Lúcas 9:32

Ñanderuete Ñe’ẽ Porã 2015

Pédro ha iñirũnguéra katu hopehyieterei, ha opayetévo ohecha hikuái avei Moises ha Elíaspe imimbikue reheve.

Referencias Cruzadas

Isaías 60:19

Araka’evéma nereikotevẽmo’ãvéi kuarahy rehe omyesakã hag̃ua nde ára pukukue, ni jasy nanderesapemo’ãvéita, pende Ruete voi oikóta nde resapehára ramo opaite ára peve, ha nde Jára reko jajaipa oĩta nendive.

Daniel 10:9

Ha ahendu peteĩ ñe’ẽ ryapu, ha ahendúvo pe ñe’ẽ ryapu ha’a yvýre ovypývo, peteĩ omanóvaicha; ha ovapývo apyta.

Daniel 8:18

Ha’e oñe’ẽ jave chéve, ha’a ovapývo yvýre peteĩ omanóvaicha, ha’e katu opoko cherehe ha chemoñembo’y jevy.

Márcos 14:40

Ha ou jeývo ohecha okepa jey hikuái, hopehyietereígui, ha ndoikuaái hikuái mba’épa ombohováita ichupe.

Juan 1:14

Ha pe Ñe’ẽ oñemboho’o ha oikóma ñande apytépe kuimba’e ramo, ha ore rohecha heko jajaipa, Ñanderuete Ra’y peteĩetéva reko jajaipa, henyhẽva jeporiahuvereko (mborayhu) ha añeteguágui.

Juan 17:24

Che Ruete, umi Nde reme’ẽva’ekue chéve aipota oĩ hag̃ua hikuái avei Che aĩháme, ohecha hag̃ua hikuái che reko jajaipa Nde reme’ẽmava’ekue chéve, ha Nde cherayhu voiva’ekue ojejapo mboyve ko múndo ha yvagakuéra.

2 Pédro 1:16

Ore roikuaauka peẽme Hesu Crísto pu’aka ha ijeju jevy ndaha’éi ñe’ẽ gua’u rei, ore ningo hechaharete voi, ha rohecha ore resatee rupi heko jajái pu’aka.

1 Juan 3:2

Che rayhuparakuéra, ko’ág̃a jaikóma ita’ýra ha itajýra ramo, ndojehechaukáigui gueteri upe oikótava ñandehegui. Jaikuaa ningo upe ára Ha’e ojehechaukatahápe ñandéve, ñande jajoguataha ichupe, ha jahecháta Ha’e oĩ haichaite.