Lúcas 8:10

Ñanderuete Ñe’ẽ Porã 2015

Ha Hesu ombohovái ichupekuéra: Peẽme ija peikuaa hag̃ua Ñanderuete retã ñemimby, ambuekuérape katu añe’ẽ ñe’ẽ mbojoja rupímante, umi ohecháva ohecha’ỹ hag̃ua, ha umi ohendúva, oentende’ỹ hag̃ua (hesakã’ỹ hag̃ua) ichupe.

Referencias Cruzadas

Salmokuéra 25:14

Ñanderuete ohayhuhína umi okyhyjévape ichugui ha umi mba’e ha’ekuéra oikuaa’ỹva Ha’e omoarandúta ichupekuéra omoirũ porã guive ichupe.

Isaías 29:14

Upévare Che ahechaukáta ko tetã kóvape tembiapo techapyrãva oporomongyhyjéva; opa rei hag̃ua umi iñarandúva arandu, ha ogue hag̃ua iñakã porãva.

Isaías 44:18

Umía ndoikuaái mba’eve ha ichupekuéra nahesakãi mba’eve; hesa oñemboty ani hag̃ua ohecha, ha ipy’apy oñemboty ani hag̃ua oikuaa porã mba’eve.

Isaías 6:9

Ha he’i: Tereho ha ere ko’ã tetãyguápe: Pehendu ramojepe, mba’eve ndapeikuaamo’ãi ha pehecha ramojepe ndapejeroviamo’ãi.

Jeremías 5:21

Pehendúke ko’ã mba’e, tetã itavy ha iñakã porã’ỹva, hesa mokõi ramojepe ndohechái, ijapysa mokõi ramojepe nohendúi.

Ezequiel 12:2

Kuimba’e ra’y, peteĩ tetã oñemoĩva cherehe apytépe nde reiko, ha hesa ramojepe ohecha hag̃ua, ndohechái; ha ijapysa ramojepe ohendu hag̃ua, nohendúi;

Matéo 11:25

Ha umi ára umívape Hesu he’i: Romomba’eguasuete ndéve, che Ruete, yvága ha yvy Jára, ko’ã mba’e reñomi haguére umi iñarandúvagui ha umi heta mba’ekuaaháragui, ha rehechaukágui umi tapicha ojejapo’ỹvape.

Matéo 16:17

Upévo Hesu ombohovái ha he’i ichupe: Revy’aite nde Simon, Jonas ra’y, ndaha’éigui to’o térã tuguy ohechauka ndéve ko mba’e kóva, Che Ru yvága pegua añónte uvei.

Márcos 4:11

Ha Hesu he’i ichupekuéra: Peẽ ningo ikatu peikuaa Ñanderuete retãguasu ñemimby, oka peguakuérape katu opaite mba’e oñehenduka ñe’ẽ mbojoja rupimante.

Márcos 4:12

Oma’ẽ ramojepe ani ohecha ni ohechakuaa, ha ojapysakárõ jepe ani ohendu ni oñemoambue, ani hag̃ua ojevy ha oñeperdona ichupekuéra.

Juan 12:40

Ñanderuete omohesatũ ichupekuéra, ha omohatã ipy’apykuéra, ani hag̃ua ohecha hesa rupi, ni oikuaa mba’evete ipy’apy rupi, ani hag̃ua ojevy hikuái Che amonguera hag̃ua ichupekuéra, (Isaías 6,9-10).

Romayguakuérape 16:25

Ñanderuete tapenemombarete ha tapenemokyre’ỹ Hesu Crísto evangélio rupi, che amoherakuãva pende apytépe Hesu Crísto rembipota rupi, Ha’érupi jaikuaa umi mba’e ñemi, ndojekuaaiva’ekue ambue ára atyguasukuérape,

1 Corintoyguakuérape 12:11

Opaite ko’ã mba’e pe Pytu Porãmbáva añónte ojapo, ha Ha’e ome’ẽ peteĩteĩme (ime’ẽmby) Ha’e voi oipota háicha.

Deuteronómio 29:4

Ko ára kóva peve Ñanderuete nome’ẽi gueteri peẽme akã arandu peikuaa hag̃ua, tesa pehecha hag̃ua ha apysa pehendu hag̃ua.

Colosayguakuérape 2:2

omoangapyhy hag̃ua ipy’apykuéra, oiko hag̃ua peteĩ ñe’ẽme Ñanderuete mborayhúpe ha oikuaa porãve hag̃ua ohóvo Ñanderuete mba’e ñemimby, ha’eha Hesu Crísto, ha henyhẽte hag̃ua Ñanderuete arandúgui.

1 Timotéope 3:16

Añetehápe mba’e tuichaitereíva ko’ã mba’e ñemi (ojehechaukamava’ekue umi ojeroviávape Hesu Crísto rehe): Hesu Crísto ojehechaukava’ekue yvyarigua retépe, Ha’e oiko katu heko potĩva ramo ipytu porãme. Ha’e ojehechaukava’ekue yvága rembiguaikuérape (angelkuérape), oñemyasãiva’ekue tetãnguéra apytépe, tetãyguakuéra ojerovia hese, ha upéi Ñanderuete ohupi Hesu Crístope heko jajaipa oĩháme.