Números 10:12

Ñanderuete Ñe’ẽ Porã 2015

Israel ñemoñarenguéra oipykúi Sinai desiértogui, aty atýpe osẽ hikuái, pende Ruete omohendauka haguéicha ichupekuéra; ha pe arai opyta jevy Paran desiértope.

Referencias Cruzadas

Genesis 14:6

ha umi Horguápe Seir cérrope, Paran ñu meve, opytáva desiérto ypýpe.

Genesis 21:21

Ha oiko Paran desiérto rehe; ha isy omomenda ichupe peteĩ Egiptoygua rehe.

1 Réyes 11:18

Ha opu’ã hikuái Madiángui ha ou Paránpe, ha Hadad ogueraha hendive kuimba’e Parangua, ha ou hikuái Egíptope, faraon Egípto retã ruvicha rendápe, ha ha’e ome’ẽ ichupe hogarã, hembi’urã ha ijyvyrã avei.

Éxodo 13:20

Ha osẽ hikuái Sucótgui opyta hag̃ua Etámpe, pe desiérto rembe’ýpe.

Habacuc 3:3

Ñanderuete oúta Temángui, Paran cérrogui oúta pe Heko porãva. Herakuã porã omyenyhẽva yvagakuéra ha yvy henyhẽ iñemomba’eguasúgui. Selah

Números 1:1

Ñanderuete oñe’ẽ Moiséspe Sinai desiértope, pe óga jojohuhápe, ára peteĩháme, jasy mokõiháme, pe áño mokõiháme Israel osẽ rire Egípto retãgui, ha he’i ichupe:

Números 10:33

Upéicha Israelguakuéra oipykúi Ñanderuete cérrogui oguata hag̃ua mbohapy ára pukukue; ha Ñanderuete karameg̃ua oho henonderãme mbohapy ára pukukue, ohekávo ichupekuéra g̃uarã peteĩ tenda opytu’u hag̃ua.

Números 12:16

Uperire katu tetãyguakuéra oipykúi Hazerótgui, ha opyta hikuái Paran desiértope.

Números 13:26

Ha ou hikuái Moises, Aaron ha mayma Israelgua rendápe, Paran desiértope, Cadéspe ha omba’emombe’u ichupekuéra opaite mba’e ohechava’ekue guive, ha ohechauka ichupekuéra umi yva ogueruva’ekue.

Números 13:3

Ha Moises omondo Paran desiérto guive, Ñanderuete he’i haguéicha; ha opaite ko’ã kuimba’e oikóma mburuvicha ramo Israel ñemoñarenguéra apytépe.

Números 2:34

Ha Israel ñemoñarenguéra ojapopa Ñanderuete he’i haguéicha Moiséspe; ha peteĩteĩ tríbu oñembyaty ipoyvi oĩháme, ha oje’ói hikuái hogaguasu atykuéra ha hogakuéra ndive oje’e haguéicha ichupekuéra osẽ hag̃ua.

Números 9:1

Ñanderuete oñe’ẽ Moiséspe Sinai desiértope, pe áño mokõiháme osẽ haguépe Egípto retãgui, pe jasy peteĩha jave, ha he’i:

Números 9:17

Pe arai ojei ramo pe óga jojohuha árigui, umi Israel ñemoñarenguéra oipykúi; ha pe arai opyta ramo, Israel ñemoñarenguéra opytava’erã avei.

Números 9:5

Péicha omboarete hikuái pe páscua pe jasy peteĩha jave pe ára 14-hápe, ka’arupytũ guive, pe Sinai desiértope, Ñanderuete he’i haguéicha Moiséspe, upeichaite Israel ñemoñarenguéra ojapopa avei.

Deuteronómio 1:1

Moises he’i ko’ã ñe’ẽ mayma Israel ñemoñarenguérape desiértope, Jordan rembe’y asúpe, kuarahyresẽ gotýo, ñuguasu Arabápe, Suf rovái, Paran, Tofel, Laban, Hazerot ha Dizahab pa’ũme.

Deuteronómio 1:19

Ha ñasẽvo Horébgui, jahasapákuri pe desiérto ndetuichaitéva ha ñanemongyhyjéva rupi, peẽ pehechamava’ekue, Amorguakuéra yvy rape rehe, Ñanderuete he’i haguéicha ñandéve; ha ñag̃uahẽ Cadesbarnéape.

Deuteronómio 1:7

Pepu’ã ha tapeho Amorgua cérrope ha opaite umi oikóva upérupi, pe ñuguasu Arabápe, pe cérro ha umi ñu oĩva Négev guive ha yguasu rembe’y peve, oĩva Canaangua yvýpe, ha yvate gotýo Líbano peve, ha kuarahyresẽ gotýo pe ysyryguasu Éufrates peve.

Deuteronómio 33:2

Ha he’i: Ñanderuete ou Sinaígui ha ojehechauka Israélpe Seírgui, hesape ojajái Paran cérro guive ha ou 10.000 ijyvága rembiguái ndive, ipo akatúvape oĩ tata rendy.

1 Samuel 25:1

Samuel omano ha mayma Israelgua, oñembyaty oguerojahe’o hag̃ua ichupe; ha oñotỹ hikuái ichupe hóga ykére, Ramápe. Ha opu’ã David ha oho Paran desiértope.