Lúcas 9:11

Ñanderuete Ñe’ẽ Porã 2015

Ha hetãyguakuéra oikuaávo péva oho hapykuéri. Ha og̃uahẽvo hendápe, Hesu oñe’ẽ ichupekuéra Ñanderuete retãguasu rehe, ha omonguera umi hasývape.

Referencias Cruzadas

Isaías 61:1

Ñanderuete, pe Jaraite Pytu Porãitéva oĩ cheári, Ha’e cheporavo; Ha’e chemondo ambohasa hag̃ua iñe’ẽ porãva umi ohasa asývape, ha ambopy’aguapy hag̃ua umi ojepy’apývape, amombe’u hag̃ua umi oñeñapytĩvape ojejorapataha, ha ojepe’apataha cárcel rokẽnguéra;

Matéo 12:15

Ha Hesu katu oikuaávo upéva, oho upégui. Ha heta tapichakuéra oho hapykuéri, Ha’e omonguera opaite hasývape.

Matéo 14:14

Ha Hesu oguejývo pe bárcogui ohecha hetãyguakuéra oñembyatyvahína, ha oiporiahuverekoite ichupekuéra ha omonguera umi hasývape.

Matéo 21:31

Mavaitépa ko’ã mokõivévagui ojapo itúva rembipota. Ha he’i hikuái: Pe tenondeguáva. Ha Hesu he’i ichupekuéra: Añetehápe ha’e peẽme umi impuésto mbyatyhára ha kuña heko vaíva ningo itenondeve pendehegui Ñanderuete retãguasúpe.

Matéo 21:43

Upévare Che ha’e peẽme: Ñanderuete retãguasu ningo ojepe’áta pendehegui, ha oñeme’ẽta peteĩ tetã ombohi’ava’erãvape.

Lúcas 1:53

Umi iñembyahýivape Ha’e omyenyhẽ mba’eporãgui, ha umi heta mba’e oguerekóvape katu Ha’e omosẽ po nandi reheve.

Lúcas 5:31

Hesu katu ombohovái ichupekuéra he’ívo: Hesãiva noikotevẽi pohãnohára rehe, hasývante.

Lúcas 8:1

Uperire Hesu oguata 12 hemimbo’e ndive opaite táva ha tava’i rupi omombe’úvo Ñanderuete retãguasu evangélio (marandu porã).

Lúcas 8:10

Ha Hesu ombohovái ichupekuéra: Peẽme ija peikuaa hag̃ua Ñanderuete retã ñemimby, ambuekuérape katu añe’ẽ ñe’ẽ mbojoja rupímante, umi ohecháva ohecha’ỹ hag̃ua, ha umi ohendúva, oentende’ỹ hag̃ua (hesakã’ỹ hag̃ua) ichupe.

Lúcas 9:10

Ha Hesu remimbo’ekuéra ou jey rire omombe’u hikuái opaite mba’e ojapova’ekue. Ha Hesu oñemoha’eño hendivekuéra pe táva Betsáida ypýpe.

Lúcas 9:12

Ha umi 12 hemimbo’e oñemboja Hesu rendápe ha he’i ichupe: Ka’aru pytũma, upévare emondóna tetãyguakuérape oho tava’ikuérape ha umi óga oĩva guive ñande jerekuévo ojohu hag̃ua hembi’urã, ñaime ningo ñaína desiértope.

Lúcas 9:2

Ha omondo ichupekuéra omombe’u hag̃ua Ñanderuete retãguasu og̃uahẽmaha, ha omonguera hag̃ua hasývape,

Juan 4:34

Hesu katu he’i ichupekuéra: Che rembi’u ningo ajapova’erãha pe chembouva’ekue rembipota ha ajapopava’erã hembiaporã.

Juan 6:37

Opaite umi che Ruete ome’ẽva chéve oúta che rendápe, ha upe oúva che rendápe mba’evéicharamo namosẽmo’ãi okápe.

Apostolkuéra 28:31

Ha Páblo py’aguasúpe ha ojejoko’ỹre ichupe omombe’u ichupekuéra Ñanderuete retãguasu ha Hesu Crísto evangélio oporosalváva.

Romayguakuérape 10:14

Mba’éicha piko ohenóita ichupe, ndoikuaái ramo ichupe, ha mba’éicha piko ojeroviáta hese nohendúi ramo Ha’e oikoha; ha mba’éicha piko iñe’ẽrendúta, avave nomombe’úi ramo ichupekuéra Hesu Crísto oikoha.

Romayguakuérape 10:17

Pe jerovia onace pe evangéliogui, ha pe evangélio ou Hesu Crísto ñe’ẽgui, (Isaías 53).

Romayguakuérape 15:3

Ni Hesu Crísto ndojapoiva’ekue ichupe g̃uarã añónte iporãva, upéva rãngue ojehai avei: Umi jeja’o rei oje’éva nderehe, ho’apa cheári, (Crísto ári) (Salmokuéra 69,9).

2 Timotéope 4:2

Emoherakuã Ñanderuete ñe’ẽ porãite, ija térã ija’ỹ jave, eporohekombo’e, eavisa, ha eñe’ẽ pohýi mborayhu, paciéncia ha tekombo’e porã reheve.

hebreoyguakuerape 4:16

upévare ñag̃uahẽ jeroviapópe iguapyhaguasúpe, jahupity hag̃ua iporiahuvereko ha jajohu hag̃ua ipy’aporã, Ha’e ñanepytyvõ hag̃ua ñaikotevẽha árape.