Lúcas 7:12

Ñanderuete Ñe’ẽ Porã 2015

Ha oñemoag̃uívo pe táva rokẽguasúgui, ojegueraha okápe peteĩ karia’y omanóvape oñeñotỹ hag̃uáme. Ha’e ningo isy memby peteĩmi, ha isy peteĩ viúda, heta tavaygua omoirũ ichupe.

Referencias Cruzadas

Genesis 22:12

Ha pe yvága rembiguái he’i: Ani rehupítei nde po pe mitãre, ha aníke rejapótei hese mba’eve; aikuaáma rekyhyjeha Ñanderuetégui, nerembotovéigui (nerenegái) chehegui nde ra’y peteĩmi jepe.

Genesis 22:2

Ha he’i: Eraha ko’ág̃a nde ra’y, ha’eñomíva, Isaac, rehayhuetévape, ha tereho Moría yvýpe, ha upépe eikuave’ẽ ichupe chéve g̃uarã kuave’ẽmby ramo peteĩ cérro ári Che ha’etahápe ndéve.

2 Samuel 14:7

Ha péina mayma che génteva opu’ã cherehe he’ívo: Eme’ẽke pe tyke’ýra jukaharépe, rojuka hag̃ua avei ichupe ojuka haguére ityke’ýrape. Péicha ramo ningo oñemboguéta tatapỹimi hembýva chéve, ndopytamo’ãvéi che ména réra ha iñemoñare yvy apére.

1 Réyes 17:12

Ha ha’e he’i: Ñanderuete, nde Jára rérape, ha’e ndéve ndarekoiha che mba’yrúpe pan ojypyréva; trígo ku’i michĩmímante hemby che ña’ẽme ha pe acéite opapotaitéma avei, ko’ág̃a ambyatymi jepe’a, ambosako’i hag̃ua pe pan paha che ha che membýpe g̃uarã, ha upéi toromano.

1 Réyes 17:18

Ha pe kuña he’i Elíaspe: Moõpa che ajavy nendive nde kuimba’e Ñanderuete reheguáva, rejupi piko ra’e che rendápe chemomandu’a hag̃ua che reko vai rehe, ha rejuka hag̃ua che membýpe.

1 Réyes 17:23

Upéi Elías ojapyhy pe mitãme, ha ogueru ikotýgui, isy rendápe ha ome’ẽ ichupe, he’ívo: Ma’ẽ, ne memby oikove jevy.

1 Réyes 17:9

Epu’ã, tereho Saréptape, peteĩ Sidon pegua táva, ha eiko upépe, péina ápe Che ha’émakuri peteĩ kuña imenave’ỹvape nemongaru hag̃ua.

2 Réyes 4:16

Ha Eliséo he’i ichupe: Pe áño oúvape, ko’ã ára rupi, reñañuãtama ne membýpe. Ha pe kuñakarai he’i: Anína péicha, nde karaiguasu, nde ningo Ñanderuete rembiguái heko porãva, ani reñembohorýtei ne rembiguái rehe.

2 Réyes 4:20

Ha ogueru rire isýpe, oguapy isy renypy’ã ári asaje peve, ha upéi omano.

Job 29:13

Umi oñehundipotáva cherovasapa ha ambovy’a jevy umi imenave’ỹva py’apy (korasõ).

Zacarías 12:10

Ha Che añohẽta David ñemoñare ha Jerusalenguakuéra ári che Pytu jeporiahuvereko ha ñembo’e reheguáva, ha upéi oma’ẽva’erã hikuái cherehe, ha’ekuéra oikutuva’ekuépe, ha ojahe’ova’erã hikuái ku ta’ýra peteĩmi rehe ojejahe’o háicha (omano ramo) térã ombyasyva’erã ichupe ku ta’ýra ypykuére oñembyasy háicha.

Lúcas 7:11

Uperire Hesu oho peteĩ távape, hérava Nain, hemimbo’ekuéra ha heta hetãyguakuéra omoirũ ichupe.

Lúcas 7:13

Ha Hesu ohechávo pe viúdape, oiporiahuverekoiterei, ha he’i ichupe: Ani rejahe’o.

Lúcas 8:42

Itajýra peteĩmi, 12 áño rupi oguerekóva, hasyete omano hag̃uáicha. Ha Hesu ohóvo Jáiro róga gotýo hetãyguakuéra ojopypa ichupe.

Lúcas 8:52

Hasẽmba ha oñembyasy hikuái pe mitãkuña omano haguére. Hesu katu he’i ichupekuéra: Ani penerasẽ, ha’e ningo nomanói, okentehína.

Juan 11:19

Heta Judayguakuéra oúma oñandu hag̃ua Márta ha Maríape, omoangapyhy hag̃ua ichupekuéra ikyvy ñemanongue rehe.

Apostolkuéra 9:39

Ha Pédro opu’ã ha ou hendivekuéra. Og̃uahẽvo Pédro, ogueraha hikuái ichupe pe koty yvatépe, ha ojerepa hese ha jahe’ópe oñemboja hendápe heta viúda ha ohechauka ichupe ijao Tabíta ojapova’ekue ichupekuéra g̃uarã, oiko ramoguare gueteri hendivekuéra.

Apostolkuéra 9:41

Ha Pédro ome’ẽ ichupe ipo ha oipytyvõ ichupe opu’ã hag̃ua, upéi ohenói Hesu Crísto reheguávape ha umi viúdape ha ohechauka ichupekuéra Tabíta oikove jevymaha.

Tiágo 1:27

Pe ñemomba’eguasu (cúlto) ipotĩva, Ñandejára Ñanderuete ohayhúva ningo kóva: Ñaipytyvõ umi ityre’ỹvape ha imenave’ỹvape hemikotevẽme, ha ñañemboyke opaichagua teko vaígui.