Lúcas 6:8

Ñanderuete Ñe’ẽ Porã 2015

Hesu oikuaa porã katu umi mba’e ha’ekuéra ojepy’amongetavahína, upévare he’i pe kuimba’e ipo ypívape: Epu’ã ha eñembo’y ore mbytépe. Ha ha’e opu’ã ha oñembo’y imbytepekuéra.

Referencias Cruzadas

1 Crónicas 28:9

Ha nde, che ra’y Salomon, ehechakuaáke nde ru Járape ha eservi ichupe py’a potĩme ha kyre’ỹpópe; Ñanderuete oitypekágui opaite yvyariguakuéra py’apýpe ha oikuaa avei opaite ñane pensamientokuéra. Eheka ichupe ha emba’apo ichupe g̃uarã; ha reñemomombyry ramo ichugui, Ha’e nderejáta katuete avei.

1 Crónicas 29:17

Che aikuaa, che Jaratee, Nde rehechapaha opavave py’apýpe, ha py’a potĩ nembovy’aha; upévagui py’a potĩpópe aikuave’ẽ ndéve ko’ã mba’e, ha ahecha avei torýpe, ne retãyguakuéra oñembyaty ome’ẽ hag̃ua avei kyre’ỹpópe.

Job 42:2

Che aikuaa ndéve g̃uarã opaite mba’e ikatuha, ha umi mba’e rejaposéva guive katuete rejapóta avei.

Salmokuéra 44:21

nde rehechakuaava’erãmo’ã, Nde voi reikuaapágui pe yvyarigua py’apýpe oĩva guive.

Isaías 42:4

Naikane’õmo’ãi ha nomanomo’ãi omopu’ã meve justícia yvy apére, ha umi tetã yguasu rembe’y pegua oha’ãrõhína Ha’e ohekombo’e hag̃ua, (Matéo 12,18-21).

Matéo 9:4

Ha Hesu oikuaapáva voi ojepy’amongetáva hikuái, he’i ichupekuéra: Mba’érehe piko pepensa vai pende py’apýpe (ko’ã pehechávare).

Márcos 3:3

Ha Hesu he’i pe kuimba’e ipo ypívape: Eñembo’y ore mbytépe.

Lúcas 13:12

Hesu ohechávo ichupe ohenói ha he’i ichupe: Nde kuñakarai, ne mba’asy ojeíma ndehegui.

Lúcas 5:22

Hesu oikuaapa voi ojepy’amongetáva hikuái, upévare he’i ichupekuéra: Mba’e piko pejepy’amongetapeína.

Lúcas 6:9

Ha Hesu he’i ichupekuéra: Aporandúta peẽme peteĩ mba’e: Ikatúpa ojejapo sábado árape mba’eporã térã mba’evai. Jasalva ñande rapicha rekove térãpa ñahundi ñande rapicha rekove.

Juan 2:25

Natekotevẽi oikuaauka ichupe avave mba’épa oĩ tetãyguakuéra py’apýpe, Ha’e voi oikuaa porã opaite mba’e oĩva guive ipy’apypekuéra.

Juan 21:17

Uperiremínte Hesu oporandu mbohapyha jevy Pédrope: Simon, Juan ra’y, cherayhúpa. Ha Pédro ñembyasyhápe ombohovái ichupe: Che Jára, Nde reikuaa opaite mba’e, reikuaa avei che rohayhuha. Upérõ Hesu he’i ichupe: Eñangareko che ovechakuéra rehe.

Juan 9:4

Ára aja Che ajapova’erã pe chembouva’ekue rembiapo, pyhare ningo oúta, upérõ avavete ndaikatuvéima omba’apo.

Apostolkuéra 20:24

Che nambyasýi ahundíta ramojepe che rekove ko yvy ári, pe che aipotavéva katu: Ahupity hag̃ua pe tekove opa’ỹva ha che ajapopa pe tembiapo Hesu Crísto ome’ẽmava’ekue chéve, péva he’ise che amyasãi hag̃ua Hesu Crísto evangélio ha Ñanderuete mborayhu.

Apostolkuéra 26:26

Mburuvicha Agrípa, nde ningo, chéverõ g̃uarã, reikuaa porãmba voi ko’ã mba’e ko’ãva, upévare che añe’ẽ avei py’aguapýpe ne renondépe, ko’ã mba’e katuete ojehúgui Jerusalénpe.

Filipoyguakuérape 1:28

Ani pekyhyje mba’evetégui umi penderehe oñemoĩvagui; umi oñemoĩva Ñanderuete rehe oñehundíta katuete ha umi oguatáva Ñanderuete rapére katuete ojesalváta, ha mokõivéva Ñanderuete rembiaporã.

hebreoyguakuerape 4:13

Ndaipóri yvyarigua Ñanderuete ohecha’ỹva, oimeraẽva uvei ijopívo ha ojehechaukava’erã hesa renondépe, Ha’e ombojovakeha árape.

1 Pédro 4:1

Hesu Crísto ohasa asýgui hetépe, peñembosako’íke peẽ avei pehasa asy hag̃ua. Upe ohasa asyva’ekue hetépe opoi hembiapo vaígui.

Apocalípsis 2:23

Imembykuéra ajukapáta. Upéicha opaite iglésia oikuaáta Che voi aikuaaha opaite mba’e oĩva guive yvyarigua akãme térã ipy’apýpe, ha Che amyengoviáta peteĩteĩme hembiapokue.