Números 10:2

Ñanderuete Ñe’ẽ Porã 2015

Ejapouka mokõi turu (trompéta) óro morotĩguiguáva, martíllope oñe’ẽmbotava’erãva ha umía reiporúta rehenói hag̃ua ne retãyguakuérape atyguasúpe, ha remongu’e hag̃ua atyguasukuéra oipykúi jevy hag̃ua hapekuérare.

Referencias Cruzadas

2 Réyes 12:13

Ha umi pirapire ojeguerúva Ñanderuete rogaguasúpe ndojeporúi ojejapo hag̃ua ña’ẽ oroguiguáva, kysekuéra, tazaguasu, turu, mba’eveichagua tembiporu oroguigua térã plataguiguáva ndojejapói Ñanderuete rogaguasúpe g̃uarã,

2 Crónicas 5:12

Umi Levigua opurahéiva, oĩ opaite Asaf, Heman ha Jedutun reheguáva, ita’ýra ha ityvyrakuéra reheve, oñemonde hikuái ao líno hepývape ha ombopu platíllo, mbaraka ha árpa pe kuave’ẽmby rendágui kuarahyresẽ gotýo, ha hendivekuéra oĩ 120 pa’i ombopúva ituru.

Salmokuéra 81:3

Turu pembopu joáke jasyra’y ha jasy renyhẽ jave, ñande areteguasuha árape.

Salmokuéra 89:15

Ovy’aite pe tetã nembovy’áva, ha oguatáva nde rapére, che Ruete resa renondépe.

Éxodo 25:18

Rejapova’erã avei mokõi querubin (ángel ruvicha) oroguiguáva; oñenupãmbyréva martíllope ha remoĩta pe karameg̃ua juru mbotyha mokõivéva apýrape.

Éxodo 25:31

Rejapova’erã avei peteĩ tataindyenda oroitégui; pe tataindyenda, ipyenda, hi’ýva, ijyvoty ryru, iñapokytã ha ijyvotykuéra rejapova’erã peteĩ óro pehẽnguégui, oñenupãmbyréva martíllope.

Isaías 1:13

Anive peguerútei chéve kuave’ẽmby tova mokõi reheve; pene mba’e ryakuã porã chembopy’aro; pende arete, jasyra’y ha sábado chemonguerái.

Jeremías 4:5

Pemoherakuã Judápe, peguerosapukái Jerusalénpe ha peje: Pembopu turu tetãpy rehe; pesapukái ha peje: Peñembyaty ha jaike umi táva oñemombarete porãvape.

Oséas 8:1

Emoĩ pe turu nde jurúpe, umi penderehe ija’e’ỹva ojeitýta Ñanderuete rogaguasu ári ku ñapykanícha, upéicha che pohaviráta pepoi haguére che ñe’ẽme’ẽgui ha peñemoĩ haguére che rembiapoukapýre.

Joel 1:14

Peñembyatypa, peguerosapukái ha pehasa karu’ỹme, opaite karai anciáno ha tetãyguakuéra peñembo’e pende Ruete rógape.

Joel 2:1

Pembopu turu Siónpe, oñehendu porã hag̃ua che cérro porãite rupi, toryryipa opaite yvy apére oikóva guive, og̃uahẽmbotágui Ñanderuete ára.

Números 10:1

Ñanderuete oñe’ẽ Moiséspe ha he’i:

Números 10:7

Ha rehenoiuka ramo oñembyatypa hag̃ua atyguasúpe, oñembopuva’erã mbeguemive.

Efesoyguakuérape 4:5

Peteĩ Ñandejára, peteĩ jerovia, peteĩ bautísmo,