Números 11:16

Ñanderuete Ñe’ẽ Porã 2015

Upéramo Ñanderuete he’i Moiséspe: Eiporavo 70 karai anciáno Israel ruvichakuéra apytégui, oisãmbyhy porãva, ha egueru pe óga jojohuha rokẽme ha toha’ãrõ hikuái upépe nendive.

Referencias Cruzadas

Genesis 46:27

Ha Jose ra’y mokõi onace Egíptope, mokõi tekove. Upéicha oĩ 70 Jacóbo rogayguateéva, oikóva Egípto retãme.

Éxodo 18:25

Upéi Moises oiporavo kuimba’e ikatupyrývape mayma Israel apytégui, ha omoĩ ichupekuéra 1000, 100, 50 ha 10 tapicha ári huvicha ramo.

Éxodo 24:1

Ñanderuete he’i Moiséspe: Pejupi pende Ruete rendápe, nde, Aaron, Nadab, Abiu ha 70 Israel karai ancianokuéra; ha mombyry guive pejeitýta yvýre.

Éxodo 24:9

Ha ojupi Moises, Aaron, Nadab, Abiu ha 70 Israel Karai ancianokuéra.

Éxodo 4:29

Ha oho hikuái, Moises ha Aaron, ha ombyaty mayma Israelgua karai ancianokuérape.

Jeremías 19:1

Péicha he’i Ñanderuete: Tereho ha ejogua peteĩ kambuchi ñay’ũguiguáva ijapoharégui, ha egueraha nendive mbovymi karai ancianokuérape ha hendivekuéra mbovymi ambue karaikuéra, pa’ikuéra apytégui.

Ezequiel 8:11

Ha henondepekuéra oñembo’y umi (70) karai anciáno Israelguáva, ha Jaazanías, Safan ra’y, oĩ ijapytepekuéra, ha ipopekuéra oĩ peteĩ mba’yru ohapy hag̃ua mba’e ryakuã porãva ha umívagui opu’ã tatatĩ iñanambusúva.

Números 11:24

Ha Moises oho omombe’u hag̃ua hetãyguakuérape Ñanderuete ñe’ẽ; ha ombyaty rire umi Israel ruvicha ha omohenda ichupekuéra pe óga jojohuha jerekuévo,

Números 16:25

Upémaramo Moises opu’ã ha oho Datan ha Abiram rendápe, ha umi Israel karai ancianokuéra oho joa hapykuéri.

Lúcas 10:1

Ko’ã mba’e rire Hesu omondo ambue 72 hemimbo’épe mokõi mokõime omyasãi hag̃ua iñe’ẽ umi táva Ha’e ohotahápe,

Lúcas 10:17

Ha umi 72 hemimbo’e ojevy vy’apópe Hesu rendápe, ha he’i: Ore Jára, ore ikatu romosẽ nde rérape mba’epochykuérape jepe.

Deuteronómio 1:15

Ha peiporavo pende tribukuéra apytégui umi kuimba’e iñarandu ha ikatupyrýva, ha umívape che amoĩ pene mburuvicha ramo, 1.000 ári, 100 ári, 50 ári, ha 10 kuimba’e ári, ha pende tríbu sãmbyhyhára ramo.

Deuteronómio 16:18

Opaite tavakuérape, Ñanderuete ome’ẽtava peteĩteĩ pende tribukuérape, pemoĩva’erã mbojovakehára ha mburuvichakuéra, ha’ekuéra ombojovake ha oisãmbyhy hag̃ua hekoitépe itavayguakuérape.

Deuteronómio 31:28

Pembyatyukapa chéve mayma pende tríbu ruvichakuéra, ha pende karai ancianokuérape, ha ha’éta ijapysapekuéra ko’ã ñe’ẽ, ha ahenóita yvy ha yvagakuérape techahare ramo.