Números 11:1

Ñanderuete Ñe’ẽ Porã 2015

Israelguakuéra oñe’ẽngururu vai Ñanderuete rehe, ha Ñanderuete ohendúvo péva ipochy, ha hendy ijapytepekuéra hata, ha oñepyrũ ombokusugue peteĩ hekoha apýra guive.

Referencias Cruzadas

Genesis 38:10

Ha pe ha’e ojapóva jepi naiporãi Ñanderuete resa renondépe, upévagui oheja ha’e omano avei.

2 Samuel 11:27

Ha pe ñembyasy ha pe ao vosápe oñemondeha ára ohasapávo, David omondo ha ogueruka Betsabépe hógape; ha ha’e oiko hembireko ramo, ha imemby ichupe peteĩ ta’ýra. Ko’ã David rembiapokue katu ivaiete Ñanderuete resa renondépe.

2 Réyes 1:12

Ha Elías he’i ichupe: Che Ñanderuete rembiguái ramo, to’a tata yvágagui, ha tanehundi ne 50 irũnguéra reheve. Upévo, ho’a tata yvágagui ha ohundi avei ichupe ha avei umi 50 hendiveguápe.

Job 1:16

Kóva oñe’ẽ jave gueteri hína, og̃uahẽ ambue hembiguái he’íva: Ñanderuete rata ho’a áragui ha ohapypa nde ovecha ha kavarakuérape, ha umi hese oñangarekóvape ombokusuguepa avei pe tata, che añoite cheremby ha aju amombe’u hag̃ua ndéve umi mba’e ojehúva.

Salmokuéra 106:18

Ha tata hendy ijatyhápe ha ohapy umi tekove iñañávape.

Salmokuéra 78:21

Ha Ñanderuete ohendúvo péva ipochy ha omyendy hata Jacóbo rehe, ha oñemoĩ Israel rehe.

Salmokuéra 78:63

Pe tata ohapy ikaria’ykuérape, ha ikuñataĩ imara’ỹvape g̃uarã ndojepuraheivéi omenda hag̃ua.

Éxodo 16:7

ha pyhareve pehecháta Ñanderuete reko jajaipa, Ha’e ohendúgui pekaguaiha hese, ha orerehe mba’e piko ore, pekaguái avei orerehe.

Éxodo 16:9

Ha Moises he’i Aarónpe: Ere mayma Israel ñemoñarépe taijaty ha toñemboja Ñanderuete rendápe, Ha’e ohendúgui iñe’ẽguyguykuéra.

Isaías 10:17

Ha Israel rataindýgui oikóta tata, ha Heko Porãvagui oikóta tatarendy, omyendy ha ohundi hag̃ua peteĩ araitépe iñanandy ha iñuatĩndy.

Isaías 30:33

Aremíma oñembosako’i Asíria retã ruvichápe g̃uarã pe tenda’ípe ha hypýva ojehapy hag̃ua, ha oñembyatýma jepe’a aty ndetuicháva Ñanderuete omyendy hag̃ua ipytuhẽ hendýva ku fósforoicha.

Isaías 33:14

Umi iñañáva oryryipa Siónpe, ñemondýi oha’ãrõ’ỹre ou sapy’a umi ojeroviase’ỹva rendápe. Mávapa ñande reheguáva ikatúne oiko pe tata tapia g̃uarãvape. Mávapa ñande reheguáva ikatúne oiko pe tatarendy ogue’ỹvape araka’eve:

Lamentaciónes 3:39

Mba’éguipa ñande ñañembyasy Ñanderuete rehe, jaikove ramo ñane rembiapo vai rehe.

Ezequiel 20:36

Che ahavira haguéicha pende rukuéra Egípto desiértope, péicha ajapo jevýta penendive, he’i pende Ruete.

Levítico 10:2

Ha Ñanderuetégui osẽ tata ha ohapy ichupekuéra, ha omano hikuái Ñanderuete renondépe.

Nahum 1:5

Umi cerro tuicháva oryryipa henondépe ha pe yvy aty hykupa, pe yvy ha opaite oikóva guive ijape ári osusũmba.

Habacuc 3:5

Henonderãme oho mba’asy vaiete (péste), ha hapykuéri osẽ akãnundu vai.

