Lúcas 7:17

Ñanderuete Ñe’ẽ Porã 2015

Ha Hesu rerakuã porã oñemyasãi opaite Juda departaménto rupi ha ijerekuévo avei.

Referencias Cruzadas

Matéo 2:1

Hesu onacékuri Belénpe, Júda departaméntope, Heródes oiko umi árape tetã ruvicha ramo, upérõ og̃uahẽ karaikuéra iñarandúva kuarahyresẽguio Jerusalénpe.

Matéo 4:24

Herakuã porã oñemosarambi avei opaite Síria retãme, ha ojegueru opaichagua hasýva hendápe, opaichagua mba’asy ha angekõi vaípe oikóva guive, umi oguerekóva mba’epochy ipype, umi itarováva ha umi ndoguatáiva, ha Hesu omonguerapa umívape.

Matéo 9:26

Ha umi mba’e ojehuva’ekue oñemyasãi pe tetã tuichakue javeve.

Matéo 9:31

Ha ha’ekuéra osẽvo upégui oikuaauka ko’ã mba’e pe tetã tuichakue javeve.

Márcos 1:28

Ha Hesu rerakuã porã pya’e oñemyasãi opárupi, opaite Galiléa departaméntope.

Márcos 6:14

Ha tetã ruvicha Heródes ohendu avei oñemombe’uguasuha opárupi Hesu Crísto réra ha oime he’íva: Juan, pe oporobautizava’ekue, oikove jevy omanóva apytégui, ha upévarehe oguereko pu’aka ojapo hag̃ua milagrokuéra.

Lúcas 4:14

Ko’ã mba’e rire Hesu ojevy Galiléa departaméntope Pytu Porãmbáva pu’akapype, ha Hesu rerakuã porã oñemosarambi opaite ko departamentopýre.

Lúcas 7:14

Ha Hesu oñemboja ha opoko upe te’õngue ryru rehe, omombyta ha he’i: Mitãrusu, Che ha’e ndéve, epu’ã.