Lúcas 9:51

Ñanderuete Ñe’ẽ Porã 2015

Ha og̃uahẽtama ramo pe ára Hesu ojupi jey hag̃ua Ñanderuete rekohápe, Ha’e oñembopy’apeteĩ oho hag̃ua Jerusalénpe omano hag̃ua.

Referencias Cruzadas

2 Réyes 2:11

Ha ojehu oñemongeta jave hikuái, péina ápe peteĩ cárro ha ikavajukuéra tata hendýva ou oipe’a Elíaspe, Eliséo resa renondégui; ha Elías ojehupi yvágape peteĩ yvytu jere atã reheve.

Márcos 16:19

Ha Hesu Crísto oñe’ẽmba rire ichupekuéra, ojehupi yvate ichupe, Ñanderuete rekohápe, ha oguapy Ñanderuete akatúa gotýo.

Lúcas 12:50

Che ajebautiza raẽva’erã peteĩ bautísmope, oĩ ningo umi chejopyetevahína opáguio rei, ha upévagui ajepy’ara’ã’aína.

Lúcas 13:22

Upéicha Hesu ohasa táva ha tava’ikuéra rupi oporombo’e hag̃ua, og̃uahẽ meve Jerusalénpe.

Lúcas 17:11

Ha ojehu ningo Hesu ohóvo Jerusalen gotýo, Ha’e ohasávo Samária ha Galiléa departaménto rembe’y rupi,

Lúcas 18:31

Upéi Hesu omoha’eño umi 12 hemimbo’ekuérape ha he’i: Péina ningo jaha Jerusalénpe, ojehupa hag̃ua opaite mba’e profetakuéra ohaimava’ekue Ñanderuete kuatiañe’ẽme yvyarigua Ra’y rehe.

Lúcas 19:11

Ha ohendu aja hikuái ko’ã mba’e oñemboja ohóvo Jerusalénre. Hetãyguakuéra oimo’ãmba katu ojehechaukapotaha Ñanderuete retãguasu, upévare Hesu omombe’u ichupekuéra ko ñe’ẽ mbojoja kóva, ha he’i:

Lúcas 19:28

Ha Hesu he’ipa rire ko’ã ñe’ẽ oho oguatávo Jerusalen gotýo.

Lúcas 24:51

Ha Hesu ohovasa aja ichupekuéra, Ha’e ojei ijapytégui, ha ojehupi yvágape.

Lúcas 9:57

Ha oho aja hikuái, peteĩ kuimba’e tapére oĩva, he’i Hesúpe: Che romoirũse mamo Nde rehohápe.

Juan 13:1

Pe páscua arete ára mboyvemi ningohína ha Hesu oikuaa og̃uahẽmaha hi’ára oho hag̃ua ko yvy árigui Ñanderuete rekohápe. Hesu ohayhuete haguéicha umi ojeroviaitévape ñepyrũ guive, peichaite Ha’e ohayhuetéta avei ichupekuéra ipaha peve.

Juan 16:28

Che voi asẽ Ñanderuetégui, aju hag̃ua ko yvy ári, ha aheja jevýta ko múndo kóva, aha hag̃ua che Ruete rendápe.

Juan 16:5

Ko’ág̃a katu ahátama pe chembouva’ekue rendápe, ha avave pende apytégui noporandúi chéve: Moõpa rehóta.

Juan 17:11

Che ningo ndapytamo’ãvéi ko yvy ári, ko’ãva katu opytatahína gueteri, Che katu aháta ne rendápe. Che Ruete nde reko potĩete rasa ha hekoitépe reñangareko umi Nde reme’ẽmava’ekue chéve rehe nde réra rehehápe, oiko hag̃ua peteĩ ñe’ẽme, ñande jaiko háicha.

Juan 6:62

Mba’éiko oikova’erã pehecha ramo yvyarigua Ra’y ojupi jevýrõ oĩ haguépe.

Apostolkuéra 1:2

ojehupi peve Ha’e yvágape. Hesu ojehupi mboyve omombe’uka pe evangélio ijapostolkuéra rupive, Ha’e oiporavova’ekue Pytu Porãmbáva rupi.

Apostolkuéra 1:9

Ha Hesu he’ipávo ko’ã ñe’ẽ kóva, ojehupi ichupe yvágape hemimbo’ekuéra resa renondégui ha peteĩ arai omo’ã ichupe ojupívo.

Efesoyguakuérape 1:20

Ñanderuete pu’akaguasu omba’apova’ekue Hesu Cristopype omoingove jevy hag̃ua ichupe omanova’ekue apytégui, ha upéi omboguapy avei ichupe yvágape Ñanderuete akatúape.

Filipoyguakuérape 3:14

Aguata ahávo ag̃uahẽ meve hu’ãme ha ahupity hag̃ua che rembiapo repy, Ñanderuete ome’ẽtava opavave umi Ha’e ohenoiva’ekuépe Hesu Crístope g̃uarã.

1 Timotéope 3:16

Añetehápe mba’e tuichaitereíva ko’ã mba’e ñemi (ojehechaukamava’ekue umi ojeroviávape Hesu Crísto rehe): Hesu Crísto ojehechaukava’ekue yvyarigua retépe, Ha’e oiko katu heko potĩva ramo ipytu porãme. Ha’e ojehechaukava’ekue yvága rembiguaikuérape (angelkuérape), oñemyasãiva’ekue tetãnguéra apytépe, tetãyguakuéra ojerovia hese, ha upéi Ñanderuete ohupi Hesu Crístope heko jajaipa oĩháme.

hebreoyguakuerape 12:2

Ha ñama’ẽ Hesu rehe, Ha’e voi ñande jerovia apohare, hendive ñañepyrũ jajerovia ha hendive ñag̃uahẽ ñande jerovia ru’ãme. Hesu oha’ãrõ pe vy’a outavahína ichupe g̃uarã, upévare Ha’e ohasa asy ha omano ikurusúre otĩ’ỹre. Ha ko’ág̃a Ha’e oguapyhína Ñanderuete yke akatúape.

hebreoyguakuerape 6:20

Upépe Hesu Crísto oike yma, oiko hag̃ua tapia g̃uarã pa’iguasu ramo, Melquisedec reko reheguáva ramo ombosako’i hag̃ua pe tape ñande jaike hag̃ua avei.

1 Pédro 3:22

Ko’ág̃a Hesu Crísto oguapy yvágape Ñanderuete yke akatúape, Ha’e ombopoguy rire umi yvága rembiguái vaípe, huvichakuérape ha umi pu’aka oñemoĩmava’ekue hese.