Números 11:4

Ñanderuete Ñe’ẽ Porã 2015

Ha umi tetã ambueygua ojehe’ava’ekue hesekuéra ou ipy’a tarovaite ho’useitereígui so’o, upéramo Israel ñemoñarenguéra hasẽ joaite avei hendivekuéra ha he’i hikuái: Máva ikatu ome’ẽ oréve so’o ro’umi hag̃ua,

Referencias Cruzadas

Nehemías 13:3

Ha ohendupávo hikuái pe tembiapoukapy, ha’ekuéra omboyke opaite tetã ambueygua omendamava’ekue Israelgua rehe.

Salmokuéra 106:14

Ha pe ñu perõme oñemoĩ hikuái heko yvyarigua rembipota vai poguýpe, ha upépe oipy’ara’ã hikuái Ñanderuetépe.

Éxodo 12:38

Osẽ avei hendivekuéra aty tuicháva opaichagua tapicha ha hetaiterei ovecha ha ambue hymba atyeta.

Éxodo 16:12

Che ahendúma Israel ñemoñarenguéra ñe’ẽguyguy; eñe’ẽ ichupekuéra, erévo: Ko ka’aru kóvape pe’u joáta so’o, ha pyhareve peñemohyg̃uatãta pángui ha peikuaáta Che, pende Ruete, pende Jaraha.

Éxodo 16:3

Ha Israel ñemoñarenguéra he’i ichupekuéra: Romanombanteva’erãmo’ã Ñanderuete po rupi Egípto retãme, upépe roguapy japepo (ólla) iso’óva jerekuévo, ha ro’u ramoguare pan oreryg̃uatã meve; nde katu oreguenohẽ ko desiérto kóvape orejuka hag̃ua ñembyahýi rupi.

Jeremías 42:14

pejégui: Nahániri, roikétante Egípto retãme, upépe ndorohechamo’ãvéi ñorãirõ, norohendumo’ãvéi avei ñorãirõ turu pu ni naoreñembyahyimo’ãvéi, upépente roikose.

Números 11:18

Ha tetãyguakuérape ere: Peñemopotĩke ko’ẽ ramog̃uarã, ha pe’úta so’o; peẽ penerasẽgui pende Ruete apysápe ha peje: Máva ikatu ho’uka oréve so’omi; añetehápe oho porãveva’ekue oréve Egípto retãme; pende Ruete katuete ome’ẽta peẽme so’o ha pe’u joáta.

Números 14:1

Upéramo opaite tetãyguakuéra guive osapukái ha hasẽ pe pyhare pukukue.

Números 14:22

mayma ohechava’ekue guive che reko jajaipa ha che milagrokuéra ajapova’ekue Egíptope ha ko desiértope,

Números 16:13

Naimba’eguasúipa ndéve oregueru hag̃ua peteĩ yvy osyryhápe kamby ha eíra, ha ág̃a orejukase avei ko desiértope, reñembojára hag̃ua orerehe mbaretepópe.

Romayguakuérape 13:14

Upéva rãngue peñemonde Hesu Crísto mborayhúpe, ha peñeñangarekóke ani hag̃ua peñeme’ẽ jevy pende rete rembipota vaípe.

1 Corintoyguakuérape 10:6

Umi mba’e rupi Ñanderuete ohechaukase ñandéve ani hag̃ua ñande jaipota mba’evai, ha’ekuéra oipota haguéicha.

1 Corintoyguakuérape 15:33

Aníke peñembotavy: Irũnguéra vai ombyai jepokuaa porã.

Deuteronómio 9:22

Taberápe, Masápe ha Kibrothataavápe pembopochy avei Ñanderuetépe.