Lúcas 9:1

Ñanderuete Ñe’ẽ Porã 2015

Upéi Hesu ohenói umi 12 hemimbo’ekuérape ha ome’ẽ ichupekuéra pu’aka omosẽ hag̃ua mba’epochykuérape ha omonguera hag̃ua hasývape.

Referencias Cruzadas

Matéo 16:19

Ha ame’ẽta ndéve pe yvága rokẽ lláve ha reñapytĩva guive ko yvy ári, oñeñapytĩta avei yvágape; ha rejoráva yvy ape ári, ojejorava’erã yvágape.

Matéo 4:24

Herakuã porã oñemosarambi avei opaite Síria retãme, ha ojegueru opaichagua hasýva hendápe, opaichagua mba’asy ha angekõi vaípe oikóva guive, umi oguerekóva mba’epochy ipype, umi itarováva ha umi ndoguatáiva, ha Hesu omonguerapa umívape.

Matéo 8:9

Che ningo kuimba’e aikóva mburuvicha poguýpe, ha aguereko avei umi soldádo che poguýpe; ha ha’e ramo peteĩme: Tereho, ha’e ohóta; ha ha’e ramo ambuépe: Eju, ha’e oúta; ha che ha’e ramo che rembiguáipe ejapo kóva, ha’e ojapóta.

Lúcas 10:1

Ko’ã mba’e rire Hesu omondo ambue 72 hemimbo’épe mokõi mokõime omyasãi hag̃ua iñe’ẽ umi táva Ha’e ohotahápe,

Lúcas 10:19

Peikuaa porãke, Che pombopu’akáta pepyrũ hag̃ua mbói ha alacran rehe, ha pendepu’aka hag̃ua Satana rehe, ha’e katu ndaikatúi ojapo mba’eve ivaíva penderehe.

Juan 14:12

Añetehápe, añetehápe, Che ha’e peẽme: Pe ojeroviáva cherehe, ojapova’erã avei umi tembiapo Che ajapóva, ha tembiapo tuichavéva ko’ãvagui ojapova’erã, Che ahátagui che Ruete rendápe.

Apostolkuéra 1:8

Opáichavo oñeme’ẽta peẽme pu’aka, ou vove pende’ári pe Pytu Porãmbáva, ha peẽ peikóta che rechaharekuéra ramo Jerusalénpe, opaite Juda departaméntope, Samáriape ha yvy rugua pahaite peve.

Apostolkuéra 3:16

Ha ore rojeroviaroína ko Hesu Crísto rehe, Ha’e ningo omonguera ko ikarẽvape, peẽ peikuaáva pende resa renondépe, ndaoréi.

Apostolkuéra 4:30

Nde pu’aka rupi emonguera hasývape, ha ehechauka milágro ha techaukaha ne rembiguái heko porãva Hesu Crísto rupi.

Apostolkuéra 9:34

Ha Pédro he’i ichupe: Enéas, Hesu Crísto nemongueráma, epu’ã ha emyatyrõ nde rupa, ha upevove Enéas opu’ã.