Lúcas 6:13

Ñanderuete Ñe’ẽ Porã 2015

Ko’ẽmba rire Hesu ohenói hemimbo’ekuérape, ha ijapytégui oiporavo 12, ha oñembohéra ichupekuéra apostolkuéra (temimondo).

Referencias Cruzadas

Matéo 10:2

Péicha ningo umi 12 hemimbo’e réra: Tenondete Simon, hérava avei Pédro; ha Andres, ityvýra; Jacóbo, Zebedéo ra’y, ha Juan ityvýra.

Matéo 19:28

Ha Hesu he’i: Añetehápe Che ha’e peẽme, upe ipyahupa jevyha árape, pe yvyarigua Ra’y oguapyva’erã iguapyha omimbívape ha peẽ pejúva che rapykuéri peguapýta avei 12 guapyha ári pembojovake hag̃ua umi 12 Israel tribukuérape.

Matéo 9:36

ha Hesu ohechávo hetãygua atýpe oiporiahuverekoite ichupekuéra, oikógui hikuái umi ovecha herekua’ỹvaicha oñemosarambipáva.

Márcos 6:30

Ha Hesu remimbo’ekuéra ojevy hendápe ha omombe’u joa ichupe opaite mba’e oporombo’e ha ojapova’ekue.

Márcos 6:7

Ha Hesu ohenói umi 12 hemimbo’ekuérape ha oñepyrũ omondo mokõi mokõime oñondive, ha ome’ẽ ichupekuéra pu’aka omosẽ hag̃ua mba’epochykuérape.

Lúcas 11:49

upévare Ñanderuete arandu he’imava’ekue avei: Amondóta hendápe proféta ha apostolkuérape, ha ijapytégui oĩ umi ojeperseguítava ha ambuépe ojejukava’erãva.

Lúcas 22:30

Peẽ pekaru ha pey’u hag̃ua che mesápe che retãguasúpe, ha peguapyva’erã guapyhaguasu ári che retãguasúpe, pembojovake hag̃ua umi 12 Israel tríbupe.

Lúcas 6:14

Umíva ningo: Simon, hérava avei Pédro, ityvýra Andres, upéi Jacóbo ha Juan, Felípe ha Bartolome,

Juan 4:33

Upérõ hemimbo’ekuéra he’i ojupekuéra: Oiméne piko ojeguerúra’e ichupe hi’upyrã ñaime’ỹ aja.

Apostolkuéra 1:13

Ha og̃uahẽvo Jerusalénpe ojupi hikuái pe óga kotyguasu yvatépe, oikohápe hikóni: Pédro, Jacóbo, Juan, Andres, Felípe, Tomas, Bartolome, Matéo, pe ambue Jacóbo, Alféo ra’y, Simon, pe Zelotekue, ha Júdas, Jacóbo ra’y.

Efesoyguakuérape 2:20

Peẽ peñemopu’ã Ñanderuete ñe’ẽ porã ári, apostolkuéra ha profetakuéra oikuaaukava’ekue, Hesu Crísto katu pe itaguasu, (pe óga pyenda).

Efesoyguakuérape 4:11

Hesu Crísto voi ome’ẽ ime’ẽmbykuéra (dónes) ijiglesiayguakuéra apytépe oiko hag̃ua: Apostolkuéra ramo, ambuekuéra proféta ramo, ambuekuéra omyasãi hag̃ua pe evangélio (evangelísta ramo), ambuekuéra pastor ramo (iglésia rerekua ramo) ha ambuekuéra mbo’ehára ramo,

hebreoyguakuerape 3:1

Upévare che hermanokuéra heko potĩva, Ñanderuete ohenoimava’ekuépe imba’erã ramo, pema’ẽ porãke Hesu Crísto rehe, Ñanderuete ombouva’ekue pa’iguasu ramo, jajerovia hag̃ua hese.

2 Pédro 3:2

penemomandu’a hag̃ua avei umi proféta heko porãva he’iva’ekue rehe ha oikóta gueteri, ha penemomandu’a hag̃ua avei Ñandejára ha Salvador rembiapoukapy rehe, ha Ñanderuete apostolkuéra ñe’ẽ oñembohasava’ekue peẽme.

Apocalípsis 12:1

Ha ojehecha ára rehe, peteĩ techaukaha (señal) ndetuicháva: Peteĩ kuña oñemondéva kuarahýpe ha pe jasy oĩ ipy guýpe, ha iñakã ári oĩ peteĩ akã jeguaka (coróna) oguerekóva 12 jasytata.

Apocalípsis 18:20

Pevy’áke, peẽ yvagakuéra, peẽ heko potĩva, peẽ apostolkuéra, peẽ proféta, Ñanderuete ombojovake haguére ko táva kóvape.

Apocalípsis 21:14

Pe tavaguasu tápia oguapy 12 itaguasu ári, peteĩteĩ ko’ã itaguasúre ojehai peteĩ apóstol réra.