótama; Ñanderuete katu opytáta penendive, ha pendereraha jevýta pende rukuéra retãme.

2 Crónicas 13:12

Peikuaa porãke Ñanderuete oĩha orendive ore Mburuvichaguasuete ramo, ha pa’ikuéra ituru reheve ombopu torypópe penderehe. Israel ra’ykuéra, ani peñemoĩ Ñanderuetére, pende rukuéra Járare, nosẽ porãmo’ãigui peẽme umi mba’e pejaposéva.

2 Crónicas 15:2

Ha osẽ ojejohu hag̃ua Asa ndive, ha he’i ichupe: Cherendúke, Asa ha peẽ Juda ha Benjaminguakuéra; Ñanderuete oĩta penendive, peẽ peime ramo hendive; ha peheka ramo ichupe, pejohúta avei ichupe; pepoi ramo ichugui ha’e opoíta avei pendehegui.

2 Crónicas 20:17

Napeẽmo’ãi peñorãirõtava, pepyta kirirĩháme, pehecha hag̃ua mba’éichapa Ñanderuete pendesalváta. Juda ha Jerusalen ani pekyhyjétei ha ani pende py’akangýtei; ko’ẽ ramo pehóta hendapekuéra, Ñanderuete oĩta penendive.

2 Crónicas 32:8

Hendive oĩ pu’aka yvyarigua, ha ñanendive oĩ Ñanderuete, ñanepytyvõva ha oñorãirõva ñane ñorãirõme. Ha hetãyguakuéra ojerovia Ezequías, Juda retã ruvicha ñe’ẽ rehe.

Nehemías 4:14

Ama’ẽmba rire apu’ã ha ha’e mburuvicha ha opaite tetãyguakuérape: Aníke pekyhyjétei henondepekuéra, penemandu’áke uvei Ñanderuete rehe, tuichaite ha oporomongyhyjévare, peñorãirõ pende ryke’yrakuéra rehehápe, pende ra’ykuéra ha pende rajykuéra rehehápe, pene rembireko ha pende rogayguakuéra rehehápe.

Salmokuéra 106:24

Uperire ndoipotavéima hikuái pe yvy iporãitéva, ndogueroviasevéi hikuái iñe’ẽme’ẽngue.

Salmokuéra 121:5

Ñanderuete oñangareko nderehe, Ñanderuete nde kuarahy’ã nde po akatúa gotýo.

Salmokuéra 14:4

Naiñakã porãi piko opaite umi iñañáva omokõ joáva che retãme, ku pan ho’u ramoguáicha, ha nohenóiri Ñanderuetépe.

Salmokuéra 46:11

Ñanderuete, yvága atykuéra Jára, oĩ ñanendive, Jacóbo Jára ningo ñane mo’ãhára. Selah

Salmokuéra 46:7

Ñanderuete, yvága aty Jára oĩ ñanendive, Jacóbo Jára voi ningo ñane mo’ãhára. Selah

Salmokuéra 46:8

Pejúke ha pehecha Ñanderuete rembiapokue, Ha’e ningo ombotaperepa ko yvy.

Salmokuéra 74:14

Remongu’i pe leviatan akãnguéra, ha reme’ẽ umi mymba ñu perõme oikóvape hembi’urã ramo.

Salmokuéra 91:1

Upe oikóva pe Jára Ijyvatetéva ãme ha pe Ipu’akapáva poguýpe,

Éxodo 14:13

Ha Moises he’i hetãyguakuérape: Anítei peñemokangy ha ani pekyhyje, ko ára kóvape pehecháta Ñanderuete pu’aka Ha’e pendesalvávo, ko’ã Egiptoyguágui, ndapehechamo’ãvéima araka’eve ichupekuéra.

Éxodo 33:16

Ha mba’éichapa roikuaáta che ha ne retã rojohu hague py’aporã nde resa renondépe, Nde nderejúi ramo orendive, Nde voi oreporavógui oremoirũ hag̃ua opaite tetãnguéra apytégui, oĩva guive ko yvy apére.

Isaías 1:2

Yvagakuéra pehendu ha yvyariguakuéra pejapysaka porãke Ñanderuete ñe’ẽ rehe: Amongakuaa ta’yrakuérape ha amopu’ã ichupekuéra, upeichavérõ oñemoĩ hikuái cherehe.

Isaías 32:2

Ha upe kuimba’e ojoguáta ñemo’ãháme yvytu’atãme ha ama vaípe; ku ysyrýicha yvy perõme, ku itaguasu kuarahy’ãicha ára hakuetépe.

Isaías 41:10

Ani rekyhyje, Che voi aĩgui nendive, aníke nde py’akangy, che ha’égui nde Jára, nemombaretéva, tapiaite roipytyvõta, ha añangarekóta nderehe che pu’aka rupive.

Isaías 41:14

Ani rekyhyje, nde Jacóbo yso, peẽ Israelgua pene mbovy ramojepe, Che ningo pene pytyvõhára, Che voi pende Ruete, Israel Jára, peneguenohẽva pende jejopy vaígui.

Isaías 63:10

Ha’ekuéra katu oñemoĩra’e hese, ha ombopochy Ipytu Porãmbáva ha upévagui oiko hese ija’e’ỹva ramo, ha Ha’e oñorãirõ hendivekuéra.

Jeremías 1:19

Ha’ekuéra oñemoĩta nderehe, ndaipu’akamo’ãi katu nderehe; Che voi aĩgui nendive roguenohẽ jevy hag̃ua ipoguykuéragui, he’i nde Jára.

Jeremías 42:11

Ani pekyhyje Babilónia retã ruvichágui, pekyhyjéva gueteripéina, ani pekyhyjeve ichugui, he’i pende Ruete, Che aĩgui penendive posalva hag̃ua ipokuéragui.

