Lúcas 8:1

Ñanderuete Ñe’ẽ Porã 2015

Uperire Hesu oguata 12 hemimbo’e ndive opaite táva ha tava’i rupi omombe’úvo Ñanderuete retãguasu evangélio (marandu porã).

Referencias Cruzadas

Matéo 11:1

Ha Hesu ohekombo’e rire umi 12 hemimbo’ekuérape oho upégui, oporombo’e ha oikuaauka hag̃ua avei ambue tavakuéra uperupiguápe.

Matéo 13:19

Oime ramo ohendúva pe yvága pegua tetãguasu rehegua ñe’ẽ ha nahesakãi ramo ichupe mba’épa he’ise, ou aña ha ogueraha pe oñeñotỹva’ekue ipy’apýpe. Pevahína pe mba’e ra’ỹi ho’áva tape ári.

Matéo 4:23

Ha Hesu oguata Galiléa departaménto tuichakue rupi, ombo’e hag̃ua Ñanderuete rogakuérape, omyasãi Ñanderuete evangélio (marandu porã) ha omonguera opaichagua hasývape ojeguerúva guive hendápe.

Matéo 9:35

Ha Hesu oguata ohóvo umi táva ha tava’ikuéra rupi, ombo’e Ñanderuete rogakuérape pe marandu porã (evangélio), ha omonguera opaichagua tetãygua hasývape,

Márcos 1:39

Ha Hesu oho Galiléa tuichakue javeve omyasãi hag̃ua pe evangélio Ñanderuete rogakuérare, ha omosẽ mba’epochyetápe.

Lúcas 1:80

Ha pe mitã okakuaa ha imbarete ohóvo ipytu porãme, ha oiko desiértope ojehechauka peve Israel retãyguakuérape.

Lúcas 20:1

Ha peteĩ ára Hesu ombo’e jave hetãyguakuérape Ñanderuete rogaguasúpe ha omombe’úvo pe evangélio, oñemboja hendápe pa’i ruvichakuéra, umi kuatia haihára ha karai ancianokuéra,

Lúcas 4:18

Ñanderuete Pytu Porãitéva oĩ cheári, cheporavomava’ekue chemonávo acéitepe amombe’u hag̃ua pe evangélio mboriahukuérape, ambopy’aguapy hag̃ua umi ojepy’apývape, ajora hag̃ua umi oñeñapytĩvape, ha aipe’a hag̃ua cárcel rokẽnguéra,

Lúcas 9:6

Ha upéicha osẽ hikuái oho hag̃ua tava’ikuéra rupi omombe’u hag̃ua pe evangélio (marandu porã) ha oporomonguera hag̃ua.

Apostolkuéra 10:38

Ha mba’éichapa Ñanderuete omyenyhẽ Hesu Crístope Pytu Porãmbávagui ha pu’akágui, omonguera hag̃ua hasývape ha omosẽ mba’epochykuérape, opaite ko’ã mba’e ojehu Ñanderuete oĩgui Hesu Crísto ndive.

Apostolkuéra 13:32

Ha ore ningo romombe’u peẽme Hesu Crísto evangélio oñeprometeva’ekue ñande ypykuérape,

Romayguakuérape 10:15

Ha mba’éicha piko ikatúta ojekuaauka Hesu Crístope ichupekuéra, noñemondói ramo avavépe hendapekuéra. Ojehaíma Ñanderuete kuatiañe’ẽme: Iporãite ningo umi py omyasãiva mba’e iporãva, (Isaías 52,7).