Lúcas 5:8

Ñanderuete Ñe’ẽ Porã 2015

Ha Simon Pédro ohechávo ko’ã mba’e he’i Hesúpe: Eñemboyke chehegui, che Jára, che ningo peteĩ mba’evai apoha.

Referencias Cruzadas

2 Samuel 6:9

Ha David okyhyje Ñanderuetégui pe árape ha he’i: Mba’éichapa amog̃uahẽne Ñanderuete karameg̃ua Jerusalénpe.

1 Réyes 17:18

Ha pe kuña he’i Elíaspe: Moõpa che ajavy nendive nde kuimba’e Ñanderuete reheguáva, rejupi piko ra’e che rendápe chemomandu’a hag̃ua che reko vai rehe, ha rejuka hag̃ua che membýpe.

Job 40:4

Péina ápe, che chemichĩeterei ningo, mba’éiko ambohováita ndéve. Che pópe amboty che juru akirirĩete hag̃ua.

Éxodo 20:19

Ha he’i hikuái Moiséspe: Eñe’ẽ nde orendive ha ore rohendúta; anínte Ñanderuete oñe’ẽtei oréve, ani hag̃ua romanomba.

Isaías 6:5

Upéramo ha’e: Angái, angái, amanótama che; che ningo peteĩ yvyarigua ijuru ky’áva, ha aiko avei tetãyguakuéra ijuru ky’áva apytépe, che resakuéra ohechágui Ñanderuete, yvága atykuéra Járape.

Matéo 17:6

Ohendúvo péva hemimbo’ekuéra ojeity hova yvýre okyhyjeitereígui.

Matéo 2:11

Ha oikévo pe tymba rógape, ohecha pe mitãme, isy María ndive, ha upépe ñesũháme omomba’eguasu hikuái pe mitãme. Uperiremínte oipe’a imba’eita: Óro, inciénso ha mírra (mba’e ryakuã porãva).

Matéo 8:8

Ha pe soldádo ruvicha katu he’i ichupe: Che Jára, ndaijái chéve nde reike hag̃ua che róga guýpe, erénte peteĩ ñe’ẽ ha che rembiguái okueráta katuete.

Lúcas 5:7

Upémaramo ohenói iñirũnguérape opytáva y rembe’ýpe ou hag̃ua icanóape oipytyvõ hag̃ua avei ichupekuéra, ha oñembojávo omyenyhẽ pirágui mokõive canóa ombo’yguy hag̃uáicha.

Lúcas 5:9

Oñemondyipa ningo hikuái, ohecháva guive ko’ã piraita ha’ekuéra ojapyhyva’ekue.

Juan 11:32

Ha María og̃uahẽvo Hesu rendápe, ohechávo ichupe ojeity oñesũ ipy renondépe, ha he’i Hesúpe: Ore Jára, reime rire ko’ápe nomanoiva’erãmo’ã che kyvy.

1 Corintoyguakuérape 13:12

Ko’ág̃a ningo ndajahecha porãmbái jahechávaicha espéjo rupi, uperire katu ñama’ẽ ojováre; ko’ág̃a ningo ndaikuaapái Ñanderuetépe, uperire katu che aikuaapáta ichupe, Ha’e chekuaa háicha ko’ág̃a.

Apocalípsis 1:17

Ha ahechávo ichupe, ha’a ipy renondépe amanorõguáicha, upéi Ha’e omoĩ ipo akatúa che’ári ha he’i: Ani rekyhyje, Che ha’e pe ñepyrũmby ha pe paha,

Juéces 13:22

Ha he’i hembirekópe: Katuete ñamanóta, jahechágui Ñanderuetépe.

1 Samuel 6:20

Ha Bet-semesguakuéra he’i: Mávapa ikatu opyta Ñanderuete heko porãva rovake. Mávapa ikatu ogueraha ko karameg̃ua ñande apytégui.