Números 12:7

Ñanderuete Ñe’ẽ Porã 2015

ndaupéichai, che rembiguái Moises ndive, heko porãvégui opaite ambue che rembiguaikuéragui ha ojapo hekópe che rembipota.

Referencias Cruzadas

Job 1:8

Ha Ñanderuete he’i Satanáme: Nderejesarekóipara’e che rembiguái Job rehe, ndaipóri ambue ha’eichagua yvy apére, kuimba’e heko porã ha heko potĩva, okyhyjéva Ijapoharégui ha opiáva opaichagua mba’evai apógui.

Salmokuéra 105:26

Upéi omondo hembiguái Moiséspe, ha hembiporavopyre Aarónpe,

Éxodo 33:11

Ha Ñanderuete oñe’ẽ Moises ndive ojovake, oimeraẽva oñe’ẽ ramoguáicha iñirũme. Ha ha’e ou jevy hetãygua rekohápe; ha hembiguái, pe karia’y Josue, Nun ra’y, araka’eve ndojeíri pe óga jojohuha ryepýgui.

Matéo 11:11

Añetehápe Che ha’e peẽme: Kuñágui onaceva’ekue apytépe ndoúi avave mba’eguasuvéva Juan Bautístagui; opáichavo pe michĩvéva oikétava Ñanderuete retãguasúpe ituichavéta ichugui.

Matéo 11:9

Mba’épa pesẽra’e pehechávo. Peteĩ proféta piko. Añetehápe ha’e peẽme: Juan mba’eguasueteve peteĩ profétagui.

Apostolkuéra 7:31

Moises ohechávo péva ohecharamoite upe ojehúva, ha oñembojávo ohecha porãve hag̃ua, ohendu Ñanderuete ñe’ẽ he’íva ichupe:

1 Corintoyguakuérape 4:2

Oñeha’ãrõ ningo ko’ã terekua (capataz) tojejohu hekópe ha opia’ỹre heko porãgui.

Deuteronómio 18:18

upévare amopu’ãta ichupekuéra g̃uarã ipehẽnguekuéra apytégui peteĩ proféta ndeichagua; ha amoĩta che ñe’ẽ ijurúpe, ha Ha’e he’íta ichupekuéra opaite mba’e Che ha’éva guive ojejapo hag̃ua.

Deuteronómio 34:5

Ha upépe omano Moises, Ñanderuete rembiguái, Moab yvýpe, Ha’e he’i haguéicha.

1 Timotéope 3:15

Hesu Crísto iglésia añeteguáva ojehechauka ijiglesiaygua heko porã rupi. Hesu Crísto iglésia ningo Ñanderuete oikovéva róga voi, ha Hesu Crísto iglésiape ojejohuva’erã pe añetegua, ha péva ári ningo oñemopu’ãva’erã pe iglésia ha pe añetegua péva rehe ojejokova’erã.

Josué 1:1

Moises, Ñanderuete rembiguái, omano rire, Ñanderuete oñe’ẽ Josue, Nun ra’ýpe, Moises rembiguaikue, ha he’i ichupe:

Josué 1:2

Che rembiguái Moises omanóma, upévare epu’ã nde ha embohasa opaite Israelguakuérape Jordan mboypýri, pe yvy Che ame’ẽmava Israel ñemoñarenguérape.