Lúcas 9:23

Ñanderuete Ñe’ẽ Porã 2015

Ha Hesu he’i opavavépe: Oimérõ ouséva che rapykuéri, toñembyesarái heko yvy ariguágui, tohupi ikurusu ijapére meme ára ha tachesegui.

Referencias Cruzadas

Romayguakuérape 8:13

upe oikovéva ipy’apy rembipota vai poguýpe, katuete omanova’erã. Peẽ pejuka ramo pende py’apy ha pende rete rembiapo vai, Pytu Porãmbáva pu’aka rupi katuete peikoveva’erã.

Colosayguakuérape 3:5

Upévare, pejukákena pende rete rembipota vai, ojejokosévante ko yvy arigua mba’e rehe, ha anítei peiko oñondive pemenda’ỹre, pejuka pende reko raku ha pene remiandu vai ha’enteséva, péva ningo jára gua’u ñemomba’eguasu.

2 Timotéope 3:12

Opaite ojeroviáva guive Hesu Crísto rehe ningo ojeperseguiva’erã.

Títope 2:12

Imborayhu ñanerekombo’e japoi hag̃ua ñande rete rembipota vaígui ha avei ko yvyarigua rembipota vaígui, jaiko hag̃ua akãguapýpe, justíciape ha ñemomirĩme ko ára atyguasu kóvape.

hebreoyguakuerape 13:13

Upéicharamo ñasẽ Hesu Crísto rendápe, pe tavaguasu okárape, jahasa asy hag̃ua hendive,