Números 10:10

Ñanderuete Ñe’ẽ Porã 2015

Pembopuva’erã turu pende vy’aha árape, pende arete aja, jasy pyahu árape, peikuave’ẽ ramo pene kuave’ẽmby ojehapypáva ha pene kuave’ẽmby py’aguapy reheguáva, ha oĩta penderehe mandu’a pende Jára renondépe, Che Jahve, pende Ruete, poipytyvõta.

Referencias Cruzadas

2 Réyes 4:23

Ha ha’e he’i ichupe: Mba’upéiko rehóta hendápe ko ára kóvape. Ndaha’éi ningo jasy ra’y, térã jepytu’uha ára. Ha pe kuñakarai he’i: Ani rejepy’apýtei.

1 Crónicas 15:24

Ha Sebanías, Josafat, Natanael, Amasai, Zacarías, Benaía ha Eliezer, ha’ekuéra pa’ikuéra ombopu turu Ñanderuete karameg̃ua renondépe; Obed-edom ha Jehías oñangareko avei pe karameg̃ua rehe.

1 Crónicas 15:28

Péicha Israelguakuéra ogueraha vy’apópe Ñanderuete karameg̃ua, turu, trompéta, platíllo ha mbaraka púpe.

1 Crónicas 16:42

Ha hendivekuéra oĩ avei Heman ha Jedutun, ombopúva trompéta ha platíllo, ha ambue mba’epu omoirũ hag̃ua avei pe purahéi Ñanderuetépe g̃uarã; ha Jedutun ra’ykuéra oñangareko umi okẽguasu rehe.

2 Crónicas 29:26

Upéicha Leviguakuéra oñemohenda David mba’epukuéra reheve, ha pa’ikuéra trompéta reheve.

2 Crónicas 29:28

Ha umi oñembyatýva guive omomba’eguasu joa, umi opurahéivape, ha trompéta mbopuharakuéra ombopu aja trompéta; ko’ã mba’e hi’are pe kuave’ẽmby ojehapypa peve.

2 Crónicas 7:6

Ha pa’ikuéra ojapopa hembiapo; ha Leviguakuéra omomba’eguasu imba’epukuérape Ñanderuetépe, umi tetã ruvicha David ojapoukava’ekue omomomba’eguasu hag̃ua ichupe, iporiahuvereko opytágui opaite árape. Ha pa’ikuéra ombopu avei turukuéra henondépe, ha opaite Israelguakuéra oĩ ñembo’yhápe.

Ésdras 3:10

Ha umi omopu’ãtavahína Ñanderuete rogaguasúpe oñepyrũ pe óga rembiapo, upejave umi pa’i, ipa’i ao reheve ha iturukuéra ipópe; ha umi Levigua Asaf ñemoñarenguéra, iplatillokuéra reheve, oñembosako’i omomba’eguasu hag̃ua Ñanderuetépe, David Israel retã ruvicha he’i haguéicha ojejapo hag̃ua.

Nehemías 12:35

Ha umi pa’i ra’y apytégui oho ituru reheve Zacarías, Jonatan ra’y, Semaías ra’yre, Matanías ra’yre, Mica ra’yre, Zacur ra’yre, Asaf ra’yre ndive,

Salmokuéra 150:3

Pemomba’eguasu ichupe turu púpe, pemomba’eguasu ichupe mbaraka ha árpa púpe.

Salmokuéra 81:3

Turu pembopu joáke jasyra’y ha jasy renyhẽ jave, ñande areteguasuha árape.

Salmokuéra 81:4

Kóva ningo Ñanderuete ñe’ẽ Israélpe g̃uarã ha Jacóbo Jára rembiapoukapy ichupekuéra g̃uarã.

Salmokuéra 89:15

Ovy’aite pe tetã nembovy’áva, ha oguatáva nde rapére, che Ruete resa renondépe.

Éxodo 28:29

Péicha Aaron ogueraháta umi Israel ra’y réra ipyti’a voko rehe, iñe’ã ári, ombojovake porã hag̃ua ha oikévo pe kotyguasúpe, oñemboykéva Ñanderuete ha pa’iguasúpe g̃uarãnte toñemomandu’a tapia hag̃ua hesekuéra.

Éxodo 30:16

Erecivi ko pláta kóva Israelguakuéra oma’ẽva’erãvagui hekove hekove rehe ha pe pláta reiporúta oñemopu’ã hag̃ua pe óga jojohuha ha Israel ñemoñarenguéra imandu’a hag̃ua oiko hague ko perdon pende Ruete renondépe.