Jeremías 48:45

Umi okañýva Hesbónpe, opytu’u hag̃ua ikuarahy’ãme, oñemondýita ohechávo Hesbóngui osẽha tata ha Sehon rogaguasu okaiha ohapy hag̃ua Moab karaikuéra ha soldádo akãnguéra.

Daniel 9:5

Ore roñemoangaipa, ore reko iñaña, ore ndorojeroviái nderehe, ore naoreñe’ẽrendúi, ore roñemoĩ nderehe, ore romboyke ne rembipota ha ne rembiapoukapykuéra.

Daniel 9:9

Nendive ore Ruete, oĩ poriahuvereko ha perdon, jepevémo ropu’ãra’e nderehe.

Números 13:30

Upéramo Caleb omokirirĩ umi tetãyguápe oĩva Moises renondépe, ha he’i: Jaha katu, ñambopoguy hag̃ua ichupekuéra; ñandepu’akáta hesekuéra.

Números 17:6

Ha Moises oñe’ẽ Israel ñemoñarenguérape, ha opaite tríbu ruvicha ome’ẽ ichupe ijyvyra po’i; oñondivepa oĩ 12 yvyra po’i; ha Aaron yvyra po’i oĩkuri ijapytepekuéra.

Números 20:2

Israelguakuéra ndojohúigui y, oñemoĩ jevy Moises ha Aaron rehe,

Números 24:8

Ñanderuete oguenohẽ ichupe Egíptogui; Ha’e imbarete tóro hesaitéicha, Ha’e omokõva’erã tetãnguéra oñemoĩvape hese, Ha’e omongu’ipava’erã ikanguekuéra, Ha’e ohundiva’erã ihu’ykuérape.

Matéo 1:23

Pehechava’erã peteĩ kuñataĩ heko potĩva imembyva’erã peteĩ mitãkuimba’e hérata Emanuel, he’iséva Ñanderuete oĩ ñanendive.

Romayguakuérape 8:31

Mba’épa ja’éta upéicharamo ko’ã mba’e ko’ãva rehe. Ñanderuete oĩ ramo ñanendive, máva piko ikatu oñemoĩ ñanderehe.

Deuteronómio 1:21

Peikuaa porãke, Jahve, Ñanderuete ome’ẽ peẽme ijyvy, upévare tapeho ha pemoĩ hetayguakuéra pende poguýpe, Ñanderuete, ñande rukuéra Jára he’i haguéicha peẽme, ani pekyhyjétei ha ani pendepy’akangýtei.

Deuteronómio 1:26

Peẽ katu ndapehosevéi, pepu’ã uvei Jahve, Ñanderuete rehe;

Deuteronómio 1:29

Upéramo ha’éma peẽme: Ani pendepy’akangýtei, ha ani pekyhyje ichuguikuéra.

Deuteronómio 31:6

Peñeha’ã ha peñemombaretéke; ani pekyhyjétei, ha ani peñemondýi ichuguikuéra, Ñanderuete, Ñandejára, ohóta penendive; Ha’e ndopoimo’ãi pendehegui ha napenemotyre’ỹmo’ãi.

Deuteronómio 31:8

Ñanderuete ohóta ne renonderãme; Ha’e oĩta nendive, ndojeimo’ãi ndehegui ha nanemotyre’ỹmo’ãi; ani rekyhyjétei ha ani reñembopy’amirĩtei.

Deuteronómio 32:42

Che hu’ykuéra amonga’úta tuguýpe, ha che kyse puku hyg̃uatãta ho’okuerakuégui, umi omanova’ekue ha jepokuapyre ruguýgui, umi cherehe ija’e’ỹva ruvicha akãgui.

Deuteronómio 7:18

Ani pekyhyjétei ichuguikuéra; penemandu’a porãke mba’épa ojapova’ekue Jahve, Ñanderuete, faraon rehe ha Egípto tuichakue rehe;

Deuteronómio 7:21

Ani pendepy’akangýtei henondepekuéra, Jahve, Ñanderuete, oĩ pende apytépe, Ñandejára oporomongyhyjéva ha ipu’akapáva.

Deuteronómio 9:7

Penemandu’áke ha ani penderesaráitei, mbovy jevýpa pembopochy Ñanderuete, Ñandejárape, pe desiértope pesẽ rire Egípto retãgui peg̃uahẽ meve ko tenda kóvape, peẽ voi heta jevy peñemoĩva’ekue Ñanderuete rehe.

Filipoyguakuérape 1:27

Peguata hekópe, Hesu Crísto ñe’ẽ porã he’i háicha, aha ramo pene rendápe térã che pore’ỹme jepe, tahendu peẽ peimembaha peteĩ pytu porã añóme, ha peñeha’ãmba py’a peteĩme pemyasãive hag̃ua pe jerovia Hesu Crísto evangélio rehe.

Josué 1:5

Avave noñemoĩmo’ãi nderehe reikove aja pukukue; aime haguéicha Moises ndive, peichaite aiméta avei nendive, ndorohejamo’ãi ha noromotyre’ỹmo’ãi.

Josué 14:12

Eme’ẽna chéve ko’ág̃a ko cérro, Ñanderuete oñe’ẽva’ekuégui, nde voi rehendu avei pe ára pévape oiko hague gueteri Anacguakuéra, ha oĩha avei upépe umi táva tuicháva ha ikorapy jere ijyvatéva. Ikatu Ñanderuete oĩ chendive, ha amosẽta ichupekuéra, Ñanderuete he’i haguéicha.

Juéces 1:22

Jose ñemoñarenguéra oho avei ojeity hag̃ua Betel ári; ha Ñanderuete oĩ hendivekuéra.