Números 13:2

Ñanderuete Ñe’ẽ Porã 2015

Emondo kuimba’ekuéra omaña porã hag̃ua Canaan yvy rehe, Che ame’ẽtava Israel ñemoñarenguérape. Opaite 12 Israel tríbugui remondóta peteĩ kuimba’e, oikóva ijapytépe mburuvicha ramo.

Referencias Cruzadas

Éxodo 18:25

Upéi Moises oiporavo kuimba’e ikatupyrývape mayma Israel apytégui, ha omoĩ ichupekuéra 1000, 100, 50 ha 10 tapicha ári huvicha ramo.

Números 1:4

Oĩva’erã penendive peteĩ mburuvicha mayma Israel tríbugui, omoakãva hogaguasu atykuéra.

Números 11:16

Upéramo Ñanderuete he’i Moiséspe: Eiporavo 70 karai anciáno Israel ruvichakuéra apytégui, oisãmbyhy porãva, ha egueru pe óga jojohuha rokẽme ha toha’ãrõ hikuái upépe nendive.

Números 13:16

Ko’ãva hína umi 12 kuimba’e Moises omondova’ekue omaña hag̃ua Canaan yvy rehe; ha Moises ome’ẽ Oseáspe, Nun ra’y, peteĩ téra pyahu: Josue.

Números 13:3

Ha Moises omondo Paran desiérto guive, Ñanderuete he’i haguéicha; ha opaite ko’ã kuimba’e oikóma mburuvicha ramo Israel ñemoñarenguéra apytépe.

Números 32:8

Upéicha ojapova’ekue pende rukuéra, amondo ramoguare ichupekuéra ohecha hag̃ua pe yvy, Cades-Barnéa guive.

Números 34:18

Peiporavo avei peteĩteĩ tríbugui peteĩ mburuvicha omboja’o hag̃ua idepartaménto yvy, ilóte jarakuerarã.

Deuteronómio 1:15

Ha peiporavo pende tribukuéra apytégui umi kuimba’e iñarandu ha ikatupyrýva, ha umívape che amoĩ pene mburuvicha ramo, 1.000 ári, 100 ári, 50 ári, ha 10 kuimba’e ári, ha pende tríbu sãmbyhyhára ramo.

Deuteronómio 9:23

Ha Ñanderuete penemondo ramoguare Cades-barnéagui, ha he’i ramoguare peẽme: Tapeho ha peñemomba’e pe yvy Che ame’ẽva’ekue rehe peẽme; pepu’ãkuri avei Ñanderuete rehe, ha ndapegueroviáikuri ichupe, ha napehendúi avei iñe’ẽ.

Josué 3:12

Peiporavo ko’ág̃a 12 kuimba’e Israelguakuéragui, peteĩteĩ itribukuéragui.