Lúcas 9:22

Ñanderuete Ñe’ẽ Porã 2015

Uperire Hesu he’i: Yvyarigua Ra’y ningo ohasa asyva’erã gueteri, ha pa’iguasukuéra ha Juda karai ancianokuéra ha kuatia haiharakuéra omboykeva’erã ichupe, ha ojejukava’erã ha mbohapy ára haguépe oñemoingove jevyva’erã ichupe omanomava’ekue apytégui.

Referencias Cruzadas

Genesis 3:15

Ha oikóta ñorãirõme kuña ha iñemoñare ha ne ñemoñare apytépe; ha’ekuéra omongu’íta ne akã ha nde reisu’úta ichupekuéra ipytápe.

Daniel 9:26

Ha umi 62 áño semána rire, ojepe’áta pe Mburuvichaguasu rekove, noñemo’angaipái ramojepe; ha peteĩ mburuvicha hetãyguakuéra reheve oúta ombyai hag̃ua Jerusalen ha Ñanderuete rogaguasu; ha hi’ára paha og̃uahẽ pya’ete ku y oñu’ãmbávaicha, ha upe ñorãirõguasu opa peve oñembotaperepáta, opaite mba’e oje’e haguéicha katuete oikóta.

Zacarías 13:7

Nde kyse puku reheve eñemoĩ che rerekua ha che irũ rehe, he’i ángel atykuéra Jára. Eikutu che rerekuápe ijovechakuéra oñemosarambi hag̃ua, ha upéi amopu’ãta che po umi mburuvicha michĩva rehe.

Matéo 17:12

Che katu ha’e peẽme Elías oúma hague ha ndoikuaái ichupe hikuái, ha ojapókuri hese opaite mba’e ojaposéva guive. Ha upéicha avei pe yvyarigua Ra’y ohasa asyva’erã ipopekuéra.

Matéo 17:22

Oiko aja hikuái Galiléa departaméntope, Hesu he’i ichupekuéra: Pe yvyarigua Ra’y ningo oĩma oñeme’ẽ hag̃uáicha tetãyguakuéra pópe,

Matéo 27:63

Ha he’i ichupe hikuái: Karai, oremandu’a ningo, pe oporombotavýva oikove ramoguare gueteri he’i hague: Mbohapy ára rire aikove jevýta.

Márcos 8:31

Ha Hesu oñepyrũ ombo’e ichupekuéra pe yvyarigua Ra’y (Hesu Crísto) ohasa asyva’erãha, umi karai anciáno (sanedrín) ombohasa asytaha ichupe; pa’i ruvichakuéra ha kuatia haihára ojukaukataha ichupe, ha mbohapy ára rire oikove jevyva’erãha.

Márcos 9:31

Ombo’e haguére hikóni hemimbo’ekuérape he’ívo ichupekuéra: Ñanderuete Ra’y ningo ho’áta kuimba’ekuéra pópe ha ojukáta hikuái ichupe; mbohapy ára omano rire katu oikove jevýta.

Lúcas 17:25

Ha’e ohasa asyete raẽva’erã ha hetãyguakuéra omboykéta ichupe.

Lúcas 24:26

Pe Crísto ningo ohasa asy raẽva’erã voínte kuri opaite ko’ã mba’e ha uperire ae oike hag̃ua heko ojajaipápe.

Lúcas 24:44

Ha Hesu he’i ichupekuéra: Ko’ãva ningo umi ñe’ẽ Che ha’eva’ekue peẽme, aime ramo gueteri penendive, oikopava’erã hekópe opaite umi mba’e ojehaiva’ekue guive cherehe Ñanderuete kuatiañe’ẽme, taha’e Moises rembiapoukapykuérape, profetakuérape térã Salmokuérape.

Lúcas 24:7

ha’e he’ími: Pe yvyarigua Ra’y ho’ava’erã kuimba’e ñaña pópe, ha omosãingóta hikuái ichupe kurusúre, ha mbohapy ára rire Ha’e oikove jevýta.

Lúcas 9:44

Pejapysaka porãke ko ñe’ẽ kóva rehe: Pe yvyarigua Ra’y ningo oñeme’ẽta tetãyguakuéra pópe.

1 Corintoyguakuérape 15:4

ha oñeñotỹ hague ichupe, Ñanderuete katu omoingove jevy hague ichupe ára mbohapyhápe, (Salmokuéra 16,10).

1 Pédro 1:11

Ha’ekuéra ohekámi oikuaa hag̃ua araka’épa ha mba’eichagua árapepa upe salvacion oikóta, Hesu Crísto Pytu Porãite, oĩva ipypekuéra he’iva’ekue ichupekuéra: Ha’e ohasa asy raẽtaha ha uperirémante Ha’e og̃uahẽtaha teko jajaipápe.