Lúcas 7:22

Ñanderuete Ñe’ẽ Porã 2015

Ha Hesu he’i ichupekuéra: Tapeho pemombe’u Juan Bautístape umi mba’e peẽ pehecháva ha pehendúva: Hesatũva ohecha jey, ijapáva oguata jey, iléprava okuera, ijapysapéva ohendu jey, omanomava’ekue oikove jey, mboriahukuérape oñemombe’u pe evangélio (marandu porã).

Referencias Cruzadas

Job 29:15

Che aiko tesa ramo ohecha’ỹvape g̃uarã, ha py ramo ikarẽvape g̃uarã.

Salmokuéra 146:8

Ñanderuete ohesape’a umi ohecha’ỹvape, Ha’e omopu’ã umi ho’ava’ekuépe, Ha’e ohayhu umi heko potĩvape.

Isaías 42:16

Ha aisãmbyhýta umi hesatũvape tape oikuaa’ỹva rupi, amboguatáta ichupekuéra tape oikuaa’ỹva rehe ha pe ypytũ oĩva henonderãme amyesakãmbáta ha aguenohẽta umi ita oĩva hapépe oguata hag̃ua tape potĩ rehe. Ko’ã mba’e katuete ajapóta ichupekuéra g̃uarã, ha ndapoimo’ãi che ñe’ẽgui ajapopa peve.

Isaías 43:8

Peguenohẽ jevy pe tetã ohecha’ỹva, hesa ramojepe, ha pegueru umi ohendu’ỹva, ijapysa ramojepe.

Jeremías 31:8

Pema’ẽ porãke, Che agueruka jevýta che retã yvatéguio ha ambyatypáta ichupekuéra umi yvy apýra paha guive, ha ijapytepekuéra oĩta umi hesatũva ha ikarẽva, kuña hyeguasúva ha imembyramóva; aty atyguasúpe oupa jevýta Israel retãme.

Sofonías 3:12

Ha ahejáta ndepype peteĩ tetã rembyre oñemomirĩva, imboriahúva ha añetehápe ojeroviátava Israel Jára réra rehe.

Matéo 11:5

Hesatũva ohecha jevy; ijapáva oguata jevy; ijai vaíva (iléprava) ipotĩmba jevy; ijapysapéva ohendu jevy; omanova’ekue oikove jevy; ha mboriahukuérape oñemombe’u pe evangélio.

Matéo 21:14

Ha ou Hesu hendápe, hesatũva ha ikarẽva, ha Ha’e omonguerapa ichupekuéra.

Lúcas 4:18

Ñanderuete Pytu Porãitéva oĩ cheári, cheporavomava’ekue chemonávo acéitepe amombe’u hag̃ua pe evangélio mboriahukuérape, ambopy’aguapy hag̃ua umi ojepy’apývape, ajora hag̃ua umi oñeñapytĩvape, ha aipe’a hag̃ua cárcel rokẽnguéra,

Lúcas 7:21

Upejavete Hesu omonguera hetápe imba’asýgui ha ijejopy vaígui, omosẽvo mba’epochykuérape ha omonguerávo hesatũvape.

Lúcas 7:23

Ha ovy’aite umi oñepysãnga’ỹva cherehe.

Juan 1:46

Ha Natanael oporandu Felípepe: Osẽnepa Nazarétgui mba’eporã. Ha Felípe he’i ichupe: Ejumína ha ndete voi, ehecha ichupe.

Apostolkuéra 26:18

Rehesape’a hag̃ua ichupekuéra ha osẽ hag̃ua hikuái pytũgui oike hag̃ua tesape rendýpe, ha opoi hag̃ua hikuái Satanágui oñemboja hag̃ua Ñanderuete rehe, ha oñeperdona hag̃ua hembiapo vai, ha oñembyaty hag̃ua Hesu Crísto iglésiape, ojeroviágui hikuái Hesu Crísto rehe.

Apostolkuéra 8:7

Heta mba’epochy osẽ sapukaipópe hetãyguakuéragui, ha heta oguata’ỹvape ha hete oĩ vaívape ha’e omonguera.

Tiágo 2:5

Che hermanokuéra pecherendúkena: Ndoiporavói piko Ñanderuete umi tapicha ohechakuaáva imboriahuha ipytu porãme; ko’ãva oñemomirĩ ha ojerovia porãgui Ñanderuetére omoingéta yvágape, ko’ã mba’e Ha’e oprometemava’ekue opavave ohayhúvape guive ichupe.