Números 12:3

Ñanderuete Ñe’ẽ Porã 2015

Ha Moises oñemomirĩve ha ipy’aporãve opaite ambue kuimba’e ha kuñakuéra ndive oikóva guive ko yvy apére.

Referencias Cruzadas

Salmokuéra 147:6

Ñanderuete omopu’ã umi oñemomirĩvape, ha omomirĩ umi oñembotuichávape.

Salmokuéra 149:4

Ñanderuete oiporiahuvereko hetãme, umi oñemomirĩva Ha’e oguenohẽ ijejopy vaígui.

Números 12:4

Upéi Ñanderuete he’i Moises, Aaron ha Miriámpe: Tapeho peẽ mbohapyvéva pe óga jojohuha rendápe, ha oho hikuái.

Matéo 11:29

Peñemoĩ che cangálla guýpe (yúgo guýpe) ha peheja Che tapohekombo’e porã, chepy’a porãgui ha che añemomirĩgui, péichamante pejohúta pe pytu’u añeteguáva pene ángape g̃uarã.

Matéo 21:5

Peje Sion rajýpe: Ma’ẽ, ne retã ruvichaguasu oñemomirĩ ha ipy’a porãva ou ne rendápe peteĩ búrro kuña memby ári, pe tymba sy mba’e pohýi guerojaha.

Matéo 5:5

Ipy’a rory umi ipy’a porãva hapichakuéra ndive, oñeme’ẽva’erã ichupekuéra ko yvy kóva imba’erã ramo.

2 Corintoyguakuérape 10:1

Che, Páblo, ajerure asy peẽme ñañemomirĩ ha jaiko hag̃ua Hesu Crísto py’aporãme, oĩ ramojepe he’íva cherehe añembotuichaha ha chepy’aguasuha aime ramo mombyry pendehegui, ha pende apytépe katu che añemomirĩ gua’u ha chepy’amandyjuha.

2 Corintoyguakuérape 11:5

Chéverõ g̃uarã katu che nachemichĩvéi umi ambue apostolkuéra og̃uahẽva guive pene rendápe ha oñemomba’eguasuetereívagui.

2 Corintoyguakuérape 12:11

Che añembotarováma añembotuicha haguére, peẽ katu chemuña muña kóvape g̃uarã. Peẽ cherechakuaa porãva’erãmo’ã, mba’evépe che nachemichĩvéi umi apóstol oñembotuichávagui, che ndaha’éi ramojepe mba’eve.

1 Tesalonicayguakuérape 2:7

ore rojehechaukakuaa ramojepe Hesu Crísto apostolkuéra ramo, upéva rãngue ore roiko py’aporã reheve pende apytépe peteĩ sy omokambu háicha ha oñangareko porã háicha imemby rehe.

Tiágo 3:13

Mávapa iñarandu ha iñakãguapy pende apytépe tohechauka heko porã rupi ha’e iñaranduha ha oguata porãha Ñanderuete rape rehe.

1 Pédro 3:4

Pembojegua uvei pende py’apy mba’e oñembyai’ỹva ha ojehecha’ỹva reheve, péva ningo Pytu Porãmbáva rembiapo, Ha’e omomirĩva ha ombopy’aguapýva tetãyguakuérape, ha koichagua teko ombohory Ñanderuetépe.