Lúcas 7:25

Ñanderuete Ñe’ẽ Porã 2015

Mba’e piko pesẽ ra’e pehecha hag̃ua. Peteĩ kuimba’e oñemondéva ao porãmepa. Peikuaa porãke, umi ijao hepýva ha vy’apópe oikóva, opyta hogaguasúpe.

Referencias Cruzadas

2 Samuel 19:35

Ko árape aguerekóma 80 áño. Ikatútapa aiporavo gueteri mba’e iporãva ha ivaíva apytégui. Aha’ãkuaavétapa hi’upy ha imboy’upy. Ahendukuaavénepa kuimba’e térã kuña purahéi. Ma’erãpa aikóta mba’e pohýi ramo che jára ha che retã ruvichápe g̃uarã.

1 Réyes 10:5

imesa rembi’u, imburuvichakuéra koty, hembiguaikuéra resãi, ijao jegua, hembiguái ruvichakuéra, ha umi kuave’ẽmby oikuave’ẽva hikuái Ñanderuete rogaguasúpe, opyta ipy’andýi ha ijurujái.

2 Réyes 1:8

Ha ha’ekuéra he’i jevy ichupe: Peteĩ kuimba’e ijao havijupáva, ha oiporúva peteĩ ku’a jokuaha vakapiguiguáva. Upévo ha’e he’i: Péva Elías, pe Tisbegua.

Ester 1:11

oho hag̃ua ogueru hembireko Vástipe iñakã jeguaka (coróna) reheve, ohechauka hag̃ua hetãyguakuéra ha mburuvichakuérape hete iporãiteha.

Ester 1:3

ha mbohapy áño oisãmbyhyhápe ha’e ojapo peteĩ karuguasu opaite mburuvichakuéra ha hembiguaiguasukuérape g̃uarã; upéicha oñembyatypa hogaguasu pegua, Pérsia ha Mediaygua ipy’aguasuvéva, mburuvichakuéra ha umi tetã sãmbyhyharakuéra.

Ester 4:2

Ha ou tetã ruvicha róga rokẽ meve, ndojehejái katu ojeike pe tetã ruvicha rokẽ rupi hyepy gotýo ao vosakue reheve.

Ester 5:1

Og̃uahẽvo pe ára mbohapyha Ester oñemonde tetã ruvicha rembireko aópe, ha oike tetã ruvicha róga korapy ryepýpe, pe tetã ruvicha koty rováipe; ha tetã ruvicha oguapyhína iguapyhaguasúpe, ikoty rokẽ rovái.

Ester 8:15

Ha Mardoquéo osẽ tetã ruvicha rogaguasúgui, mburuvichaguasu ao hovy ha morotĩva reheve, ha peteĩ akã jeguaka (coróna) oroguigua tuichaitéva iñakã rehe, ha peteĩ póncho ao ka’avo inimbo pytãvagui. Upéramo umi Susaygua ovy’aite ha oiko toryguasúpe.

Isaías 59:17

Ha’e oñemonde heko potĩme ku ipyti’a mo’ãha ramoguáicha ha iñakã rehe omoĩ salvacion iñakã mo’ãha ramoguáicha; oñemonde oporomyengoviáva aópe ku hete mo’ãha ramoguáicha, ha ipy’arasýpe ijahoja ramoguáicha.

Matéo 11:8

Mba’épa pesẽra’e pehechávo. Peteĩ kuimba’e oñemondéva ao porãitépepa. Umi ao porãitépe oñemondéva ningo oiko umi tetã ruvichaguasu róga rupi.

Matéo 3:4

Juan oñemonde upérõ caméllo raguekuégui, ha iku’a jokuaha katu vakapígui, hembi’u tuku ha eíra ka’aguy.

Matéo 6:29

Che katu ha’e peẽme, Salomon jepe opaite ijeguaka reheve noñemondéi peteĩ lírioicha.

Lúcas 16:19

Oiko ningo peteĩ imba’e retáva, oñemondéva ao porã ha hepyetévape, ha ojapómiva karuguasu meme árape.

Lúcas 7:24

Juan remimbo’ekuéra oho rire, Hesu oñepyrũ oñe’ẽ hetãyguakuérape Juan Bautísta rehe he’ívo: Mba’épa pesẽ pehecha hag̃ua desiértope. Peteĩ takuára pe yvytu ombovavávapa.

Lúcas 7:26

Mba’e piko ra’e pesẽ pehecha hag̃ua, peteĩ proféta piko. Héẽ, Che voi ha’e peẽme, ha’e katu mba’eguasuve peteĩ profétagui.