Lúcas 9:5

Ñanderuete Ñe’ẽ Porã 2015

Ha oimérõ penemog̃uahẽ’ỹva, pesẽ upe távagui ha peityvyro pe yvy timbo pende py rehegua jepe, techaukaha ramo oñemoĩ haguére penderehe.

Referencias Cruzadas

Nehemías 5:13

Upéi che aityvyro che ao, ha ha’e ichupekuéra: Péicha Ñanderuete toityvyro hógagui ha imba’apohágui opaite kuimba’ekuéra ko’ã mba’e ndojaposéivape, ha péicha tojetyvyro ichupe ha tainandi ha’e. Ha opavave ijatýva guive ombohovái: Taupéicha, ha omomba’eguasuete hikuái Ñanderuetépe. Ha opaite tetãyguakuéra ojapopa hekópe he’i hagueichaite.

Matéo 10:18

Ha pendegueraháta tetã sãmbyhyharakuéra ha tetã ruvichakuéra renondépe, tembiechauka ramo ichupekuéra ha tetã ambueyguakuérape g̃uarã avei.

Márcos 6:11

Ha upe tava’igua ndoipotái ramo peike ha napenerenduséi ramo, pesẽ upégui, peityvyro pe yvy timbo pende pýgui, opyta hag̃ua techahare ramo oñemoĩ haguére penderehe.

Márcos 9:37

Oimeraẽ omog̃uahẽva koichagua mitãme che rérape, chéve chemog̃uahẽ ha pe chéve chemog̃uahẽva, nachemog̃uahẽi chéve año, pe chembouva’ekuépe avei.

Lúcas 10:16

Oimeraẽ penerendúva guive, cherendu chéve avei, ha oimeraẽ penemboykéva, chemboyke chéve avei, ha oimeraẽ chemboykéva omboyke avei pe chembouva’ekuépe.

Lúcas 5:14

Hesu he’i ichupe: Ani remombe’u pe ojehúva ndéve, tereho uvei pa’i rendápe ejehechauka hag̃ua ha eikuave’ẽ umi mba’e Moises he’iukava’ekue techaukaha rupi, (Levítico 13,49; ha Levítico 14,10).

Lúcas 9:4

Ha oimeraẽva óga peg̃uahẽháme ha peikérõ, pepytami, pesẽ jevy peve upégui.

Lúcas 9:48

ha he’i ichupekuéra: Oimeraẽva omog̃uahẽva ko mitã kóvape che rérape, chéve chemog̃uahẽ. Ha upe chemog̃uahẽva hekovépe, omog̃uahẽ pe chembouva’ekuépe. Upe michĩvéva pende apytépe, upéva ningo pe tuichavéva.

Apostolkuéra 13:51

Páblo ha Bernabe katu oityvyro pe yvy timbo ipy reheguáre ha upéi oho pe táva Icóniope.

Apostolkuéra 18:6

Judayguakuéra oñemoĩgui hese ha oñe’ẽvaígui Hesu Crísto rehe, Páblo oityvyro ijao ha he’i ichupekuéra: Pende ruguy to’a pene akã ári. Che chepotĩ, águi rire aháta tetã ambueyguakuéra rendápe.