Números 10:33

Upéicha Israelguakuéra oipykúi Ñanderuete cérrogui oguata hag̃ua mbohapy ára pukukue; ha Ñanderuete karameg̃ua oho henonderãme mbohapy ára pukukue, ohekávo ichupekuéra g̃uarã peteĩ tenda opytu’u hag̃ua.

Números 11:18

Ha tetãyguakuérape ere: Peñemopotĩke ko’ẽ ramog̃uarã, ha pe’úta so’o; peẽ penerasẽgui pende Ruete apysápe ha peje: Máva ikatu ho’uka oréve so’omi; añetehápe oho porãveva’ekue oréve Egípto retãme; pende Ruete katuete ome’ẽta peẽme so’o ha pe’u joáta.

Números 12:2

Ha he’i hikuái: Moises rupi añóntepa Ñanderuete oñe’ẽne. Noñe’ẽichénepa orérupi avei. Ha Ñanderuete ohendupa.

Números 14:2

Ha Israel ñemoñarenguéra oñe’ẽvai Moises ha Aaron rehe; ha mayma Israelguakuéra he’i ichupekuéra: Romanonteva’erãmo’ã Egípto retãme, térã romanova’erãmo’ãra’e ko desiérto kóvape.

Números 14:22

mayma ohechava’ekue guive che reko jajaipa ha che milagrokuéra ajapova’ekue Egíptope ha ko desiértope,

Números 14:27

Araka’e pevépa ahendúne ko tetã ñaña oñe’ẽvaíva cherehe, ahendupa voi iñe’ẽvai he’imava’ekue cherehe.

Números 14:28

Upévare ere ichupekuéra: Che rekove rehe, he’i Jahve, pende Ruete, ha’ekuéra oñe’ẽ haguéicha chéve, upeichaite Che ajapóta avei hesekuéra.

Números 16:11

Upéicharupi peẽ ha penendive oĩva peñembyatýva guive peñemoĩ Ñanderuete rehe; ha ndaha’éi Aaron rehe, ha mba’éiko ha’e, peñe’ẽ vai hag̃ua hese.

Números 16:35

Ñanderuete renondégui osẽ avei tata, ha ohundi umi 250 kuimba’épe oikuave’ẽva pe mba’e ryakuã porãva.

Números 17:5

Ha pe yvyra po’i ipotýtava jára, Che aiporavómava Israelguakuéra apytégui, péicha Che amokirirĩta Israel ñemoñarenguéra ñe’ẽguyguy vaígui.

Números 21:5

Ha oñe’ẽvai hikuái Ñanderuete ha Moises rehe: Ma’erãiko oreguenohẽra’e Egíptogui romanomba hag̃ua ko desiértope, ko’ápe ndaipóri pan ni y, ha ore ánga ombyajúma ko mana vevuietégui.

1 Corintoyguakuérape 10:10

Ani pechi’õ (peñe’ẽguyguy) ha’ekuéra ochi’õ haguéicha ha oñehundi hikuái pe mbyaihára po rupi.

Deuteronómio 25:18

mba’éichapa ojeity pendeári tapépe, ha ohundi umi ikangývape ohóva tapykuépe, peẽ penekane’õ ha peime ramoguare jejopýpe; ha ndokyhyjéi hikuái Ñanderuetégui.

Deuteronómio 32:22

Tatáicha hendy che pochy ha hendy sunuva’erã umi omanomava’ekue retã rugua peve; ombokusuguéta pe yvy ha hi’akuéra, ha ohapyva’erã cérro pyendakuéra.

Deuteronómio 9:22

Taberápe, Masápe ha Kibrothataavápe pembopochy avei Ñanderuetépe.

hebreoyguakuerape 12:29

Ñanderuete ningo tata oporombokusuguepáva.

Tiágo 5:4

Peikuaa porãke, peẽ pembohavira ha peipe’a reíva pende koga’a mono’õhára rembiapo repy, ijahe’o katu osapukái hatã yvága atykuéra Jára apysápe.

Júdas 1:16

Ko’ã mbo’ehára japu chi’õpópe oja’o Ñanderuetépe, ndoguerovy’áigui umi mba’e ojehúva guive hekovépe, ha’ekuéra oiko ijyvyarigua rete rembipota vai poguýpe, ijuruguasu hikuái, ha’ekuéra ombojuru he’ẽkuaa karaiguasukuérape ohupity peve hembipota, (provecho ijupe g̃uarã).