Lúcas 7:7

Ñanderuete Ñe’ẽ Porã 2015

Upévare ndaijái chéve, che voi aha hag̃ua ne rendápe, eremínte peteĩ ñe’ẽ ha che rembiguái okueráta katuete.

Referencias Cruzadas

Salmokuéra 107:20

Ombou iñe’ẽ ha omonguera ichupekuéra ha oguenohẽ ichupekuéra iñuhãgui.

Salmokuéra 33:9

Ñanderuete he’íva guive oiko, ha Ha’e ojaposéva guive ojapo avei katuete.

Éxodo 15:26

ha he’i: Pehendu porã ramo pende Ruete, pende Jára ñe’ẽ ha pejapopa ramo hekoitépe hesa renondépe, ha pejapysaka ramo hekombo’e rehe, ha pejapo ramo mayma hembiapoukapy, mba’eveichagua mba’asy ambouva’ekue Egiptoyguakuérape, namboumo’ãi peẽme; Che ha’égui pende Ruete, penemongueráva.

Márcos 1:27

Ha oñemondyipa hikuái ha oporandu ojupe: Mba’e piko kóva. Mbo’epy pyahu pu’aka reheve ombopoguy mba’epochýpe, ha ha’ekuéra iñe’ẽrendu ichupe.

Lúcas 4:36

Ha oñemondyipa hikuái, ha oñe’ẽ joa oñondive ha he’i: Mba’eichagua ñe’ẽ piko kóva, ko kuimba’e imbarete ha ipu’aka, ha mba’epochy jepe iñe’ẽrendu ichupe ha osẽmba hikuái.

Lúcas 5:13

Ha Hesu ipojái ha opoko hese he’ívo: Aipota, tanepotĩ ne mba’asy vaígui. Upevove ha’e okueraite imba’asygui.

Lúcas 7:6

Ha Hesu omoirũ ichupekuéra. Ha Hesu oñemoag̃uívo pe Romaygua rógagui, ha’e he’iuka Hesúpe iñirũnguéra rupi: Karaiguasu, ani reñemyangekõive, che ningo ndachereko potĩriva, nde reike hag̃ua che rogaguýpe.

Lúcas 7:8

Che ningo peteĩ kuimba’e aguerekóva che poguýpe soldadokuéra ha che ha’e ramo peteĩme: Tereho, ha’e oho, ha che ha’e ramo ambuépe: Eju, ha’e ou. Ha che ha’e ramo che rembiguáipe ejapo ko mba’e: Katuete ha’e ojapo.

Deuteronómio 32:39

Pehechakuaa Chenteha, ha ndaiporiha ambue Jára che ykére, Che aporojuka ha Che aporomoingove; Che aporombohasy ha Che aporomonguera avei; ha ndaipóri avave oporope’áva che pógui.

1 Samuel 2:6

Ñanderuete oporojuka ha Ha’e oporomoingove; Ha’e oporomboguejy omanóva retãme, ha oporogueru jevy.