Lúcas 6:9

Ñanderuete Ñe’ẽ Porã 2015

Ha Hesu he’i ichupekuéra: Aporandúta peẽme peteĩ mba’e: Ikatúpa ojejapo sábado árape mba’eporã térã mba’evai. Jasalva ñande rapicha rekove térãpa ñahundi ñande rapicha rekove.

Referencias Cruzadas

Márcos 3:4

Ha oporandu ambuekuérape: Iporã piko pytu’uha árape ojejapo mba’eporãva, térãpa ojejapo mba’evaíva. Ojesalva tekove térã oñehundi, ha ha’ekuéra okirirĩmba.

Lúcas 14:3

Ha Hesu oporandu umi oporombo’éva Ñanderuete ñe’ẽ ha fariseokuérape, ha he’i: Ijápa ñaporomonguera sábado árape térãpa nahániri.

Lúcas 6:10

Hesu oma’ẽ porã opavave ijerekuévo oĩva rehe ha he’i pe kuimba’e pévape: Eipyso nde po. Ha’e oipyso rire ipo okuera.

Lúcas 6:8

Hesu oikuaa porã katu umi mba’e ha’ekuéra ojepy’amongetavahína, upévare he’i pe kuimba’e ipo ypívape: Epu’ã ha eñembo’y ore mbytépe. Ha ha’e opu’ã ha oñembo’y imbytepekuéra.

Lúcas 9:56

Pe yvyarigua Ra’y ningo ndoúi oporohundi hag̃ua, oporosalva hag̃ua uvei, ha upéicha oho hikuái ambue tava’ípe.