Benjamin tríbugui oho Palti, Rafu ra’y;
Zabulon tríbugui oho Gadiel, Sodi ra’y;
Efrain tríbugui oho Oséas, (Josué) Nun ra’y, (11,28).
Peñeha’ã ha peñemombaretéke; ani pekyhyjétei, ha ani peñemondýi ichuguikuéra, Ñanderuete, Ñandejára, ohóta penendive; Ha’e ndopoimo’ãi pendehegui ha napenemotyre’ỹmo’ãi.
Ñanderuete ohóta ne renonderãme; Ha’e oĩta nendive, ndojeimo’ãi ndehegui ha nanemotyre’ỹmo’ãi; ani rekyhyjétei ha ani reñembopy’amirĩtei.
Ani pekyhyjétei ichuguikuéra; penemandu’a porãke mba’épa ojapova’ekue Jahve, Ñanderuete, faraon rehe ha Egípto tuichakue rehe;
Ani pendepy’akangýtei henondepekuéra, Jahve, Ñanderuete, oĩ pende apytépe, Ñandejára oporomongyhyjéva ha ipu’akapáva.
