Números 14:12

Ñanderuete Ñe’ẽ Porã 2015

Mba’asy vai rupi ahundíta ichupekuéra opa peve, ndehegui katu ajapóta peteĩ tetã ndetuicháva ha imbaretevéva ichuguikuéra.

Referencias Cruzadas

2 Samuel 24:1

Ñanderuete ipochy Israel ndive, David oñembotuicha haguére ipy’apýpe, upévare Ñanderuete voi omoinge David akãme ha’e oipapauka hag̃ua Israel ñorãirõharakuérape, upévare David he’i Joábpe: Tereho ha eipapa Israelgua ha Judayguakuérape.

Éxodo 32:10

Ko’ág̃a chereja che pochy hag̃ua hesekuéra ha tahundi ichupekuéra, ajapo hag̃ua ndehegui peteĩ tetã ndetuicháva.

Éxodo 5:3

Ha ha’ekuéra he’i: Ore Jára orejohu, upévare rohóta ko’ág̃a desiértope mbohapy ára pukukue, roikuave’ẽ hag̃ua tymbakuéra ore Járape, ani hag̃ua ou ore ári mba’asy iñasãiva térã kyse puku.

Ezequiel 20:13

Israel retã katu oñemoĩ cherehe pe desiértope; ndoikói che ñe’ẽ he’i háicha, ha omboyke hikuái che rembiapoukapy, umíva rupínte yvyarigua oikovekuaánte; ha’ekuéra omongy’a avei che pytu’uha ára ame’ẽmava’ekue ichupekuéra; ha upévagui, ha’éma añohẽtaha hi’arikuéra che pochy ahundi hag̃ua ichupekuéra yvy perõme.

Levítico 26:25

Agueruva’erã pende ári kyse puku añevenga hag̃ua ndapejapói haguére pe ñe’ẽ peẽ voi peme’ẽva’ekue chéve; ha pekañy ramo pende távape, Che amboúta péste pende rapykuéri, ha pomoĩta penderehe ija’e’ỹva pópe.

Números 25:9

Pe ñemanoguasu jave omano 24.000 kuimba’e ha kuñakuéra.

Deuteronómio 28:21

Ñanderuete ombouva’erã pendeári mba’asy (péste) pendejukátava, pendembokusugue peve pe yvy peiketahápe peñemomba’e hag̃ua hese.