Lúcas 9:41

Ñanderuete Ñe’ẽ Porã 2015

Hesu ombohovái ha he’i: Peẽ ñemoñare ñaña ha jerovia’ỹva. Araka’e pevépa Che apytáta penendive ha pogueropu’akáta. Eru katu nde ra’ýpe.

Referencias Cruzadas

2 Réyes 5:8

Ha Eliséo, Ñanderuete rembiguái, ohendúvo pe Israel retã ruvicha omondoro hague ijao, he’iuka tetã ruvichápe: Mba’érehepa remondoróra’e nde ao. Tou ha’e che rendápe, ha’e oikuaa hag̃ua Israélpe oĩha Ñanderuete proféta.

Salmokuéra 78:8

Ani oiko hikuái ituvakuéraicha, peteĩ tetã oñembopy’a hatãva ha oikóva iñakã he’i háicha rei reheve, peteĩ tetã ndojeroviaséiva ha noñemoambueséiva Ñanderuete oipota háicha.

Éxodo 10:3

Upéramo Moises ha Aaron oho faraon rendápe, ha he’i ichupe: Jahve, Israelguakuéra Jára, péicha he’i: Araka’e pevépa nereñemomirĩsemo’ãi che renondépe. Eheja che retãyguakuérape toho chemomba’eguasu hag̃ua.

Éxodo 16:28

Ha Ñanderuete he’i Moiséspe: Araka’e pevépa ndapejapomo’ãi che rembiapoukapy ha che rekombo’ekuéra.

Jeremías 4:14

Nde py’apýgui ejohéi ne mba’e ky’a, nde Jerusalen, resẽ jevy hag̃ua nde jehasa asýgui. Araka’e pevépa rejepy’amongetáta ivaíva rehe.

Números 14:11

Ha Ñanderuete he’i Moiséspe: Araka’e pevépa ko’ã tetãygua chembopochýta. Araka’e pevépa ndojeroviamo’ãi cherehe, jepevémo ajapo umi milágro ijapytepekuéra.

Números 14:27

Araka’e pevépa ahendúne ko tetã ñaña oñe’ẽvaíva cherehe, ahendupa voi iñe’ẽvai he’imava’ekue cherehe.

Matéo 11:28

Peju che rendápe opaite peẽ peñeha’ãmbáva pehupity hag̃ua pe tekove tapia g̃uarãva, ha ani peẽ voi peñeha’ã reive pepoi hag̃ua pene angaipa cárga pendejopývagui. Chémante ikatu pomombytu’u porã.

Matéo 12:39

Ha Hesu he’i ichupekuéra: Peẽ ñemoñare ñaña ha peguata okárava piko pehechase techaukaha, mba’eveichagua techaukaha noñeme’ẽmo’ãi peẽme, pe proféta Jonas rehegua techaukahámante.

Matéo 12:45

Upérõ oho ha ogueruve hendive ambue 7 mba’epochy iñañavéva ichugui, ha oike ha opyta oiko hag̃ua hikuái ipype; ha pe kuimba’e reko ou iñañave iñepyrũmbyguarégui. Upéicha ojehúta avei ko’ã ñemoñare ñaña vaiete apytépe.

Matéo 16:4

Ko’ã ñemoñare ñaña ha ipy’a mokõiva ojerure tembiapo techapyrãva, mba’eveichagua tembiapo techapyrãva noñeme’ẽmo’ãi ichupekuéra, pe Jonas rehegua techaukahámante. Upérõ Hesu oheja ichupekuéra ha oho.

Matéo 17:17

Hesu ombohováivo he’i ichupe: E’a, peẽ ningo ñemoñare ojerovia’ỹva ha heko vaíva. Araka’e peve piko aropu’akava’erã.

Matéo 23:36

Añetehápe Che ha’e peẽme, ko’ã mba’e ko’ãva oupava’erã ko’ã ñemoñarenguéra ári.

Matéo 3:7

Ha Juan ohechávo ouha heta fariséo ha saducéo ha’e obautizahápe, he’i ichupekuéra: Peẽ, mbói ñemoñare, mávapa penembo’e pekañýne hag̃ua pe pochyguasu oútavagui.

