Números 10:9

Ñanderuete Ñe’ẽ Porã 2015

Ha penderehe ija’e’ỹva ou ramo pene retãme oñemoĩ hag̃ua penderehe pembopuva’erã pya’e pya’e pende turu ha pende Ruete, pende Jára, imandu’áta penderehe, ha pendesalváta penderehe ija’e’ỹvagui.

Referencias Cruzadas

Genesis 8:1

Ha Ñanderuete imandu’a Noe rehe, umi mymba ha opaite mymba saite rehe oĩva guive hendive pe barcoguasúpe; ha Ñanderuete ombou yvy ári peteĩ yvytu atã, oguejy hag̃ua ohóvo umi yeta.

2 Crónicas 13:12

Peikuaa porãke Ñanderuete oĩha orendive ore Mburuvichaguasuete ramo, ha pa’ikuéra ituru reheve ombopu torypópe penderehe. Israel ra’ykuéra, ani peñemoĩ Ñanderuetére, pende rukuéra Járare, nosẽ porãmo’ãigui peẽme umi mba’e pejaposéva.

2 Crónicas 13:14

Ha Juda oma’ẽvo, péina ojeitýma hi’ári henondéguio ha ijatukupéguio; ha upévagui sapukaipópe omba’ejerure Ñanderuetépe, ha umi pa’i ombopu iturukuéra.

Salmokuéra 106:4

Nemandu’amíkena cherehe, Nde, ore Ruete, pe mborayhu rerekóva ne retã rehe, ejumína cheandúvo ne ñepytyvõ reheve.

Salmokuéra 106:42

Umi hese ija’e’ỹva ojopy asy ichupekuéra ha ojepy’apy asy hikuái ipoguypekuéra.

Salmokuéra 136:23

Ha’e imandu’ahína ñande ñaime vaiete jave, ha imborayhu ndopamo’ãi araka’eve.

Isaías 18:3

Peẽ peikóva guive yvy apére, pema’ẽ porãke, opu’ã ramo poyviveve cerrorusu ári, ha pejapysaka porãke oñembopu jave pe turu.

Isaías 58:1

Esapukái hatãke nde ahy’o ome’ẽ háicha, ani rekirirĩtei; turúicha hatã esapukái, ha emombe’u che retã reko ñaña ha Jacóbo róga angaipa.

Jeremías 4:19

Che py’a, che py’apy oryryipa, che ajepy’apyeterei che py’a operere asy; ndachepy’aguapyvéi, ahendúgui turu pu, sapukaiguasu ñorãirõ megua.

Jeremías 4:21

Araka’e pevépa ahecháta yvate pe poyviveve (bandéra) ha ahendúta turu pu ñorãirõ megua.

Jeremías 4:5

Pemoherakuã Judápe, peguerosapukái Jerusalénpe ha peje: Pembopu turu tetãpy rehe; pesapukái ha peje: Peñembyaty ha jaike umi táva oñemombarete porãvape.

Jeremías 49:2

Upévare outahína pe ára, he’i pende Ruete, ahendukataha ñorãirõ sapukái Rabápe, Amon ñemoñarenguéra távape; ha itaperéta ha ojehapýta itavakuéra ha Israélpe oñeme’ẽ jevýta ijyvy, ha’ekuéra oipe’a reiva’ekue ichuguikuéra, he’i pende Ruete.

Jeremías 6:1

Benjamin ñemoñarenguéra pekañy Jerusaléngui ha pembopu turu Tecóape, pemopu’ã tatatĩ, techaukaha ramo Bethaquérempe, cháke, nórtegui ou jejopy vai ha ñehundiguasu.

Jeremías 6:17

Ha amopu’ã peẽme g̃uarã guárdia (mañahára) oñangareko ha pendeavisa hag̃ua ituru pu rupi ou ramo tetã ambueygua. Ha’ekuéra katu he’i: Norohendumo’ãi.

Ezequiel 7:14

Oñembopuva’erã pe turu ha oñembosako’ipáta, avave ndohomo’ãi katu ñorãirõme che pochy oĩgui ijatykuéra ári.

