Números 11:10

Ñanderuete Ñe’ẽ Porã 2015

Ha Moises ohendúvo hetãyguakuéra hasẽmba joaha, peteĩteĩ hóga aoguigua rokẽme; Ñanderuete pochy hendy hi’arikuéra, ha Moises oñepyrũma ipochy avei,

Referencias Cruzadas

Salmokuéra 106:25

Ha oñe’ẽngururu katu hikuái hóga rymbapirekue peguápe, ha nohenduvéi Ñanderuete ñe’ẽ.

Salmokuéra 139:21

Ndacha’éipa, che chepochy, ore Ruete, umi nderehe ija’e’ỹva rehe, ha umi oñemoĩva nderehe ndoikuaaséi mba’eve ndehegui.

Salmokuéra 78:21

Ha Ñanderuete ohendúvo péva ipochy ha omyendy hata Jacóbo rehe, ha oñemoĩ Israel rehe.

Salmokuéra 78:59

Ha Ñanderuete ohechapávo ko’ã mba’e, oñemboyke hetã Israélgui.

Isaías 5:25

Ko’ã mba’e rupi Ñanderuete oñemoĩ hetãyguakuéra rehe, ha oipyso ipo ohavira hag̃ua ichupekuéra. Umi cérro oryryipa. He’õnguekuéra oñemombopa tapére ytýicha ha upeichavéramo jepe ndopíri ipochy, ha ojepyso gueteri hína ipo.

Jeremías 17:4

Nde Juda repoíta pe yvy ame’ẽmava’ekuégui ndéve, ha ame’ẽta ndéve nderehe ija’e’ỹva rembiguái ramo, ha reikóta peteĩ tetã ndereikuaáivape; pejatapýgui che pochy rendy rehe ha heta ára hendýta gueteri.

Números 11:1

Israelguakuéra oñe’ẽngururu vai Ñanderuete rehe, ha Ñanderuete ohendúvo péva ipochy, ha hendy ijapytepekuéra hata, ha oñepyrũ ombokusugue peteĩ hekoha apýra guive.

Números 11:11

ha he’i Ñanderuetépe: Mba’érepa rejapo mba’evaiete ne rembiguái rehe. Ha mba’éicha rupípa nda’a porãi nde resa renondépe, Nde remoĩ ko tetã kóva, peteĩ cárga ipohyietéva ramo cheári.

Números 11:9

Pyharekuépe ho’a ramo ysapy, ho’a avei ko mana.

Números 12:3

Ha Moises oñemomirĩve ha ipy’aporãve opaite ambue kuimba’e ha kuñakuéra ndive oikóva guive ko yvy apére.

Números 12:9

Upérõ Ñanderuete pochy hendy hesekuéra ha oho.

Números 16:27

Ha ojei hikuái Core, Datan ha Abiram róga tymba pirekueguigua jerekuégui; ha Datan ha Abiram osẽ ha oñembo’y hogakuéra rokẽme, hembirekokuéra opaite, ita’ýra ha imitã ra’ymimi ndive.

Números 21:5

Ha oñe’ẽvai hikuái Ñanderuete ha Moises rehe: Ma’erãiko oreguenohẽra’e Egíptogui romanomba hag̃ua ko desiértope, ko’ápe ndaipóri pan ni y, ha ore ánga ombyajúma ko mana vevuietégui.

Márcos 10:14

Hesu katu ohechávo péva ipochy ha he’i ichupekuéra. Peheja mitãkuéra tou che rendápe, ani pejoko ichupekuéra, peichagua oikeva’erã Ñanderuete retãguasúpe.

Márcos 3:5

Upérõ Hesu oma’ẽ pochyhápe hesekuéra, ñeko’õi reheve oñembopy’a hatã haguére ha he’i pe kuimba’épe: Eipyso nde po. Ha ha’e oipysóvo ipo okueraite opytávo.

Deuteronómio 32:22

Tatáicha hendy che pochy ha hendy sunuva’erã umi omanomava’ekue retã rugua peve; ombokusuguéta pe yvy ha hi’akuéra, ha ohapyva’erã cérro pyendakuéra.