Márcos 10:14

Hesu katu ohechávo péva ipochy ha he’i ichupekuéra. Peheja mitãkuéra tou che rendápe, ani pejoko ichupekuéra, peichagua oikeva’erã Ñanderuete retãguasúpe.

Márcos 10:49

ha Hesu opyta ha he’i: Pehenói ichupe. Ohenói hikuái pe hesatũvape ha he’i ichupe: Ndepy’a rorýke, epu’ã eju, Ha’e ningo nerenói.

Márcos 9:19

Ha Hesu oñe’ẽ ichupekuéra ha he’i: Peẽ ningo tetãyguakuéra ojerovia’ỹva. Araka’e peve piko aĩta penendive. Araka’e peve piko pogueropu’akáta, pegueru ichupe ko’ápe.

Lúcas 8:25

Upérõ Hesu he’i ichupekuéra: Moõ piko oime pende jerovia. Ha’ekuéra ohecharamoitévo, he’i ojupe: Máva piko Ha’e, pe yvytu ha y pochy jepe iñe’ẽrendu ha ojapóva iñe’ẽ (hembipota).

Lúcas 9:40

Ha ajerurékuri ne remimbo’ekuérape omosẽ hag̃ua pe mba’epochýpe, ha’ekuéra katu ndaipu’akái hese.

Lúcas 9:42

Ha pe mitãkuimba’e oñembojávo Hesu rendápe, pe mba’epochy oity ichupe yvýre ha oityvyro ichupe, Hesu katu okorói pe mba’epochýpe ha omosẽ ichupe, ha pe mitãkuimba’e okuera opytávo.

Juan 14:9

Hesu katu ombohovái ichupe: Heta árama aiko pende apytépe, ha ne’ĩra piko nde Felípe chekuaa. Upe cherecháva ningo ohecha avei che Ruetépe. Mba’éicharupi piko nde ere ehechaukána oréve nde Ruetépe.

Juan 20:27

Ha upéi he’i Tomáspe: Emoinge ne kuã che clávo kuarépe, ha ema’ẽ porã che póre, ha emoinge avei nde po che yképe. Ha anive ndepy’amokõi, erovia uvei.

Apostolkuéra 13:18

ha 40 áño pukukue oñangareko hesekuéra desiértope heta paciéncia ha mborayhu reheve.

Apostolkuéra 2:40

Ha heta ambue ñe’ẽ rupi Pédro omyasãi Hesu Crísto evangélio, ha oikuaauka ichupekuéra he’ívo: Peheja Ñanderuete tapendesalva ko’ã tekove vai ko’ãvagui.

Romayguakuérape 2:4

Térãpa reimo’ã ikatuha remboyke reínte Ñanderuete mborayhu tuicháva, ipaciéncia ha ipy’aporã. Eikuaa porã katu, ipaciéncia ha ipy’aporã rupi Ha’e oipota nde rejevy hendápe.

Deuteronómio 32:5

Hetã Israel katu oñemoĩ hese ha oñemongy’apa, iñemoñarenguéra oñemohembiapo vaipa.

hebreoyguakuerape 3:19

Ha upéicha jahecha ha’ekuéra ndaikatúi hague oike Ñanderuete pytu’úpe ndojeroviáigui hikuái hese.

hebreoyguakuerape 4:11

Ñañeha’ãke upéicharamo jaike hag̃ua Ñanderuete pytu’uha rendápe, anítei avave ho’a, ho’a haguéicha umi naiñe’ẽrenduiva’ekue.

hebreoyguakuerape 4:2

Ñandéve oñemombe’u avei pe salvacion rape ichupekuéraicha. Ha’ekuéra naiñe’ẽrendúigui ha ndojeroviáigui pe promésa opyta reipa ichupekuéra g̃uarã.

hebreoyguakuerape 7:25

Upévare Ha’e ikatu osalva avei tapia g̃uarã umi og̃uahẽvape, Ha’érupi, Ñanderuete rendápe. Hesu Crísto oikovégui tapia g̃uarã, ha’e oñembo’e iñermanokuéra rehe Ñanderuetépe.