Isaías 27:13

Ojehuva’erã avei upe ára upévape, oñembopuva’erã pe turuguasu oupa jevy hag̃ua umi oñemosarambiva’ekue Asíria retãme ha umi oñemondova’ekue Egíptope, ha oñesũta omomba’eguasu hag̃ua Ijarateépe Jerusalen cérrope, oĩ hag̃uáme Ñanderuete rogaguasu.

Levítico 23:24

Eñe’ẽ Israel ñemoñarenguérape ha ere ichupekuéra: Pe jasy 7-hápe, (Octúbre), pe jasy oñepyrũha árape, peguerekóta jepytu’uha ára, penemomandu’a hag̃ua oñembopúta turu, pejupa hag̃ua atyguasúpe che rogaguasu oĩháme.

Números 10:9

Ha penderehe ija’e’ỹva ou ramo pene retãme oñemoĩ hag̃ua penderehe pembopuva’erã pya’e pya’e pende turu ha pende Ruete, pende Jára, imandu’áta penderehe, ha pendesalváta penderehe ija’e’ỹvagui.

Números 28:11

Meme jasy pyahúpe katu peikuave’ẽta kuave’ẽmby ojehapypáva pende Ruetépe: Mokõi tóro ra’yrusu, peteĩ ovecha mácho ha 7 ovecha ra’yrusu iporãitéva, hi’áño peteĩva,

Números 29:1

Pe jasy 7-hápe, pe ára peteĩháme peguerekóta ambue atyguasu pe óga jojohuhápe; mba’eveichagua tembiapo ndapejapoiva’erã; pe ára pévape oñembopuva’erã peẽme turu.

Matéo 11:28

Peju che rendápe opaite peẽ peñeha’ãmbáva pehupity hag̃ua pe tekove tapia g̃uarãva, ha ani peẽ voi peñeha’ã reive pepoi hag̃ua pene angaipa cárga pendejopývagui. Chémante ikatu pomombytu’u porã.

Apostolkuéra 10:4

Ha Cornélio oma’ẽ hatãvo hese oporandu ichupe kyhyjepópe: Mba’e piko oime, che jára. Ha pe ángel ombohovái ichupe: Ne ñembo’e ha ne ñepytyvõ reme’ẽva mboriahukuérape ojupíma kuave’ẽmby ñemandu’a reheguáva ramo Ñanderuete renondépe.

1 Corintoyguakuérape 15:52

sapy’aitépe, peteĩ tesa pirĩme, pe turu ipu (trompéta) pahápe; oñembopúvo pe trompéta Ñanderuete ñanemoingove jevýta, ha ome’ẽta ñandéve peteĩ tete ipyahúva oñembyaive’ỹva araka’eve.

1 Tesalonicayguakuérape 4:16

Hesu Crísto ouha árape oñemombáy raẽva’erã hikuái, yvága rembiguaiguasu ñe’ẽ hatã ha pe turupu (trompéta pu) rupi umi Hesu Cristopype omanova’ekuépe, oikove jevy hag̃ua,

1 Tesalonicayguakuérape 4:18

Péicha peñemoangapyhy ko ñe’ẽ kóva rupi.

Josué 4:7

pejeva’erã ichupekuéra: Pe Jordan y oñemboja’ova’ekue Ñanderuete karameg̃ua renondépe; ore rohasa ramoguare Jordan rupi, hi’y oñemboja’ova’ekue; ha pe ita atýra oikóta mandu’aha ramo Israel ñemoñarenguérape g̃uarã opaite árape.

Josué 6:4

Upejave 7 pa’i ogueraháta 7 turu ovecha ratĩguiguáva pe karameg̃ua renonderãme; ha pe ára 7-hápe pejeréta pe táva rehe 7 jevy, ha umi pa’i ombopuva’erã iturukuéra.

Apocalípsis 22:17

Pe Pytu Porãmbáva ha Ovechara’y rembireko ningo he’i: Eju. Ha pe ohendúva te’i: Eju. Ha upe ijy’uhéiva tou, ha upe oipotávape oñeme’ẽ reíta ichupe pe tekove rehegua y reiete, te’i avei: Eju.

1 Samuel 20:5

Ha David he’i jevy Jonatánpe: Péina ko’ẽ ramo jasyra’ýta, ha che ajepokuaa aguapy tetã ruvicha ndive akaru hag̃ua; nde katu chereja takañy ñúme ko’ẽramo ára mbohapyhápe ka’aru peve.