Lúcas 7:16

Ñanderuete Ñe’ẽ Porã 2015

Ha okyhyjepa joa hikuái ha omomba’eguasu Ñanderuetépe he’ívo: Peteĩ proféta tuichaitéva opu’ã ñande apytépe, Ñanderuete oñandúma hetãme.

Referencias Cruzadas

Salmokuéra 65:9

Nde rehovasa ko yvy ape, rembohykue ha remyenyhẽ avei ko yvy hetaiterei temitỹnguéragui. Ñanderuete omyenyhẽ ysyrykuéra ýgui, ha nde rupi kogakuéra okakuaa porãite, Nde voi rembosako’i porãmba ichupekuéra.

Éxodo 4:31

Ha hetãyguakuéra oguerovia; ha ohendúvo hikuái Ñanderuete oúma oñandu hag̃ua Israel ñemoñarenguérape ha Ha’e ohecha hague iñangekõinguéra, oñesũ hikuái ha omomba’eguasu Ñanderuetépe.

Jeremías 33:9

Upérõ Jerusalen chemomba’eguasúta ha omyasãita che réra opaite tetãnguéra yvy apére oĩva guivépe ha ohendupáta hikuái mba’eporãita Che ajapótava hesekuéra; ha okyhyjéta ha oryrýita hikuái ohendúvo opaite mba’e iporãva ha pe py’aguapy ame’ẽ jevýtava ichupekuéra.

Matéo 15:31

Ha umi tetãygua ijatýva ohechávo umi iñe’ẽngúva oñe’ẽ, umi iparĩva (oguatakuaa’ỹva) okuera, umi ikarẽva oguata porã, umi hesatũva ohecha, omomba’eguasuete hikuái Israel Járape.

Matéo 21:11

Ha hetãyguakuéra he’i: Kóva ningo pe proféta Hesu, Nazaret, Galiléa pegua.

Matéo 28:8

Ha oho hikuái Hesu tyvýgui kyhyje ha vy’a tuicha reheve, ha ñaniháme oho hikuái omba’emombe’u hag̃ua hemimbo’ekuérape.

Matéo 9:8

Ohechávo péva hetãyguakuéra kyhyjepópe omomba’eguasuete Ñanderuetépe, ome’ẽ haguére peichagua pu’aka yvyariguakuérape.

Lúcas 1:65

Hóga ypy pegua oñemondyipa joa ha Juda cérro rupi ojekuaauka ko’ã mba’e ko’ãva.

Lúcas 1:68

Toñemomba’eguasu Ñanderuetépe, Israel Jára, Ha’e oguejýma hetãme osalva hag̃ua.

Lúcas 19:44

Nderehe ija’e’ỹva ndereitypáta yvýre ha ne mitãkuérape avei; ha ndohejamo’ãi peteĩ ita jepe ojo’ári, (Salmokuéra 137,7), nderehechakuaái haguére pe hóra porãitéva nde Jára ou neandúvo.

Lúcas 2:20

Ha umi ovecha rerekua, ombotuicha ha omomba’eguasu Ñanderuetépe opaite mba’e ohendúva ha ohechava’ekue rehe ha ojehupa haguére hekoitépe oñemombe’u hagueichaite ichupekuéra.

Lúcas 24:19

Upérõ Hesu oporandu ichupekuéra: Mba’e piko. He’i hikuái ichupe: Umi mba’e ojehuva’ekue Hesu Nazaretguáre. Ha’e ningo peteĩ proféta, imilagrokuéra ha iñe’ẽnguéra rupi ohechauka Ñanderuete pu’aka opaite kuimba’e ha kuñakuéra renondépe,

Lúcas 5:26

Ha ambuekuéra ohecharamoite opytávo ha omomba’eguasu Ñanderuetépe ha kyhyjepópe he’i hikuái: Jahecháma peteĩ milágro, ikatu’ỹva ojeguerovia.

Lúcas 5:8

Ha Simon Pédro ohechávo ko’ã mba’e he’i Hesúpe: Eñemboyke chehegui, che Jára, che ningo peteĩ mba’evai apoha.

Lúcas 7:15

Ha upevovete pe mitãrusu opu’ã ha oguapy, ha oñepyrũ oñe’ẽ, upérõ Hesu ome’ẽ pe mitãrusu isýpe.

Lúcas 7:39

Pe fariséo oconvidava’ekue Hesúpe, ohechávo péva he’i ipy’apýpe: Ko kuimba’e kóva añetehápe proféta rire, oikuaava’erãmo’ã mávapa pe opokóva hese, ha mba’eichagua kuñápa ha’e, ha’e ningo peteĩ kuña reko vaíva.

Lúcas 8:37

Ha opaite umi Gadára retãygua ojerure asy Hesúpe osẽ hag̃ua hetãgui, okyhyjepágui hikuái. Upéramo Hesu oike pe canóape oho hag̃ua.

Lúcas 9:19

Ha’ekuéra ombohovái ichupe: Oime ningo he’íva Nde Juan Bautistaha; ambue he’i Nde Eliasha; ha ambueve katu Nde ha’eha peteĩ proféta ymaguare, oikove jevýva.

Juan 1:21

Ha oporandu jevývo hikuái ichupe: Máva piko aipórõ nde. Nde piko Elías. Ha Juan ombohovái: Che ndaha’éi. Upéi oporandu hikuái: Nde piko peteĩ proféta. Ha Juan he’i: Che ndaha’éi.

Juan 1:25

Upéramo umi fariséo rembiguaikuéra oporandu Juánpe: Nde ndaha’éi ramo pe Crísto, ni Elías, ni peteĩ proféta, mba’érehepa nde reporobautiza.

Juan 4:19

Ha pe kuña he’i Hesúpe: Karai, che aikuaáma, Nde ha’eha peteĩ proféta.

Juan 6:14

Umi kuimba’e ohechávo Hesu ojapoha milágro he’i hikuái: Añetehápe, kóva ningo pe proféta ouva’erãva ko yvy ape ári.

Juan 9:17

Upévare oporandu jevy hikuái pe hesatũva’ekuépe: Ha nde, mba’e piko ere hese, nemonguera haguére. Ha ha’e he’i: Hesu ningo peteĩ proféta.

Apostolkuéra 5:5

Ananías ohendúvo umi ñe’ẽ ho’a ha omano. Ha opavave ohendúva guive péva, okyhyjepa opytávo.

Apostolkuéra 7:37

Kóva ningo pe Moises, he’iva’ekue Israel ra’ykuérape: Ñanderuete omopu’ãva’erã peteĩ proféta cheichagua pende ryvykuéra apytégui.

Galaciayguakuérape 1:24

Ha omomba’eguasu hikuái Ñanderuetépe cherehe.

Deuteronómio 18:15

Israelguakuéra apytégui Ñanderuete omopu’ãta peẽme g̃uarã peteĩ proféta cheichagua, ha pehenduva’erã ichupe (Hesu Crísto).