Lúcas 6:23

Ñanderuete Ñe’ẽ Porã 2015

Pevy’a ha pendepy’arory upeha árape, ha peikuaa porãke tuicha oñemyengoviava’erãha peẽme yvágape; upéicha ningo ituvakuéra ojapómi avei profetakuéra rehe.

Referencias Cruzadas

2 Samuel 6:16

Ha Ñanderuete karameg̃ua og̃uahẽvo David távape, péina Mical, Saul rajy, oma’ẽ peteĩ hovetã guive, ha ohecha tetã ruvicha Davídpe opopo ha ojerokyhína Ñanderuete karameg̃ua renondépe; ha Mical omboyke ichupe ipy’apýpe.

1 Réyes 18:4

Pe Jezabel, Acab rembireko, ojukárõ guare Ñanderuete profetakuérape, Abdías ojapyhy 100 profétape, ha omokañy 50 peteĩ itakuaguasúpe, ha 50 ambue itakuaguasúpe ha upépe omongaru ichupekuéra pan ha y reheve.

1 Réyes 19:10

Ha Elías he’i: Che cherakate’ỹeterei che Ruete, pe yvága atykuéra Jára rehe; Israel ñemoñarenguéra opoi haguére ndehegui, oitypa hikuái ne kuave’ẽmby renda, ha kyse pukúpe ojuka nde profetakuérape, ha che añoite cheremby, ha chereka hikuái chejuka hag̃ua avei.

1 Réyes 19:14

Ha ha’e ombohovái: Cherakate’ỹeterei che Ruete, pe yvága atykuéra Jára rehe; Israel ñemoñarenguéra opoi haguére ndehegui, oitypa hikuái ne kuave’ẽmby renda, kyse pukúpe ojuka nde profetakuérape, ha che añoite cheremby, ha chereka hikuái chejuka hag̃ua avei.

1 Réyes 19:2

Upémaramo Jezabel omondo Elías rendápe peteĩ hembiguái ha he’iuka ichupe: Che jarakuéra tachehavira ha tachenupãve, ko’ẽramo che, ko hóra kóvape, ndajapóirõ nderehe nde rejapo haguéicha Baal profetakuéra rehe.

1 Réyes 21:20

Ha Acab he’i Elíaspe: Cherayhu’ỹva piko chejohu jevy. Ha Elías ombohovái ichupe he’ívo: Rojohu rejapo vaígui Ñanderuete renondépe, remondágui Nabot yvy pehẽngue.

1 Réyes 22:27

Ha eréta, péicha he’i tetã ruvicha: Kóvape peity cárcelpe, ha peme’ẽta ichupe michĩmi pan ha ymimi, che aju jevy peve py’aguapýpe.

1 Réyes 22:8

Israel retã ruvicha he’i Josafátpe: Oime gueteri peteĩ kuimba’e ikatúva omba’eporandu porã Ñanderuetépe, Miquéas, Imla ra’y; che katu ndache’a’éi hese, araka’eve nomombe’úigui chéve mba’eporã, ivaívamante. Ha Josafat he’i: Anítei tetã ruvicha péicha reñe’ẽ.

2 Réyes 6:31

Ha ha’e he’i: Ñanderuete tachenupã ha tachehavirave Eliséo, Safat ra’y akã opyta ramo hete rehe ko ára kóvape.

2 Crónicas 36:16

Ha’ekuéra katu oguereko umi Ñanderuete rembijokuái toryja ramo ha oñembohory hikuái iñe’ẽ ha iproféta rehe, ha péicha okakuaave ohóvo Ñanderuete pochy naipohãvéi peve.

Nehemías 9:26

Upéi katu oñemoĩ, ha opu’ã nderehe, ha ne rembiapoukapykuéra omombo hikuái ijatukupe gotýo, ha ojuka hikuái nde profetakuéra oikóva guivépe ijapytepekuéra ha oguatava’ekue hekoitépe nde rapykuéri, ha upéicha oñemohembiapo vaive ohóvo ne renondépe.

Salmokuéra 58:11

Upevove oimeraẽva he’iva’erã: Añetehápe oĩ jopói oñeme’ẽtava hekojojávape g̃uarã, añetehápe oĩ Ñanderuete ombojovakevahína ko yvy apére.

Isaías 35:6

Upérõ pe ikarẽva opopo jevýta guasúicha, ha iñe’ẽngúva juru opurahéi jevýta; osẽta y yvy perõme ha osyrýta yvy heñoi’ỹva’ekuépe.

Jeremías 2:30

Ainupã rei piko ra’e nde ra’ykuérape, nomyatyrõi haguére hikuái hekove. Pende kyse pukúpe pejuka pende profetakuérape, ku leõ oporomondyryrypávaicha.

Malaquías 4:1

Ñanderuete he’i: Cháke, og̃uahẽ ramo upe ára upéva tatakuáicha hendýta, ha opavave oñembotuicháva guive ha mayma tembiapo vai ojapóva guive okáita ku ñana pirukuéicha ha mba’eve nahembymo’ãi, ndopytamo’ãi yvyra rakã, ha hapokuéra jepeve okaipáta.

Matéo 5:12

Pevy’aite ha tapendepy’a roryete, ituichágui pe jopói (regálo) peguerekóva yvágape, péicha omuñava’ekue avei hikuái umi profetakuérape, oikomava’ekue peẽ mboyve guaréva.

