Números 11:8

Ñanderuete Ñe’ẽ Porã 2015

Israelguakuéra oñemosarambi ñúre omono’õ hag̃ua ha upéi omongu’i molínope térã ojoso angu’ápe, upéi ombojy japepópe (óllape) térã ojapo ichugui pan he’ẽva; ha hekue ojogua pan pyahúpe, acéite reheve.

Referencias Cruzadas

Genesis 25:29

Peteĩ ára Jacóbo ombojy jave hi’upyrã, Esau ojevývo ñúgui ikane’õ ha iñembyahyietereígui,

Éxodo 16:23

Ha ha’e he’i ichupekuéra: Péicha Ñanderuete he’iva’ekue: Ko’ẽrõ hína pytu’uha ára, oñemboykéta Ñanderuetépe g̃uarã; oime ramo ombojyséva tombojy ko árape, ha upe omomimoiséva tomomimói avei ko árape; ha umi mba’e hembýva guive peẽme, peñongatukuaa ko’ẽrõg̃uarã.

Éxodo 16:31

Ha Israel rogayguakuéra ombohéra pe pan yvagaguigua oúva mana, ojoguágui kuratũ ra’ỹime ha he’ẽ porã pan dúlceicha, ojejapóva eíra reheve.

Números 11:7

Ha pe mana ojoguákuri kuratũ ra’ỹi sa’yjúvape.

Números 11:9

Pyharekuépe ho’a ramo ysapy, ho’a avei ko mana.

Juan 6:27

Ani peñeha’ã pehupity hag̃uánte pe tembi’u opa reíva, peñeha’ã katu pehupity hag̃ua pe tembi’u tekove tapia g̃uarãva uvei, ha kóva ningo pe yvyarigua Ra’y ome’ẽtava peẽme, ha Ñanderuete, pe Jaraitéva omoañete voi ichupe.

Juan 6:31

Ore rukuéra ho’uraka’e pemana desiértope, ojehai háicha Ñanderuete kuatiañe’ẽme: Ñanderuete ome’ẽ ichupekuéra pan yvagaguiguáva ho’u hag̃ua, (Éxodo 16,4; 16,14; Salmokuéra 78, 24).