Oséas 5:8

Pembopu ovecha ratĩ Gibéape, turu Rámape, pesapukái Betavénpe, peavisa Benjamínpe.

Levítico 23:24

Eñe’ẽ Israel ñemoñarenguérape ha ere ichupekuéra: Pe jasy 7-hápe, (Octúbre), pe jasy oñepyrũha árape, peguerekóta jepytu’uha ára, penemomandu’a hag̃ua oñembopúta turu, pejupa hag̃ua atyguasúpe che rogaguasu oĩháme.

Amos 3:6

Oñembopúnepa pe turu tavapýpe, oñemondyi’ỹre tavayguakuéra. Oĩnepa jehasa asy (desgrácia) peteĩ tavapýpe, pende Ruete ndojapoukái ramo.

Sofonías 1:16

Ha pe árape oñembopúta pe turu ha oñehendúta ñorãirõ ryapu ha oñemoĩta hikuái pe táva oñemombaretéva ha umi óga yvatéva rehe.

Números 31:6

Ha Moises omondo ichupekuéra ñorãirõháme; peteĩteĩ tríbugui omondo 1000; ha Finees, pa’i Eleazar ra’y, oho hendivekuéra ñorãirõháme ha ogueraha umi mba’e oñemboykéva Ñanderuetépe g̃uarã, turu (trompéta) reheve.

1 Corintoyguakuérape 14:8

Pe trompéta (ojogua turúpe) ndaipúi porã ramo, mávapa oñembosako’íta oñorãirõ hag̃ua.

Deuteronómio 20:1

Pesẽ ramo peñorãirõ penderehe ija’e’ỹva ndive, ha pehechávo ikavaju, icárro ha isoldadokuéra hetave pendehegui, ani pekyhyjétei ichuguikuéra, Ñanderuete, Ñandejára, oĩva’erã penendive, Ha’e voi peneguenohẽva’ekue avei Egípto retãgui.

Josué 6:5

Ha ombopu are vove pe turu ovecha ratĩguiguáva, mayma Israelgua osapukái hatãva’erã, ha pe táva korapy jere ho’áta; upévo mayma tetãygua oikéta Jericópe henonderã ryepy gotýo.

Juéces 10:12

Sidongua, Amalecgua ha Madiayguakuéra, ha pemba’ejerure asývo chéve Che posalva ipokuéragui.

Juéces 10:8

Ha’ekuéra ojopy ha oipy’apy asy Israel ñemoñarenguérape oikóva Jordan mboypýri Amorgua yvykuépe, opytáva Galaádpe, 18 áño pukukue.

Juéces 2:18

Ha Ñanderuete omopu’ã vove Israelguakuérape mbojovakehára, ha ha’ekuéra oikove aja, Ñanderuete voi oĩhína ko’ãva ndive, ha osalva Israelguakuérape hesekuéra ija’e’ỹva pógui; Ñanderuete voi oiporiahuverekógui ichupekuéra ojejopy vai ha ojahe’ógui.

Juéces 3:27

Ha og̃uahẽvo Israel retãme ombopu turu Efrain cérrope, ha Israel ñemoñarenguéra oguejy joa hendive cérrogui ha ha’e oho henonderãme.

Juéces 6:34

Ha Ñanderuete Pytu Porãitéva ou Gedeon ári, ha ha’e ombopúvo pe turu, Abiezerguakuéra oñembyatypa hendive.

Juéces 6:9

Che poguenohẽ Egiptoyguakuéra pógui, ha mayma pendepy’apy asýva pógui, ha umívape amosẽva’ekue pene renonderãgui, ha ame’ẽva’ekue peẽme ijyvykuéra;

1 Samuel 10:18

Ha he’i Israel ñemoñarenguérape: Péicha he’i Israel Jára: Che anohẽ Israélpe Egíptogui, ha asalva ichupekuéra Egiptoygua pógui, ha opaite ambue tetãnguéra pendejopyva’ekuégui.