Números 1:53

Ñanderuete Ñe’ẽ Porã 2015

Leviguakuéra oikova’erã pe óga jojohuha jerekuévo, ani hag̃ua pende Ruete pochy ho’a Israel ñemoñare nguéra aty ári; ha Leviguakuéra opytáta oñangareko hag̃ua pe óga jojohuha rehe.

Referencias Cruzadas

1 Crónicas 23:32

Ha’ekuéra oipytyvõ avei oñangareko hag̃ua pe óga jojohuha renda rehe, opytáva ipehẽnguekuéra Aaron ra’ykuéra ha iñemoñarenguéra poguýpe, ha’ekuéra omoakãmbágui opaite Ñanderuete rogaguasu rembiapo.

2 Crónicas 13:10

Oréve g̃uarã katu Ñanderuete opyta ore Jára ramo, ndoropoíri ichugui; ha umi pa’i omba’apóva Ñanderuetépe g̃uarã Aaron ra’ykuéra voi, ha umi oipytyvõva ichupekuéra Leviguakuéra meme.

2 Crónicas 13:11

Ha’ekuéra oikuave’ẽ kuave’ẽmby ojehapypáva Ñanderuetépe g̃uarã, pyharevekue ha ka’arukuépe, mba’e ryakuã porã reheve; ha omoĩ avei umi pan ojehechauka hag̃ua mesa ári, ha omyendy pe tataindyenda oroguiguáva ka’arúpe; ore ningo rojapo Ñanderuete rembipota ha peẽ katu pepoíma ichugui.

Jeremías 23:15

Upévarehe, Che, Yvága Atykuéra Jára, ha’e umi proféta rehe: Peikuaa porãke, Che ha’ukáta ichupekuéra mba’ero, ha amboy’ukáta ichupekuéra pohã vai (ponzóña); umi proféta Jerusalen peguágui oñemosarambi voi pe teko ñañáme oñemyasãiva hetãpy rehe.

Jeremías 5:31

Iprofetakuéra ijapupa ha ipa’ikuéra omboguata hapichakuérape oipota háichante, ha pévante ombovy’a che retãyguakuérape. Ha mba’éiko pejapóta og̃uahẽ vove pe jejopy vai Che ha’emava’ekue peẽme.

Levítico 10:6

Upéramo Moises he’i Aaron ha ita’yrakuéra hembývape, Eleazar ha Itamárpe: Anítei peiko akã chara ha anítei pemondoro pende ao pehechauka hag̃ua peñembyasyha ỹrõ pemanóta avei, ha anítei ho’a Ñanderuete pochy Israel retã ári, pene pehẽnguekuéra ári; mayma Israel rogaygua katu oñembyasy joa Ñanderuete ohapy haguére ichupekuéra.

Números 1:50

Leviguakuéra toñangareko pe óga jojohuháre ha opaite hembiporukuéra rehe, oĩva guive ipype, ha’ekuéra oguerahava’erã pe óga jojohuha ha opaite hembiporukuéra, ha’ekuéra ojapova’erã hembiapo ipype ha omopu’ãva’erã hóga pirekueguiguakuéra pe óga jojohuha jerekuévo.

Números 1:54

Ha Israel ñemoñarenguéra ojapopa Ñanderuete he’i haguéicha Moiséspe.

Números 16:46

Ha Moises he’i Aarónpe; Ejapyhy mba’e myatatĩha, ha emoĩ ipype tata pe kuave’ẽmby rendágui ha emoĩ hi’ári mba’e ryakuã porãva ha pya’e tereho pe aty oĩha gotýo remoĩ porã jevy hag̃ua ichupekuéra, Ñanderuete oñepyrũmagui ohavira ha pe ñemanoguasu ohupitýma ichupekuéra.

Números 16:9

Naimba’eguasúipa peẽme g̃uarã Israel Jára penemboykévo Israel atýgui ha pendeporavo peservi hag̃ua Ñanderuete róga rembiapópe ha peime hag̃ua pene retãyguakuéra renondépe peservi hag̃ua ichupekuéra.

Números 17:7

Ha Moises omoĩ umi yvyra po’i Ñanderuete renondépe pe óga jojohuhápe, pe karameg̃ua renondépe, oĩháme umi 10 tembiapoukapy.

Números 2:17

Upéi Leviguakuéra ogueraháta pe óga jojohuha, itríbu mbytetépe ha opaite tríbu opytava’erã ijejército oĩháme ha oñemohenda haguépe ichupekuéra pe óga jojohuha jerekuévo.

Números 3:23

Gerson ñemoñarenguéra opytava’erã pe óga jojohuha kupe gotýo, kuarahyreike gotýo;

Números 3:29

Coat ñemoñarenguéra opytava’erã pe óga jojohuha ykére, oĩva sur gotýo.

Números 3:35

Ha Zuriel, Abihail ra’y, opyta Merari ñemoñarenguéra ruvicha ramo, ha’ekuéra opytava’erã pe óga jojohuha ykére, oĩva nórte gotýo.

Números 3:38

Pe óga jojohuha renondépe, kuarahyresẽ gotýo, oñemohendáta Moises ha Aaron ita’yrakuéra ndive, oñangareko hag̃ua pe tenda oñemboykéva rehe pende Ruetépe g̃uarã, Israel ñemoñarenguéra rekovia; ha hesegua’ỹva oñemboja ramo hóga jojohuha rembiapópe omanova’erã.

Números 31:30

Ha umi Israel ñemoñare mba’égui, pemboykéta opaite 50 mba’égui peteĩ mba’e, taha’e kuimba’e térã guéi, térã búrro, térã ovecha, térã opaichagua ambue tymba, ha peme’ẽta Leviguakuérape, ha’ekuéra oñangarekógui pende Ruete róga jojohuha rehe.

Números 31:47

ha umi Israel ñemoñare mba’égui, Moises ojapyhy opaite 50 mba’égui peteĩ mba’e, taha’e tetãygua térã tymba, ha ome’ẽ Leviguakuérape, ha’ekuéra oñangarekógui Ñanderuete róga jojohuha rehe, Ñanderuete he’i haguéicha Moiséspe.

Números 8:19

Ha Che amoĩma umi Leviguápe Aaron ha ita’yrakuéra poguýpe omba’apo hag̃ua Israel ñemoñarenguéra rendaguépe pe óga jojohuhápe, ha’ekuéra omoingo porã jevy hag̃ua Israel ñemoñarenguéra pende Ruete ndive, ani hag̃ua ou mba’asy vai Israel ñemoñarenguérape, ha’ekuéra oñemboja ramo pe óga jojohuha rehe.

2 Timotéope 4:2

Emoherakuã Ñanderuete ñe’ẽ porãite, ija térã ija’ỹ jave, eporohekombo’e, eavisa, ha eñe’ẽ pohýi mborayhu, paciéncia ha tekombo’e porã reheve.

1 Samuel 6:19

Ha Ñanderuete ojuka umi kuimba’e Bet-semesguápe, oma’ẽ haguére ikarameg̃ua ryepýre; 50.000 hetãygua apytégui ojuka 70 kuimba’épe. Ha umi tavaygua ojahe’o Ñanderuete ojuka haguére hetápe.