Lúcas 9:26

Ñanderuete Ñe’ẽ Porã 2015

Upe oguerotĩva che réra térã che ñe’ẽ, pe yvyarigua Ra’y oguerotĩva’erã avei ichupe, ou vove Ñanderuete reko jajaipápe, Hesu jajaipa hi’angelkuéra heko porãva ndive.

Referencias Cruzadas

Isaías 53:3

Hetãygua otĩ ichugui ha oñemomombyry ichugui. Ha’e ningo peteĩ kuimba’e ohasa asyetéva ha oikóva jepy’apýpe; hetãyguakuéra oñomi hova ichugui, upévare avave noma’ẽséi hese ha ñande ñañemboyke avei ichugui.

Daniel 7:10

Peteĩ ysyry tataguiguáva osẽ henondégui; heta millónes oservi ichupe; ha heta 100 millónes oñembo’y henondépe, ha oguapy rire umi oporombojovakéva avei ojepe’a umi kuatiañe’ẽ.

Matéo 16:27

Yvyarigua Ra’y ningo ouva’erã Itúva reko jajaipápe hi’angelkuéra ndive, ha upépe ohepyme’ẽta peteĩteĩvape hembiapokue repy.

Matéo 25:31

Pe yvyarigua Ra’y ou vove heko jajaipa reheve, ha yvága rembiguaikuéra hendive, upe árape Ha’e oguapýta iguapyha omimbipávape.

Matéo 26:64

Ha Hesu he’i ichupe: Añete, Che ha’e peẽme: Ko’ág̃a guive pehecháta yvyarigua Ra’y oguapy ramo Ñanderuete, pe Ipu’akapáva akatúa gotýo, ha ou jevýtava arai ári.

Márcos 8:38

Oimeraẽ yvyarigua ha angaipavóra otĩva cherehe ha che ñe’ẽ rehe, Ñanderuete Ra’y otĩva’erã avei hese, ouha árape Ñanderuete reko ojajaipáva reheve ha hi’angelkuéra heko potĩva ndive.

Juan 12:43

Ohayhuvégui pe ñemomba’eguasu oúva hapichakuéragui, Ñanderuete ñemomba’eguasúgui.

Juan 5:44

Mba’éicha piko ikatu pejerovia, peẽ voi peñembotuicha ramo oñondive, ha pe ñembotuicha oúva Ñanderuetégui ndapehekái.

Apostolkuéra 10:22

Ha ha’ekuéra he’i: Cornélio, peteĩ soldádo ruvicha, 100 soldádo ári, ore ruvicha, orembou ne rendápe, ha’e ningo peteĩ kuimba’e heko potĩva ha okyhyjéva Ñanderuetégui. Herakuã porãva opaite Judayguakuéra apytépe. Ñanderuete oñe’ẽ hendive peteĩ ángel rupi ha he’i nerenoiuka hag̃ua Cornélio rógape, ha’e ojapysaka hag̃ua ne ñe’ẽ rehe.

Romayguakuérape 1:16

Che natĩri amombe’u hag̃ua ko salvacion rape, oĩgui ipype Ñanderuete pu’aka osalva hag̃ua opaite ojeroviávape guive Hesu Crísto rehe, Judayguakuérape raẽ, upéi katu avei opaite ambue tetãyguakuérape.

2 Corintoyguakuérape 12:10

Upévare avy’a chekangykue rehe, jeja’ópe, temikotevẽme, jehasa asýpe, persecuciónpe, jejopy vaípe, ahasava’ekue Hesu Crísto rehehápe; péicha ningo ojehu, chekangy ramo, chembarete.

Galaciayguakuérape 6:14

Mba’evéicharamo ndaijái che ajererovu hag̃ua, Hesu Crísto kurusúrente uvei. Ha’érupi che amanóma ko yvy rekópe g̃uarã, ha ko yvy reko omanóma avei chéve g̃uarã.

1 Timotéope 5:21

Ajerure asy ndéve Ñanderuete, Hesu Crísto ha umi yvága rembiguái poravopyre renondépe rejapo hag̃ua ko’ã mba’e hekópe, reñemboyke’ỹre térã rehayhuve’ỹre avavépe.

2 Timotéope 1:12

Ko’ã mba’e rehe voi che ahasa asy’aína. Natĩri katu, aikuaa porãgui mávarehepa che ajerovia ha che aikuaa porã avei Hesu Crísto pu’aka rupi ahupitytaha pe tekove tapia g̃uarãva Ha’e ou jevýrõ g̃uarã ára.

2 Timotéope 2:12

jahasa asy ramo ñaína hesehápe, ñande ñaisãmbyhyva’erã avei hendive; ñande ñambotovérõ (ñanegárõ) ichupe, Ha’e avei ñanembotoveva’erã.

hebreoyguakuerape 11:26

Moises ohechakuaa Hesu Crísto jehasa asy iporãveha ichupe g̃uarã Egípto mba’erepýgui, ha’e oikuaa porãgui Ñanderuete omyengoviapataha ichupe.

hebreoyguakuerape 13:13

Upéicharamo ñasẽ Hesu Crísto rendápe, pe tavaguasu okárape, jahasa asy hag̃ua hendive,

Júdas 1:14

Enoc, pe ñemoñare 7-ha (7 generaciónes) Adan guive oprofetizava’ekue hesekuéra he’ívo: Pema’ẽ porã, Ñandejára ouva’erã katuete heta 10.000-kuéra heko potĩva apytépe,

Apocalípsis 1:7

Peikuaa porãke Hesu Crísto ou jeyva’erã arai reheve, ha opaite umi oikutuva’ekue ichupe ohecha jevyva’erã ichupe ha opaite tetã yvy arigua ojahe’o soróta ohecha vove ichupe. Taupéicha.

Apocalípsis 20:11

Ha che, Juan, ahecha pe guapyhaguasu morotĩ ha pe oguapýva hi’ári, ha hovakégui okañy pe yvy ha pe ára, ha ndojejohuvéima mamove.

Apocalípsis 21:8

Umi ipy’amirĩva, umi opiáva pende Ruete rapégui, umi heko ky’áva, umi oporojukáva, umi oikóva oñondive omenda’ỹre (heko ky’áva), umi paje apoha, umi omomba’eguasúva ambue jára ra’ãngápe ha opaite ijapúvape oñemombova’erã upe lágo tataguiguápe, hendyhápe avei azúfre, kóva ningo pe ñemano mokõiha.

Apocalípsis 3:5

Upe ombopoguýva mba’evai oñemondéta ao morotĩme; ha ndaipe’amo’ãi héra pe tekovete rehegua kuatiañe’ẽgui, amombe’uva’erã uvei héra che Ruete ha ijyvága rembiguaikuéra renondépe.