Números 1:3

Ñanderuete Ñe’ẽ Porã 2015

Véinte áño ombotýva guive, mayma Israelgua ikatúva osẽ ñorãirõme, nde ha Aaron peipapáta isoldádo atykuéra rupi.

Referencias Cruzadas

2 Samuel 24:9

Ha Joab omombe’u Davídpe ojohu hague Israelguakuéra apytépe 800.000 kuimba’e imbaretéva ohekyikuaáva kyse puku, ha Judaygua apytépe 500.000 kuimba’e.

1 Crónicas 5:18

Ruben ha Gad ñemoñarenguéra, ha Manases tríbu mbytere, kuimba’e ipy’aguasúva oiporu porã hete mo’ãha ha ikyse puku, oipyso porã hikuái iguyrapa, ha ikatupyry hikuái ñorãirõme, oĩ 44.760 soldádo iporãva.

2 Crónicas 25:5

Upéi Amasías ombyaty Judayguakuérape, ha omohenda ichupekuéra hogaguasu rupi ha omoĩ hi’arikuéra mburuvicha 1.000 arigua ha 100 arigua ruvicha, opaite Juda ha Benjamingua ndive. Upéi ohai kuatia rehe umi téra ombotýmava guive 20 áño, ha ojejohu oĩha 300.000 kuimba’e jeporavopyréva osẽ hag̃uáicha ñorãirõme, oguerekóva yvyra puku akua ha soldádo retemo’ãha.

Éxodo 12:17

Pe ára péva pemboaretéta pan oñembovu’ỹva reheve, pe árape Che voi poguenohẽgui Egípto retãgui; upévare ko tembiapoukapy kóva pejapova’erã jepokuaaha ramo opaite árape pene ñemoñarenguéra ndive.

Éxodo 30:14

Opavave ojepapáva ha ombotýmava guive 20áño, ome’ẽva’erã ko me’ẽmby kóva pende Ruetépe g̃uarã.

Éxodo 38:26

Médio síclo (5,585 grámo), pe óga jojohuha pegua sícloicha, peteĩteĩ kuimba’e Israel pegua ome’ẽva’erã; ha umi kuimba’e ome’ẽva’ekue ime’ẽmby ombotýva guive 20 áño, ohupity 603.550.

Números 14:29

Opaite oñemoĩva cherehe ko desiértope omanóta avei ko desiértope, oimeraẽ oñe’ẽvaíva guive cherehe ha ombotýmava guive 20 áño oñeñotỹta ko desiérto kóvape.

Números 26:2

Peipapa mayma Israel ñemoñarenguérape, ombotýmava guive 20 áño hogaguasukuéra rupi, umi ikatúva osẽ ñorãirõrãme.

Números 3:15

Eipapa Levi ñemoñarenguérape hogaguasukuéra ha hogakuéra rupi; reipapáta mayma kuimba’épe ombotýmava guive peteĩ jasy.

Números 32:11

Umi kuimba’e osẽva’ekue Egíptogui ha ombotýmava guive 20 áño ndohechamo’ãi pe yvy Che ha’émava’ekue ame’ẽtaha ñe’ẽme’ẽ rupi Abraham, Isaac ha Jacóbope, ndaheko potĩrigui che renondépe.

Números 33:1

Ko yvy rupi Israel tribukuéra ohasa, osẽva’ekue guive Egípto retãgui isoldádo atykuéra ndive, opytáva Moises ha Aaron poguýpe.

Números 4:3

umi ombotýmava 30 áño guive 50 áño peve, mayma oikéva guive ijaty aty rupi (itúrnope) omba’apo hag̃ua hi’arakuérape pe óga jojohuhápe.

Deuteronómio 24:5

Pe omenda ramóva ndohoiva’erã ñorãirõrãme, ha mba’evetépe ndojejokuaiva’erã; sã’ỹme oikova’erã hógape peteĩ áño pukukue, ombovy’a hag̃ua hembirekópe.

Deuteronómio 3:18

Upéramo ha’eva’ekue peẽme: Jahve, Ñanderuete, ome’ẽ peẽme ko yvy pene mba’etee ramo ha peho joaiteva’erã mayma pene ñorãirõ rembiporu reheve pende pópe, pene pehẽngue Israel ñemoñarenguéra renonderãme.