Lúcas 7:40

Ñanderuete Ñe’ẽ Porã 2015

Upérõ Hesu he’i ichupe: Nde Simon, amombe’use ndéve peteĩ mba’e. Ha Simon ombohovái: Ere katu, mbo’ehára.

Referencias Cruzadas

1 Réyes 2:14

Upéi he’i: Peteĩ ñe’ẽmínte ha’ese ndéve. Ha Betsabe he’i: Ere katu.

Ezequiel 33:31

Ha oñombyatýta hikuái ne rendápe ku tetãygua atyguasúicha, ha oguapýta hikuái ne renondépe ku che retãteéicha, ha ohendu porãta ne ñe’ẽ, ág̃a ndojapomo’ãi, ijuruhe’ẽ asy hikuái, ipy’apýpe katu oiko hembipota vai rapykuérinte.

Malaquías 1:6

Pe ta’ýra omomba’e itúvape, ha pe tembiguái ijárape. Ha Che, pende Ruete ramojepe, mba’érehepa peẽ nachemomba’éi: Che ningo pende Ruete ha mba’éichapa peẽ ndapekyhyjéi chehegui. Péicha pende Ruete he’i ipa’ikuérape: Peẽ chemboyke, ha peẽ peje: Moõpa ore romboykéra’e.

Matéo 26:49

Ha pya’ete voi Júdas oñemboja Hesu rendápe, ha he’i: Maiteípa mbo’ehára, ha ohetũ ichupe.

Matéo 7:22

Upe ára upévape heta he’íta chéve: Che Jára, che Jára, ore piko ndoroprofetizáira’e nde rérape, noromosẽi piko ra’e heta mba’epochýpe, ha nde rérape ndorojapói piko ra’e heta milágro.

Lúcas 18:18

Ha peteĩ karai anciáno oporandu Hesúpe: Mbo’ehára imba’e porãmba jepéva, mba’épa ajapova’erã ahupity hag̃ua pe tekove tapia g̃uarãva.

Lúcas 5:22

Hesu oikuaapa voi ojepy’amongetáva hikuái, upévare he’i ichupekuéra: Mba’e piko pejepy’amongetapeína.

Lúcas 5:31

Hesu katu ombohovái ichupekuéra he’ívo: Hesãiva noikotevẽi pohãnohára rehe, hasývante.

Lúcas 6:8

Hesu oikuaa porã katu umi mba’e ha’ekuéra ojepy’amongetavahína, upévare he’i pe kuimba’e ipo ypívape: Epu’ã ha eñembo’y ore mbytépe. Ha ha’e opu’ã ha oñembo’y imbytepekuéra.

Lúcas 7:39

Pe fariséo oconvidava’ekue Hesúpe, ohechávo péva he’i ipy’apýpe: Ko kuimba’e kóva añetehápe proféta rire, oikuaava’erãmo’ã mávapa pe opokóva hese, ha mba’eichagua kuñápa ha’e, ha’e ningo peteĩ kuña reko vaíva.

Lúcas 7:41

Mokõi kuimba’e odeve pirapire hapichápe. Peteĩ odeve 500 ára tembiapo repy ha pe ambue 50 ára tembiapo repy.

Juan 13:13

Peẽ ningo peje Che ha’eha pene mbo’ehára ha pende Jára, ha peje porã, Che ha’égui voi.

Juan 16:19

Ha Hesu oñandúvo oporanduseha ichupe, he’i ichupekuéra: Peñoporandúpa pe ñe’ẽ Che ha’eva’ekuére: Ndahi’aremo’ãi ha peẽ ndacherechamo’ãvéi, ha uperire ndahi’aremo’ãi katu peẽ cherecha jevýta.

Juan 16:30

Ko’ág̃a roikuaa Nde reikuaaha opaite mba’e, ha natekotevẽi ore roporanduve ndéve, upévare ore roguerovia Nde resẽ hague Ñanderuetégui.

Juan 3:2

Nicodémo ou pyhare jave Hesu rendápe, ha he’i ichupe: Mbo’ehára, ore ningo roikuaa rejuha Ñanderuetégui reporombo’e hag̃ua, avavete ndaikatúigui ojapo ko’ã techaukaha (señal) Nde rejapóva, Ñanderuete oĩ’ỹrõ hendive.