Números 14:3

Ñanderuete Ñe’ẽ Porã 2015

Mba’upépa Ñanderuete oregueru ko yvýpe ro’a hag̃ua kyse puku rãimbépe, ore rembirekokuéra ha ore ra’ykuéra ho’áta ipopekuéra. Iporãve roho jevy Egípto retãme.

Referencias Cruzadas

Nehemías 9:17

Nohenduséi hikuái, ha naimandu’avéi umi tembiapo techapyrãva rehe rejapova’ekue hesehapekuéra; upévare ojetu’u hikuái, ha oñemoĩ nderehe jepe, imburuvicha ojevyse oiko hag̃ua tembiguái ramo Egípto retãme. Ha Nde ningo peteĩ Jára operdonáva, ipy’a porãva ha oporoporiahuverekóva, hasy ndepochy hag̃ua, ha nde py’a porãitereígui, reperdona jevy jey ichupekuéra.

Salmokuéra 78:40

Mboy jevýpa ha’ekuéra opu’ã hese ha omomba’e mbyasy ichupe ñu perõme (desiértope).

Éxodo 16:3

Ha Israel ñemoñarenguéra he’i ichupekuéra: Romanombanteva’erãmo’ã Ñanderuete po rupi Egípto retãme, upépe roguapy japepo (ólla) iso’óva jerekuévo, ha ro’u ramoguare pan oreryg̃uatã meve; nde katu oreguenohẽ ko desiérto kóvape orejuka hag̃ua ñembyahýi rupi.

Éxodo 5:21

ha he’i hikuái ichupekuéra: Ñanderuete toma’ẽ penderehe ha tapendehavira; peẽ oremoĩ vai haguére faraon ha hembiguaikuéra renondépe, ha peẽ voi pemoĩ kyse puku ipopekuéra orejukapa hag̃ua.

Jeremías 42:14

pejégui: Nahániri, roikétante Egípto retãme, upépe ndorohechamo’ãvéi ñorãirõ, norohendumo’ãvéi avei ñorãirõ turu pu ni naoreñembyahyimo’ãvéi, upépente roikose.

Jeremías 42:19

Péicha Ñanderuete oñe’ẽ Judayguakuéra hembymívape Jeremías juru rupi, ha oñe’ẽ porã ichupekuéra ani hag̃ua oho Egípto retãme.

Jeremías 9:3

Ijurukuéra opoi japu, ku guyrapáicha ihu’y, ha che retã noñemombaretéi añetegua rupi; oñemohembiapo vaive ohóvo uvei, ha ndochekuaavéi Itúva rembiapokue.

Números 11:20

peteĩ jasy pukukue katu pe’úta, osẽmba peve pene tĩ rupi, ha penembojeguaru peve, ndapejapóigui mba’e ramo pende Ruetépe oĩva pende apytépe, ha penerasẽgui henondépe, ha peje: Mba’upéiko ñasẽra’e Egípto retãgui.

Números 16:13

Naimba’eguasúipa ndéve oregueru hag̃ua peteĩ yvy osyryhápe kamby ha eíra, ha ág̃a orejukase avei ko desiértope, reñembojára hag̃ua orerehe mbaretepópe.

Números 20:3

ha oñe’ẽ vai hikuái Moises rehe, ha he’i: Romanombánteva’erãmo’ã Egíptope ore pehẽnguekuéra ndive, Ñanderuete ojukamava’ekue.

Números 21:5

Ha oñe’ẽvai hikuái Ñanderuete ha Moises rehe: Ma’erãiko oreguenohẽra’e Egíptogui romanomba hag̃ua ko desiértope, ko’ápe ndaipóri pan ni y, ha ore ánga ombyajúma ko mana vevuietégui.

Apostolkuéra 7:39

Ñande rukuéra katu naiñe’ẽrendúi ichupe, omboyke uvei ichupe, ha ipy’apýpe ojevy Egípto retãme.

Deuteronómio 1:39

Umi mitã peguerekóva ha pejeva’ekue ho’apataha penderayhu’ỹva pópe, umi mitã umía oikuaa’ỹva gueteri ivai térã iporãva, umía oikeva’erã upépe, ha ichupekuéra ame’ẽva’erã pe yvy imba’eteérãva ramo.