Lúcas 6:2

Ñanderuete Ñe’ẽ Porã 2015

Ha umi fariséo ohechávo péva he’i: Mba’érehe piko pejapo sábado árape umi mba’e ndaijáiva ojejapo.

Referencias Cruzadas

Éxodo 22:10

Oimeraẽva ome’ẽ ramo hapichápe ibúrro térã iguéi, ijovecha térã oime haichagua hymba oñangareko hag̃ua, ha ou ramo omano térã ikarẽmba ramo, térã oñemonda ramo avave ohecha’ỹ rehe;

Éxodo 31:15

Seis ára pemba’apova’erã ha pe ára 7-hápe pepytu’uva’erã, oñemboykégui pende Ruetépe g̃uarã; oime ramo omba’apóva pytu’uha árape, katuete omanova’erã.

Éxodo 35:2

Seis ára oñemba’apova’erã ha pe ára 7-ha oñemboykeva’erã Ñanderuetépe, Ha’e opytu’úgui avei pe ára pévape; oimeraẽ omba’apóva pe ára pévape omanova’erã katuete.

Isaías 58:13

Nde reñongatu porã ramo pe sábado ára, nde neremba’apói ramo pe sábado árape, ha ndereguata pukúi ramo, nderejapói ramo ne negócio (mba’evende) ha neremombe’úi ramo ñe’ẽguata rei, péicha emomba’eguasu pe sábado ára,

Matéo 12:2

Ha umi fariséo ohechávo péva he’i: Péina ne remimbo’ekuéra ojapo upe ojejapo’ỹva’erãva sábado árape.

Matéo 15:2

Mba’érehepa ne remimbo’ekuéra ndojapói umi temimbo’epy karai ancianokuérape ombo’éva yma guive. Ndojepohéiri ningo hikuái okaru hag̃ua.

Márcos 2:24

Ha fariseokuéra he’i ichupe: Mba’érehe piko ojapo hikuái sábado árape upe ojejapo’ỹva’erãva.

Lúcas 5:33

Upérõ he’i hikuái Hesúpe: Mba’érehe piko Juan remimbo’ekuéra oajuna (ojeko’aku) heta jevy ha oñembo’e heta, upéicha avei fariseokuéra, ne remimbo’ekuéra katu okaru ha hoy’u tapia.

Juan 5:16

Upévare umi Judaygua opersegui Hesúpe, Ha’e omonguera haguére ichupe sábado árape.