Lúcas 1:41

Ha Elisabet ohendúvo María maitei imemby opopo hyépe, ha Elisabet oñemyenyhẽvo Pytu Porãmbávagui,

Lúcas 1:44

Ha ohendúvo ne maitei che memby opopo vy’águi che ryépe.

Lúcas 6:35

Pehayhu katu penderehe ija’e’ỹvape, ha pejapo mba’eporã ichupekuéra g̃uarã, ha peiporuka ichupekuéra peha’ãrõ jevy’ỹre mba’eve, ha pehupityva’erã mba’e tuicháva ha oikóta pendehegui Yvatevéva ra’ykuéra, Ha’e voi ipy’a porã avei umi oagradece’ỹva ha umi iñañáva ndive.

Apostolkuéra 14:10

Upévare Páblo he’i hatã ichupe: Epu’ã, ha eñembo’y nde pykuéra ári, ha ha’e opu’ã ha oguata porã.

Apostolkuéra 3:8

Ha opu’ãvo oike Pédro ha Juan ndive Ñanderuete rogaguasúpe omomba’eguasu hag̃ua Ñanderuetépe.

Apostolkuéra 5:41

Umi apóstol katu osẽ vy’apópe imburuvichakuéra rendágui, ija haguére ichupekuéra ohasa asy Hesu Crísto réra rehehápe.

Romayguakuérape 5:3

Ha ndaupévai año, javy’a katu jahasa asy ramojepe, jaikuaa porãgui pe jehasa asy hi’aha paciéncia,

2 Corintoyguakuérape 12:10

Upévare avy’a chekangykue rehe, jeja’ópe, temikotevẽme, jehasa asýpe, persecuciónpe, jejopy vaípe, ahasava’ekue Hesu Crísto rehehápe; péicha ningo ojehu, chekangy ramo, chembarete.

Colosayguakuérape 1:24

Ko’ág̃a ningo avy’a che ahasa asyháre penderehehápe ha che amyenyhẽve ahávo che retépe pe jehasa asy (sufrimiénto) oñemoĩmba hag̃ua umi jehasa asy Hesu Crísto retépe, Hesu Crísto rete ningo hína pe iglésia (Apostolkuéra rembiapo 9, 16; Filipoyguakuérape 1,29; 1 Pédro 2, 20; 2. Timotéope 3, 12).

2 Timotéope 2:12

jahasa asy ramo ñaína hesehápe, ñande ñaisãmbyhyva’erã avei hendive; ñande ñambotovérõ (ñanegárõ) ichupe, Ha’e avei ñanembotoveva’erã.

hebreoyguakuerape 11:26

Moises ohechakuaa Hesu Crísto jehasa asy iporãveha ichupe g̃uarã Egípto mba’erepýgui, ha’e oikuaa porãgui Ñanderuete omyengoviapataha ichupe.

hebreoyguakuerape 11:6

Ndajajeroviái ramo nañambopy’arorýi Ñanderuetépe; umi og̃uahẽva hendápe ojeroviava’erã Ñanderuete oĩha, ha Ha’e ohepyme’ẽtaha umi ohekávape ichupe.

Tiágo 1:2

Pevy’ákena che hermanokuéra, pehasa ramo opaichagua jepy’ara’ã rupi,

1 Pédro 4:13

Pevy’a uvei peimeháre avei Hesu Crísto jehasa asýpe, péichamante pevy’aiteva’erã avei Hesu Crísto ojehechaukaha ára peẽme, Ha’e ou jevývo arai apytépe.

Apocalípsis 2:17

Pe ijapysáva tohendu pe Pytu Porãmbáva he’íva ijiglesiakuérape: Pe ombopoguýva pe mba’evai, Che ame’ẽta ichupe pe mana ñemimby ha ame’ẽta avei ichupe peteĩ ita morotĩ ojehaihápe héra pyahu avave oikuaa’ỹva, pe ohupitývamante.

Apocalípsis 2:26

Oimeraẽ ombopoguýva pe mba’evai ha ojapóva Che rembipota ipaha peve, Che ame’ẽta ichupe pu’aka oisãmbyhy hag̃ua umi tetãygua ojerovia’ỹvape.

Apocalípsis 2:7

Pe ijapysáva tohendu pe Pytu Porãmbáva he’íva ijiglésiape: Pe ombopoguýva mba’evai che voi ame’ẽta ichupe pe tekove yvyra’a oĩva Ñanderuete yvyraty hi’a porãitéva mbytépe.

Apocalípsis 21:7

Upe ipu’akávape oñeme’ẽta opaite ko’ã mba’e, ha Che ha’éta Ituvatee, ha ha’ekuéra chera’y ha cherajy.

Apocalípsis 3:12

Upe ombopoguýva mba’evai Che ajapóta ichugui peteĩ horcon che Ruete iglésiaguasúpe, ha araka’eve ndojepe’amo’ãi hendágui ha Che ahaíta hese Che Ruete réra ha Che Ruete táva réra, ko táva kóva ningo Jerusalen, oguejýtava yvágagui, ha hese ahaíta avei Che réra pyahu.

Apocalípsis 3:5

Upe ombopoguýva mba’evai oñemondéta ao morotĩme; ha ndaipe’amo’ãi héra pe tekovete rehegua kuatiañe’ẽgui, amombe’uva’erã uvei héra che Ruete ha ijyvága rembiguaikuéra renondépe.