Lúcas 6:7

Ñanderuete Ñe’ẽ Porã 2015

Ha umi kuatia haihára ha fariseokuéra omaña porã hese oikuaaségui omongueránepa sábado árape, ojohu hag̃ua hikuái peteĩ mba’e omoĩ vai hag̃ua ichupe.

Referencias Cruzadas

Salmokuéra 38:12

Umi chejukaséva ombosako’íma ñuhã chéve g̃uarã, ha umi oipotáva ojehu chéve mba’evai, oiko oñe’ẽvai cherehe, ára pukukuépe oñeha’ãmba chembotavy hag̃ua.

Isaías 29:21

umi oporombotavýva ha ijapúva táva rokẽguasúpe, oñembojovakehápe, ombotavy hag̃ua umi oporombojovakéva ombojovake vai hag̃ua, umía omanombáta avei.

Jeremías 20:10

Ahendu heta ñe’ẽ guata, opa rupi oĩ kyhyje: Jagueraha ichupe oñembojovake hag̃ua. Mayma che angirũnguéra (amigokuéra) jepe oma’ẽ joa cherehe jahechapa nañepysãngái. Ikatúnte oñembotavyuka, he’i hikuái, ñandepu’akáta hese, ha ñamyengoviapáta ichupe.

Matéo 5:39

Che katu ha’e peẽme: Ani pemyengovia pe mba’evai ojejapóva penderehe; oimeraẽ penenupãva pende rova akatúape, pemoĩ avei ichupe pende rova asu peguáva.

Márcos 3:2

Ha ojesareko hese hikuái ohecha hag̃ua omonguerápa pytu’uha árape, oñemoĩkuaa hag̃ua hese hikuái.

Lúcas 13:14

Upe Ñanderuete róga rerekua katu ipochy Hesu ndive, Ha’e omonguera haguére peteĩ hasývape sábado árape, ha he’i umi oñembyatývape: Oĩ ningo 6 ára (meme semánape) ñamba’apo hag̃ua, upévare anítei peju sábado árape Ha’e penemonguera hag̃ua, peju uvei hendápe umi ambue 6 árape.

Lúcas 20:20

Upévare omoñuhã hag̃ua Hesúpe, omondo hendápe ipyraguekuéra (omangeáva) ojapysaka porã hag̃ua opaite iñe’ẽ rehe, ha umía tova mokõi reheve ojerure gua’u Hesúpe ohekombo’e hag̃ua ichupekuéra, ome’ẽ hag̃ua Hesúpe iñe’ẽtee rupi mburuvichakuéra pópe.

Juan 9:16

Fariseokuéra apytégui oĩ umi he’íva: Pe kuimba’e péva ndaha’éi Ñanderuete reheguáva, nomomba’éigui sábado ára. Ambuekuéra katu he’i: Mba’éicha piko kuimba’e heko vaíva ikatu ojapo koichagua milágro. Ha oñoñe’ẽapi hikuái.