Lúcas 8:22

Ñanderuete Ñe’ẽ Porã 2015

Umiha árape Hesu oike peteĩ canóape hemimbo’ekuéra ndive, ha he’i ichupekuéra: Jahasa yguasu mboypýri, ha oho hikuái.

Referencias Cruzadas

Matéo 14:22

Uperire Hesu ombojupi hemimbo’ekuérape peteĩ bárcope ohasa hag̃ua hikuái yguasu mboypýri, ha’e omondopa aja hetãyguakuérape.

Matéo 8:18

Ha Hesu ohechávo heta tetãygua ojerepáva hese, oñembohasauka yguasu mboypýri.

Márcos 5:21

Upérõ Hesu ohasa jevy rire y mboypýri bárcope, ou hendápe hetaite Israelgua, ha’e oĩ aja yguasu rembe’ýpe.

Márcos 6:45

Ha upéi Hesu ombopya’e hemimbo’ekuérape ojupi hag̃ua pe bárcope ohasa hag̃ua y mboypýri, Betsáidape, ha’e omondo aja umi oñembyatyva’ekuépe.

Márcos 8:13

Oheja ichupekuéra ha ojupi jevy pe canóape ha ohasa y mboypýri.

Lúcas 5:1

Ha ojehu ningo, Hesu oñembo’y jave hína pe yguasu Genesaret rembe’ýpe, hetãyguakuéra ojopypa ichupe ojapysaka porãségui Hesu Ñanderuete ñe’ẽ rehe.

Lúcas 8:23

Ha ohasa aja hikuái Hesu oke, ha ou sapy’a peteĩ yvytu vai oipeju hatãva pe yguasu ári, heta y oñepyrũ oike canoapýpe ha oñemondyipa hikuái ohóvo.

Lúcas 8:33

Ha umi pytu vai osẽvo pe kuimba’égui, oikepa umi kurepýpe, upémaramo umi kure odispara ha ojeitypa pe cérrogui yguasúpe ha ojahogapa hikuái.

Juan 6:1

Ko’ã mba’e rire, Hesu ohasa Galiléa yguasu mboypýri, hérava avei Tibérias yguasu.

Apostolkuéra 27:2

Upérõ ore roike peteĩ barcoguasu Adramit peguápe, roho hag̃ua tetã Ásia rembe’y puertokuéra rupi Róma gotýo. Orendive oĩ avei Aristárco, peteĩ Tesalonicaygua, Macedónia departaménto pegua.